والحُبُّ كاللِصِّ الشريفِ إذا سَرَقْ
نَفتَحْ لَهُ بابَ القُلوبِ وما طَرَقْ!
مَنْ لَمْ يَذُقْهُ فلا سَبيلَ لِوَصْفِهِ
يَعرِفْ جنونَ البَحرِ مَنْ عاني الغَرَقْ
قدْ ذابَ في محبوبهِ حتّي هوي
وصَلَتْ مياهُ البَحرِ مِنهُ إلي العُنُقْ
يا حُبُّ! قدْ قَسَّمْتَ قلبيَ قِطعتينِ
نِصفٌ لمحبوبيْ ونِصفٌ للأرَق!
إنْ لَمْ يَكُنْ عنديْ حَبيبٌ حاضِرٌ..
دَعنيْ إذاً يوماً أُحِبِّ علي الورَقْ!
.
.
عرين الصياد بقلمي شذرة
امل :انعصر گلبي واني ادحگ على عمتي معاضد وليال متحاضنات ويبجن وثنينهم تعبانات ومريضات
ما بيهن حيل للحجي وللعتاب والملامه
ليال ما گدرت تشيل بنتها اديها ما تعينها اخذتها منا
خليتهن براحتهن يطلعن ضيم گلوبهن والعبره الي بيهن تا بلكت يرتاحن
رحت سويت مميه لعذباء واخذها عثمان يرضعها
ليال : هاي شصاير بيها امي
تخوف وضعفانه ازيد مني اديها ترجف
ااخ يا امي الي ما شفتي راحه بيوم
خلصتي حياتج قهر بقهر
حطيت راسي على رجلها ودموعي تصب
اوف لمساتها تشفي العليل
مسدي على راسي يمه اني عليله وايدج تشافيني
مشتاگه لسوالفج من ترزليني وتعاتبيني
لا تظلين ساكته اعرفج بگلبج عتاب عليه عبن رجعت يم شكحه عاتبيني اترجاج
معاضد : ما تنفع الملامه يمه
ما اعاتبج ليش رحتي برجلينج على شكحه
الما تخاف الله وانتي
اكثر وحده تدرين بيها شنهي من بشر
ادري بيج تبعتي گلبج وأمومتج
ما صخيتي تعوفين ضناج طبيتي جحر الحيه برجلينج لخاطرهم
ليال : اي والله طبيت برجليني ولدغتني واذتني
ما گدرت احمي نفسي وجهالي منها
معاضد :اوف يمه حسبي الله ونعم الوكيل
ليال : فاتت امل جابتلنه كعك وجاي
گعدت وگمت اكل بتعب
بعدني احس بالجوع وگوه اشيل ايدي
معاضد : كلنه نغلط بنيتي ميخالف خطيتي هاي الخطوه ودمرتج بس ربج لطف بحالج وهسع لازم تاخذين درس وتعلمين من غلطج
امل : كلها تعلم من غلطها الا ليال تزيده انوب
ليال : شسوي هاي قسمتي وقدري
امل : ميخالف قسمه وقدر بس انتي هم الج ايد بعذابج اجتج فرصه ودفرتيها برجلج
ليال : فرصة شنهي
امل : مو الصياد دز امه والبنوات وطلب يعقد عليج تا يجمعج ويه جهالج ويخلصج من شكحه
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
