شغف الشيطان 🔱مكتملة🔱

الجزء 44 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 44 🖇

.. رجعت لاور بلى متكمل ليه الكراف .. متعجبة من كلامو .. واش كيشكر فيها ولا غير سمعت غلاط ..
.. فجر شافها ساهية و ضحك بجنب فمو عرف راسه أثر عليها ..
.. شغف شافت فيه و قالت بستغراب ..

-_ كتحاول تلعب بعقلي ياك ! _-

" فجر "
-_ صريحة بزاف همم _-

" شغف "
-_ خلينا من زواق و جيني من لاخر _-

" فجر "
-_ راه جيتك نيشان عنديي جتماع و بغيتك معايا _-

" شغف "
-_ علاش !! لاش !! _-

.. فجر طلع لو الدم منها .. واش هو مسالي يببقى يبرر ليها ..
.. حط يدو على كتافها بجوج .. و قال بأمر ..

-_ بغيتك فظهريي فجنبي حداياا .. كيفاش علاش لاش فوقاش مشغلكش أزين _-

.. شغف جرت كتفها من يدها .. و قالت بغضب ..

-_ مرانيش خدامة عندك ! ولا خدامتك ولا عبدة عندك أسي الوزير و هد شي ديرو مع وحدة عاد كتتعلم للدنيا ماشي مع وحدة خلات دمها فناب ذيب _-

.. فجر ضحك بسخرية و فنفس الوقت متعجب من كلامها الواضح أنها بنت الوقت .. و هد شي لي كيخليه يزيد يشدها عندو .. و قال ..

-_ اك اك رولاكس أختي .. دابا تفضلي تفطريي عندنا جتماع مع 2 طبعا لا كنتي باغا الحرية ديالك _-

.. تنهد و هي كتتمشى من وراه .. تشوف هد الحريرة فين أتخرجها .. و ساكتة و جامعة عندها حتى تفديي دقتها ..
.. شعلت تلفونها .. و طلقت جبي إس و سيفطت ميساج لعلي بزرة ..

"- .. ثلج انا بخير غير ثلعب بغا يلعب ونا وجدة للعب .. تبع الإشارة حتى لفين أتوقف و جي لعنديي هد شي مايخرجش على خير .. -"

.. وخشات تيلي فجيبها ..
.. حاسة و متأكدة بالي هد لجتماع أبدا واش أيجي منو شي خير ..

.. دخلت هي و ياه لأسنسور .. و وقفت قدامو و هو وراها ..
.. مربعة يدها و شعرها الطويل و المطلوق و الملون مسرح على ظهرها و نازل على كتافها .. حاسة بعيونه مختارقينها ..

.. حتى تحل لأسنسور و خرجت منو هي و هو معاها .. ومشاو نيشان لطبلة ديال الفطور ..
.. جر ليها الكرسي و جلست .. وجر كرسيه وجلس ..
.. ثواني فقط حتى كانو حطو الخدمات الفطور و هوما مستغربين من شغف لي باركة جنبه ..

.. مستغربين من كونها بنت ماشي من العائلة و باركة على طبلة الهلالي ..
.. دورت عينيها عليهم كيف مختارقينها بعيونهم .. وقالت بغضب كتخفى التوتر لي كتحسه ..

-_ تقدرو تمشيوووو _-

.. فجر مدهاش فيها ولا كلمها ولا قال ليها أي حاجة .. فقط نزل راسو على طبسيلو مابقى هزو .. ونفس الشيء دارت هي ..
.. دقايق قلال حتى تم داخل بن عيسى فجبنو شهد واااااضح أنو معصب .. جر لشهد كرسي وبركت بزعفة عليه ..

.. عيسى وقف عند راس فجر وقال بغضب .. ممسوقش لشغف .. و أصل مكيعرفهاش ..

-_ فجر نوض باغي نهضر معاك _-

.. فجر شاف فشغف لي كتشوف فشهد .. عرف غير من شوفتها أن شهد مكتعرفهاش .. و كذالك عيسى مكعرفش شغف فوجها .. أو فالأصل تاحد مكعرف شغف فوجها .. من غير لي قلب عليها و بحث عليها ..

.. فجر تنهد ومسح فمو .. و دار يدو على حنك شغف بحنينة كبيرة منو حتى بقات كتشوف فيه .. وقال بهمس مبتاسم كيرجع ليها فكلمتها لي بقى مفكرها ..

-_ فطريي أروحي _-