شغف الشيطان 🔱مكتملة🔱

الجزء 27 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 27 🖇

فوسط الظلام كتجريي بكل قوتها .. قلبها كضرب بقوة الجريي .. فيدها سلاح و يدها لاخر تلفون ..
.. فوسط داك الخلا لي كان عبارة عن غابة .. كتجريي فيه حتى وقفت عند وحد الشجرة كتنهج تنهج .. كدور وجها وتخدم وذنها وتسمع صوت ديالهم لا كانو جاين ..

.. مالي سيفطت ليل وتبعوها البوليس وهي غير كتجريي .. جاها لحنين لشي مداهمة تكون قوية .. و ها هيا وحلت معاهم ومابقات عارفة ما تقدم ولا ما توخر .. وكملت مالي سمعت صوت الكلاب ..

.. حمدت الله على سلاح لي باقة هازة .. حتى دارت ليها طن عاود فراسها .. علاش مايكونوش ماشي بوليس .. ضربت راسها بسخط من لغباء لي شدها البوليس خلاتهم وراها إذا هادو شكون ! يكما عادل لي نواها فيها ولا يكما عاقو بيها ..

.. فوسط الظلام بتاسمت بخبث من الفكرة لي جات فبالها .. وشعلت تيلي و دوزت ابيل .. ثواني قليلة وتسمع الرد ..
.. ردت بصولت عالي وقالت بلكنة الأمر .. لي فراسها غاطبقو وربي كبير .. باش ترض عتبار لراسها و لتهديد لي هدها

-_ شرف الذين الشافعي .. وجد ليا ليه شي قرصة أذن تكون نااااضية سمعت شاتد شي قضية على شي قاصرة ما قاصرة _-

" علي "
-_ مثالا ! _-

" شغف "
-_ خدمتوو .. و من بعد أنا شخصيا غانسيفط ليه وحد الكادو ناضي سمعني دابا ..
" دورت عينيها ببرودة فداك الظلام وبتاسمت من صوتهم لي قرب "

.. احم تابعيني البوليس صرحة معرفتش واش بوليس ولا لگارد .. سمعني حتى نكمل .. غانسلم راسي بلى ماتصدم عنديي وحد الغراض فالحبس .. الوطو سيفتها مع ليل .. سيفط شي حد من الرجال لي كاينين يغبروهااا ويبدلووو ليها المطريكيلى وصبغوها ولا غبرو جدها فشي قنة مايطيحوش عليها .. وقول لعادل الشافعي يوجد لي 500 مليون راه وزير هداا ماشي مين ما كان _-

.. قطعت عليه بلى ماتستنى الجواب ..
حتى حست بشي حاجة ختارقت ظهرها بعنف شيحاجة قاصحة وصلبة و حديدية وعرفتها رصاصة .. حتى تأوهت بصوت متألم وعضت على سنانها بألم ممزوج بعصبية من هد الغذر و الحگرة لي حساتو .. وطاحت للأرض على يدها فاشلة و خواو بيها رجليها فقلب ألألم .. قلبها وسط صدرها كضرب بعنف و بقوة .. و عقلها خدام كيفكر فأشمن عقاب تعطيهم .. واش وصلت للنهاية ! .. و وقفت على حافة الموت ! .. ولكن هي شغف هي القوى .. و هي التمرد .. و هي الكل و الكل هي ..

.. فوسط الحريق لي كتحس بيه .. بتاسمت بجنب فمها بمكر .. وهي كتسمع فيهم كقربو ليها ..
.. و تمتمت بخبث .. كتتأوه من حر الحريق لي فظهرها لي ختارقاته رصاصة ..

-_ وجد راسك للهلاك أشرف ولا شكون ما كان وراى هد شي أوووه ففف .. نتا لي بديتي وهفففف أنا غنوريك لعبي _-

.. غمضت عينيها و ستسلمت للحريق حتى كتحس بشي حد واقف على راسها .. مجات فين تبتاسم حتى حست بضربة قوية لكرشة .. و وحدة أخرة لظهرها حتى غوتت من ضو لي ضربها .. حست برجل تخشات ليها فوجها .. حتى حست بدم هابط مع وجها .. بعض قتلة دلعصا بتاسمت بستفزاز سنانها كلهم دم .. و قالت بهمس متألم كتخرخر بدم ..

-_ غان قت لك _-