شغف الشيطان 🔱مكتملة🔱

الجزء 47 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 47 🖇

.. شغف بلى ما تشوف فيه ولا حتى تديها فنبرة صوتو الجدية ..
.. قالت بدون هتمام ..

-_ انا ماشي ديال زواج .. ونتا ماشي تفواج .. انا حمقة ونتا بعقلك .. انا زطايلية و مبلية ونتا يمكن حدك حد جاك دانيل .. و لأهم انا مافيا و نتا سياسة _-

.. تنهد و رجع يدو عندو و قال بهدوء ..

-_ الحب كيختارف الناس المختالفين _-

.. شافت فيه .. و قالت بستهزاء ..

-_ إييه المختلفين ماشي وحد ساكنو شيطان و فأول فرصة كيبان راه قلت لك .. قتلني برصاص ماشي بالحب و زواج _-

.. دور وجهو لزاج .. و بالخف تسيف وجهو .. من وجهه هادئ .. لوجه ماكر و خبيث .. مكدبتش شيطانو خبيث و جا تال عندها و رجع ..
.. زفر بمكر و قال بخبث ..

-_ باش عرفتني غا نقتلك بالحب _-

.. ضحكت بجنب فمها و عوجت طريق ووقفت الوطو حتى شاف فيها .. و لقاها كتشوف فيه ..
.. و قالت ببتسامة ..

-_ ساط هاديي لي قدامك راه ساكنها شيطان فحال شيطانك .. متفكرش تلعب بيا .. و توهمني بالحب و لحنان .. على اساس راني كنت محرومة منو _-

.. فجر رمش بعينيه كيقرب وجهه لعندها ببتسامة خبيثة .. و قال ..

-_ شنو نعتابر هدا رفض لطلبي لك بزواج _-

.. شغف بقات كتشوف فيه .. كدور عليها فالهضرة .. وكدخل من هنا و يخرج من هنا ..
.. عرفات شيطانو كيف داير .. و عرفاتو علاش ناويي .. وحتى لا قالت لا يقفتلها بلى شفقة ..
.. هزت حاجب .. و قالت ..

-_ نهار لي نمل فيه من حياتي و تطلع لي فراسي .. انا لي انجي عندك و نقوليك موافقة .. حاليا كتهمني غير حياتي وخدمتي و سفاريي .. اه ونهار لي نشوفك غا تنفعني فيه فحياتي لا نتا ولا زواج .. انا ماشي حمقة نهرب من جهنم و نطيح فبركان علاه زواج ساهل _-

.. فجر تسناها حتى خدمت لوطو و عطاها الموقع ..
.. عاد قال بعد ما رجع محافظ على الهدوء ديالو ..

-_ شنو هو زواج ! _-

.. شغف تنهدت من هد لصقة لي طاحت عليها .. هي براسها معارفاش شنو هو زواج ..
.. ولي جاتها ففمها قالتها ..

-_ زواج كيف وحد الجبل عالي .. وخاص يكون عندك صبر كبير لا بغيتي تتعلق فيه وتوصل لراس جبل و حياتك هي المسؤولية لي هاز على كتافك .. و نتا غاديي .. ولا وصلتي لنص و طحتي ومتي يعنى صبرك قليل ووصلتي لطلاق .. ام لا كنتي طيح وتنوض و تكمل من جديد حتى توصل وخ گاع دوك العقبات و ديك المسؤولية راك نجحتي فالعلاقة الزوجية دياك _-