شغف الشيطان 🔱مكتملة🔱

الجزء 123 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 123  🖇

.. ضحكو ضحكة تقيلة من كلامو لي معروف حسد ولا سم ولا ضحك ..
.. كتافهم كتتحرك بشويا و ضحكتهم شبه عالية ..
.. حتى ولا الكل كيشوف فيهم .. و من بينهم شغف و فجر ..

.. هد الاخرين لي وقفو و تقدمو لعندهم ببتسامة ..
.. حتى طلقت شغف من فجر و بتعنيقة حاااارة عنقت الاسكا ..
.. من ديما الاسكا هو الصدر الحنين و الاخ لكبير و رزين فيهم و لي عقلو ديما حاضر ..
.. الاسكا هو صغير فيهم و هو الكبير فيهم فالعقل و رشد و لحاجة ماتكمل الا بالإستشارة ديالو ..

.. دور يدو عليها دفنها فصدرو .. كتنهد مرة مرة يطبع قبلة على راسها ..
.. حتى بعدت منو ووجها حمر محقون بدم وعينيها مغرغين باغا تبكي ..
.. جمعت يدها مع يد علي و يد الاسكا و يد الثعلب ..
.. و بصوت باكي قالت ..

-_ عمر ربي يحرمني منكم نتوما عائلتي و نتوما خوتي ربي شاهد عليا شحال كنبغيكم .. غلطت فحقكم شحال من مرة غوت عليكم و نفخت عليكم عمركم تقلقتو مني ولا هزيتو فخاطركم من جيهتي .. كنبغيكم بزااااف والله _-

.. تنحن الثعلب كيكره فحال هد المواقف ..
.. و اكره شي عندو هو لي يقيس فيه ..
.. و قال بهدوء ..

-_ تأثرت ممكن نجر يدي لا ساليتي هد الدراما ديالك _-

.. ضحكت فوجهو .. عمرها تتقلق منو و هي عارفة طبعو كي داير ..
.. بين ما الاسكا خنزر فيه هو و فجر و علي ..

.. هد الأخير لي جرها خاشيها فيه ..
.. هو لي حاس ببلاصتها و بدقتها .. تنهد بضيق وهو كتفكر انها ماتبقاش معاه فدار وحدة .. و بلاصة وحدة ..

.. حس بيها تشهق وسط صدرو زاد زير عليها .. و غمض عينيه لي مغرغرين بدموع حتى ولا هو براسو كيبكي ..
.. نزل راسو حاطو على راسها كيتنخصص و هي كتنخصص فصدرو ..
.. و بصوت مبحوح قال ..

-_ شكون ايبقي يتخشى فيا فليل .. و شكون ايبقى يقولي ثلج .. شكون انبقى نسكر معاه .. شكون ايكون ظهري و يكون معايا فاش نمرض و لا فاش نضرب _-

.. ردت بصوت بزز باش كتخرجو ..

-_ مك مانسمحش لك تجيب شي خانزة لبلاصتي انا الاصل انا الثلج مابقيتش باغا نتزوج ديني معاك مابغيتش نتزوج _-