صياد ليال
سألتها الوصل قالت لا تغر بنا
من رام منا وصالا مات بالكمد
كم قتيل لنا مات جوى
من الغرام ولم يبدئ ولم يعد
فقلت استغفر الرحمن من زلل
إن المحب قليل الصبر والجلد
خلفتني طريحا وهي قائلة
تأملوا كيف فعل الظبي بالأسد
عرين الصياد بقلمي شذرة
ديالا : على طاريهم واجو صياد وساجي ووادي
تلگيناهم نسلم عليهم
وليال ظلت واگفه يم الدنگه
ليال :همزين اجه هسع اخلي يروح يجيب الجهال لو يوديني عليهم بعد ما اصبر
بس خلي يخلص سلام وسوالف
هذني نسوانه شبيهن تلگنه مكيفات عبالك اجاهن العيد وهو يخوف وانوب لابس اسود
جتفت اديني وادحگ عليهم ما رحت
سلمت عش لو رحت
خلص سلام وجان يجي جاتف ادينه وراه
ويدحگ عليه عدلت وگفتي
ودنگت مد ايده يسلم وصافحته
عصر ايدي ويدحگ بعيوني
صياد : السلام لله يابه
ليال : دنگت وسحبت ايدي منه
وگمت افرك بيها نمردو اصابعي
فاتو جوه كلهم وظليت اخر وحده امشي وراهم وگلبي يرجف وگفت بالباب وادحگ على ذني يركضن ركض وحده تجيب مي شرب وحده تجيب مي غسول وهاي الي تسوي جاي شبيهن ذني
ورث جگاره ويخوط بستكان الجاي
راحت زهور ولمتله الحمام ورجعت وگفت يمه خلص الجگاره والجاي ويدحگ على ابنه ساجي
صياد : روح يابه على بيتك ارتاح
ديالا : وگف ساجي وجان يروح مبين تعبان
وجهه مشفوط
جوانه : الضاهر صاير وياهم شي
ديالا : اي مبين الله يستر
زهور : ابو نشمي الحمام والم
ليال : وگف وطگگ رگبته وراح عالحمام وزهور وراه
ظليت بمكاني اجت عيني على ابنه وادي حاط ادينه وره رگبته ومرتاج عالحايط ويدحگ عليه رافع تك حاجب
خزامي : وادي وليدي ولمتلك الحمام گوم اسبح
ليال :گام وراهه تا يسبح بالحمام البره
ظليت واگفه وانتظر صياد يخلص سبح وسوالف
تا احجي ويا
صعدت لحجرتي وهو طلع من الحمام ينشف بشعره وفات بحجرة زهور
واكثر من نص ساعه ظل بالحجره شنهي نام
گمت اكل بنفسي من اعصابي كل شوي اطلع وهو بعده
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
