شغف الشيطان 🔱مكتملة🔱

الجزء 6 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 6🖇

.. بهدوء هز راسه بعد ما سمع كلمات يونس .. قاد كتافه على الكرسي بإرياحية .. كتافه عراض و مقادين .. طقمه الأسود الكلاسيكي خلاه يبان سيد الأسياد .. يده مزينة بساعة سوداء مع براسي فضي .. مع أزرار يد ذهبية .. فصبعه خاتم منقوشة على شكل ذئب .. بين صباعه سگارة فاخرة كينتر منها ..

.. هز يده الأيسر .. دوزها على وجه بتداء من جبهته السمراء .. نزولا لحجبانه القهوين ولي فاكهم .. مرور بعيونه العسلين كيف نقط العسل .. نزولا لمنخاره مرور بفمه الأحمر ..
.. جر جرة من سگاره و هز فنجانه د القهوة رشف منه ..
.. و قال برنة باحة بصوته الصلب ..

-_ هدا هو الرسمي ! _-

.. يونس ضحك و برك على الفوطويي لي كان بالأسود جلسة رجولية .. مخلي رجليه مفرقين .. وناشر يده بإرياحية .. ضاسر و فايت الحدود ولي بغاها هي لي تكون ..
.. بتاسم بسنيناته البويض .. وقال ..

-_ واش يحساب لك كلشي فحالك أفجر .. طقم هو الطقم و الرسمي هو الرسمي _-

.. فجر عقد حجبانو بسرعة .. و رمقه بعيون مالتهبة ..
.. و قال بلكنة قاصحة و صارمة كرهه أنه يتكسر كلامه ولا يعيده ..

-_ مضسرش عليا أيونس و لزم حدك و عرف شنو كتقول مع فمك ونوض لبس حوايج رسمي _-

.. يونس بتاسم كثر وهو كيشوفه معصب .. أكثر شي كستمتع بيه هو أنه يعصب شي وحد ..
.. قاد جلسته .. و قال بمزاح ..

-_ أك برو رولاكس غا نلبس .. طلب لينا قهوة ولا شي حاجة ناكلوها _-

.. فجر خنزر فيه بعيونه العسلين ..
.. وتمتم بكلام لا نقاش فيه ..

-_ بلاصت الماكلة راك عارف فين .. باغي قهوة ! سير لبس و أجي ليها _-

.. يونس شاف فيه معوج فمو
.. وقال بملل ..
-_ أنا ماشي هو نتوما ما أنعقدش راسي فكرفاط و طقم رسمي -_

..خرج بسخط مخلي فجر كيخنزر فيه .. طلب القهوة و جا يونس لابس طقم رسمي متكمل فالأبيض و لأسود ..
.. و قف و خدا گارو شعله و جلس يتنخوى بيه ..
.. وقال بهدوء ..

-_ اوا علاش طلبتني ! وعلاش قلتي نجي بالرسمي ! يكما مضرب لي فخدمة وانا عاد شاد كونجي _-

تـتـمـة ❄🔥

.. فجر كان أينطق حتى تسمع الباب تطرق .. عطى الإذن لطارق بدخول .. طلعها و نزلها فصمت و تبعها بعينه حتى وصلت لعنده دقق فإغرائها و فحراكتها ..
.. نزلت تحط ليه بلاطو دالقهوة حتى بان الشق لي فصدرها و ما إن جات عينيها فعينه غمزاته حتى رفع حاجبه ..
.. و قفت بغنخ وقالت بلكنة ملحونة ..

-_ القهوة سيدتكم بصحة _-

.. عطاتهم بظهر و مشات كتلعب فالخير لي عندها و كتتعمد تبين إغرائها .. حتى سدت الباب ..
.. فجر بتاسم بجنب فمه وتمتم بكلام مسموع ..

-_ البيضة موناموغ ..
" شاف فيونس "
.. لحنوشة خرجو من الغار خاص نردو البال _-

.. يونس شاف فيه كيضحك من قلبو فهم قصدو و لي كان كقصد بيه أنهم رجعو باش يقتلوه ..
.. و تمتم بضحكة عالية ..

-_ سمحيلي الزرگة .. خاص تزيد الحماية _-

.. فجر بسم فمو لجنب بستهزاء ...
.. و قال بستحقار ..

-_ نساو أن شيطان طول عمره يبقى غير شيطان حتى لاو تاب _-