شغف الشيطان 🔱مكتملة🔱

الجزء 104 🔱

🔱 شـغـف الـشـيـطـان 🔱

✒ بـقـلـمـي ~ سـنـاء بـلـخـروف ✒

🖇 بـارت ~ 104 🖇

.. يونس & فرح ..

.. كيسوق وحاط يدو على فخض فرح لي كتشوف فيه وتعوج فمها باغا تبكي من المشهد لي عاشت ..
.. حرك ابهم ديالو على فخضها حتى حطت يدها كترعد على يدو ..
.. حتى شاف فيها وبنبرة حنينة قال ..

-_ موسطاشتي تهدني راه ما وقع ليه والو _-

" فرح "
-_ مات و لاخر تضرب فيدو و ماوقع والو !! هكااا دمك بارد لهاد دراجة _-

" يونس "
-_ راه غير بنتو لي ضرباتو وهي نفسها ختو لي ضرباتو اذا منهم لراسهم افرح ديري فحالا ما وقع والو _-

" فرح "
-_ وقع قاليك ماوقعش وقع اويلي على بنتوو و ختوو واش شغف !! ديك لي كانت عندنا !! _-

" يونس "
-_ وي شغف هي لي قتلت و هي لي ضربت و دقة كانت اتكون في فجر يمكن غلطت _-

.. فرح وسعت عينيها كثر مدهوشة ..

-_ ف فجر...!! اويليييي !! هادي هي لي دخلنها لدارنا ووكلناها من طعامنا !! هادي هي لي جيت من جيهتها انا ودافعت عليها !! لا لا لا مايمكنش اويلي !! واش بنادم هكذا نكار الخير و مافقلبو رحمة ! _-

" يونس "
-_ ما كثر گاع .. خصوصا هديك بضبط مزال نفدي فيها واحد دقة كنتسالها ليها _-

.. حركت راسها باه وسهات كتفكر وتحلل وتناقش غير مع راسها .. و كل تفكرها عند شغف و شخصية شغف و قوة شغف ..

.. نجوم فسما مونسين وحدتها و لهلال منور ظلامها .. بعد نور جمرة ديال لگارو ..

.. عينيها الخضرة سارحة بيهم و ساهية بيهم و مركزة بيهم على نقطة ..
.. و فعز هد الصمت المرعب رن هاتفها .. وهزتو من جنبها بشويا عليها ..

.. تنهدت بصوت عالي و جاوبت و قالت بهدوء راخية لسانها و داتها كأنها هي لي ماتت فيها الروح بالكلام لي قالت ليه ماشي العكس  ..

-_ علاش هد الإصرار كامل !! علاش مزال باغيني  _-

.. بين ما هو نيم عينيه بشويا وهي كيسمع فكلامها الجاف .. و صوتها لي مرخي ختارق قلبو قبل من عقلو ..
.. وحلل كلامها و خرج تنهيدة من أعماق عمقه المحروق غير كتنهد صافي بدون كلام ..

.. سمعت صوت أنفسه واصلة لعندها .. حركت راسها بشويا عليها على حساب عنقها حتى تسكدت بلاصتها ..
.. و رجعت قالت كطنز عليه ودندن بأغنية معرفت منين جابتها ..

-_ نسكر على جالك يكما گالوها لك _-

.. ترسمت بتسامة صغيرة على ثغره ..
.. و همس بخفوث بصوته التقيل ..

-_ كون ضربتني برصاص ولا داك لكلام أرصاصة قلبي _-

.. غمضت عينيها بقوة من همسه لي خلا مشاعرة غريبة تتحرك فيها ..
.. و ضو يضرب فمعدتها من تغزله الغريب ..
.. فتحت عيونها بشويا كترمش و كتشوف فالهلال ..
.. و بنفس همسه ردت ..

-_ قصحتك !! أ فجر _-

" فجر "
-_ قصحتني !!
" تنهدت بصوت عالي اكثر "
.. حرقتني و حرقتي عمقي .. و فنفس الوقت شعلتي نوري ونور عمقي .. هرستني و صلحتني .. طفيتي و شعلتي .. حتى وليت حاااير و ذاااايب واش نزيد !! ولا نرجع !! لا زدت غا نتحرق و نتهرس و نطفى و نتقصح كثر.....  _-

.. سكت مغمض عينيه متأمل انها تفهمه ..
.. ام هي غمضت عينيها لي و هزت حجبانها ..
.. و رسمت بتسامة على ثغرها و قالت بأمر ..

-_ زيد .... مصيرك تزيد الرجوع ماشي فمصلاحتك و مصلاحتي .. و كل ما نتا كتزيد و نتا كتحرق .. قتلك اولد لهلالي متقتلتنيش بالحب و هانتا قتلتي راسك براسك و هدمتي غرورك براسك .. و فعشقي طحتي أ فجر قلبي موووووووت اولد لهيلالي مووووووت _-