شغف الشيطان 🔱مكتملة🔱

الجزء 46 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 46 🖇

.. شهد بقات كتشوف فيها .. صدمتها بعمى الكلمة .. حتى قالت بندهاش ..

-_ متأكدة !! لأشمن عائلة كتنتامي ! _-

.. شغف دارت شهيق و زفير .. شحال كيعجبها الحال تعرف على راسها ..
.. مجات فين تنطق حتى وقف عليها فجر مخنزر و عاقد 111 فجبهتو ..
.. و قال نوعا ما بالغوات ..

-_ تحركييي قدااامي تهزيي وقفي _-

.. وقفت معليا فيه راسها .. و عاقدة حجبانها .. و قالت بنفس درجة صوته ..

-_ يكما خدامة عند باك حتى تغوت عليا _-

.. جرها من يدها مخرجها لبراى قدام عيون شهد المستغربين ..
.. ماوقف بيها حتى لباركيغ و بضبط الوطو ديالو ..
.. حل الباب دشيفور وخشاها فيه .. ودار طلع جنبها .. و قال بغضب ..

-_ غانبقاو هناا سوقي خلينا نتقودوو نساليو شغلنا _-

.. شغف زفرت معصبة نيت .. مفطراش و مكمياش و مشارباش .. وكمل عليها هو بالغوات حتى غوت عليه ..

-_ ماااااااارانيش خداااااامة عند زاملبوك حتى تأمر فيا كيف العبد _-

.. فجر هز يدو زعما باش تخاف .. و عاد مخرجت فيه عينيها كتر و كتر ..
.. حتى غوت عليها ..

-_ نزلي عينيك لديلمك و سوقي ماعنديش الگانة باش نسوق _-

.. خنزرت فيه حتى عيات وخدمت الوطووو كتسوق معصبة ..
.. ام هو رجع راسو على الكوسان و حال الشرجم كيدخل منو الريح مجهد مع السرعة لي كتسوق بيها شغف ..
.. حتى تفكر أنه عاد دوشت .. وطلع زاج على قبلها هي لا يضربها البرد ..

.. دور عينيو غير بشويا كيشوف فيها .. بقى متبعها بعيونو كيف عاقدة حجبانها ومخنزرة ..
.. طول يده لشعرها .. ورجع بعض الخصلات لورا أذنها حتى قفزت .. و عواجت بيههم الوطو ..

.. خنزرت فيه ودورت وجها لطريق و قالت ..

-_ ساخي بعمرك _-

.. دوز يده على شعرها لي باقي فازگ .. و قال بصوت شبه سكران بجمالها ..

-_ تزوجي بيا هممم _-