شغف الشيطان 🔱مكتملة🔱

الجزء 50 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 50 🖇

.. ظهرها ملاصق على كرشه .. صدره طالع هابط .. و صدرها كذالك .. منخارها كيتفتح و يتسد بقوة .. و هو كذالك كينهج و كحاول ينظم تنفسه ..

.. شغف دوزت لسانها على شفايفها ببتسامة مستفزة ..
.. و تمتمت بتشويق ..

-_ عشقي و هوسي هو هد الهجوم _-

.. فجر مسك مرفقها بغضب و رد على كلامها المستفز و على رنة صوتها المشوقة ..
.. تمتم بصوت رجولي صارم ..

-_ بقديي و قامت .. بهيبتي و نخوتي .. وليت نتلقى هجوم فحال هدا _-

.. قهقهت بستحقار ..
.. و قالت بستفزاز ..

-_ لي يسمع إسمك و قامتك و مكانتك فهاد العالم
" نغزاته بسلاحها لمرفقه "
.. يحسب له غير شي وحد بكرشه كيف الحاملة _-

.. فجر قرم حجبانو .. و جمع شفايفو بغضب ..
.. دور عينيه على الناس لي كتهرب من رصاص ..
.. و قال مشربن ..

-_ يا بنت ذين الكلب نتي لي من ورا هد شي ياك _-

.. شغف زفرت بضيق .. و تمتمت منرفزة ..

-_ ممكن تطلقني عفاك ! خنقتني راني فهجوم ماشي غا نهرب و نخليك .. هادو فعايل غير شمايت _-

.. فجر طلقها بشويا .. أكيد أتخرج لو العقل بهاد الفعايل لي كدير ..
.. تنهد و رجع لاور مبتاسم .. حتى شافها مشات تجريي لعند علي ..
.. عقد حجبانو من شوفت علي .. كيف يعنقها و كيف تنساجم معاه فالهضرة ..

.. يمكن غار و يمكن حسد علي على شغف .. مع إنه عارف علي شكون و شنوو كيسوا .. وحتى شنو كيدير فالحياة ..
.. و بالمقارنة معه و مع فجر .. الى أن فجر فايته بزااااف .. فاعلاش حتى هو ماعندوش بحال شغف !! ..
.. عندو مال دنيا و دين .. و لي طلبها تحظر .. و خير نسا و أجملهم يركعو عند رجله ..

.. ولكن شغف !! .. هي القوة .. هي التمرد .. هي الشغف لي ساكنه .. فا علاش ماعندوش ..

.. فظرف 3 يام كانت محور تفكيره .. بقوتها .. بلسانها السليط .. بجرئتها .. براسها القاصح .. بكل شي فيها خلتو يفكر غير فيها حتى ولا باغي يتملكها هي بوحدها .. هي ليه هو بوحدوو .. هي الفنان و هو الهوس ..

- هوس فنان -