زين البلدان🪐مكتملة🪐

🪐الجزء 7🪐

الجزء7
بقلم سارة شيراتون...
وخرجات نيابها فينا ولات غير تدحي با يخرج يخدم
هناء: وترجع لينا انا وختي صفاء وتفيقنا من غرق النعاس ضل تحرث علينا منا كراص ومنا غطا للراس
صفاء: نشوفو نعمة بعينينا وما ندوقوهاش..ما نعرفوها مالحة ولا مسوسة...وملي يجي با تقولو كلااااو و شبعو وملي شكيناها ليه ولامها علينا..ضبرات لينا على حيلة باش توضرنا و تجلينا...
خدوج: نتا حمان ما بقات لك صحة باش تمشي الخدمة...شي نهار يدورو بيك شفارة يسرقوك...
حمان: عندك الحق خدوج..
خدوج: اوا هي الى خليتينا انا وبناتك نقابلة ليك شغالك و فلوسك توصلك ليدك...
حمان: باغا تشفي فيا العديان ..
خدوج: باغا ندير فيك الخير ا حمان..وخيرنا ما يديه غيرنا
دورات صفاء وجها لقات نور قوي خارج من سلطان و وزيرو..خافت هي و ختها نساو العهد والامان و عطاو رجليهم لريح...ما تلفتوش من وراهم حتى وصلو الطريق المخلية وتبدلات و قطعو الواد عاد جلسو يستاراحو..
هناء: هادوك جن ولا انس شفتي جنونك فين وصلونا...عمرني لا تبعت طريقك...
صفاء: شفتي داك نور انا خلعني...
هناء: نوضي نقلبو على حوايج نلبسوهم بحال ناس القبيلة باش ما يعرفنا حد برانيين