من أي فردوس أتت عيناه
وبأي كوثر يرتوي جفناه
هل كُنت خلقاً من محاسن أُمةً
أم كنت حُسناً ماله أشباه
منذ لاح طيفُك لم أبح بمقولةٌ
إلا مقولة جلَ من سواهَُ
عرين الصياد بقلمي شذرة
ديالا :واگفه اعزل بالمطبخ وفات شاكر عاگد الحواجب وينافخ
شاكر : هذول ولد عمجن يريدون يسلمون عليجن
نادي اختج وتلفعن زين وظلي ورايه سلمي من بعيد
سوالف ما اريد مال شلونك وصحتك ومدري شنهي وتضحكين ظلي دحجي عليه من التفتت عليج وارفع حواجبي لازم ترجعين مزنحه عالبيت
ديالا :فكيت اثمي وصفنت يربي هاذ مو سلام تعذيب نفسي
شاكر : شبلاج صافنه يالله بساع نادي اختج
ديالا : استغفرت بداخلي ورحت تا انادي جوانه
تغدت وراحت نامت هسع شيگعدها
دگيت الباب وما فتحته اجه نشمي من بره
هم متعصب وينافخ
نشمي : ها مرت عمي رايده شي تره مرتي من تحط راسها عالمخده تفطس
ديالا : ادري بيها جيت اگعدها
تا نطلع نسلم على ولد عمنه
تأفأف نشمي وجان يصد بصفحه وهو متخوصر
نشمي : اهوو عاد منين طلعونه هذول هسع عش تروحن تسلمن انتن حت ما تعرفنهم
ديالا : شاكر گال احنه ما نريد نروح
نشمي : اي مو همه لزگو الا يسلمون عليجن زعم همه حنان يالله هسع اگعد هاي المصگوعه واجي
ديالا : رجعت عالمطبخ وهو فات يگعد جوانه
شويه واجو
نشمي عاگد الحواجب وجوانه لابسه ربطه وحاطه مشمر على كتوفها وماده البوز
وگفت يمي وندستها بجتفي ..شبيج يولي
جوانه : ما شفتي نشمي شسوه بيه
عبالك اني دزيت على ولد عمنه يجون علينه
ديالا : عجل لو تشوفين شاكر شسوه
يريدني اختل وراه وبس اسلم وارجع
جوانه : نشمي يگول اني اسلم بدالج انتي ظلي كارصه وذا شفتج ضحكتي وبينو سنونج اسحگهم واگضي بيج التوبه زعم هو بكيفه بس يجي عمي اگله
ديالا : بطلي هاذ طبعج كل ما رجلج سولف شي ورحتي مزرعده على عمج تشكيله جنج الجاهل
عوجت اثمها وما ردت
اجه شاكر وجان يتمايزني من فوگ لجوه عدل ملفعي
ونزله على عيوني وحط اصبعه بين الملفع وبين راسي يحشي الشعر خاف طالع شي
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
