زين البلدان🪐مكتملة🪐

🪐الجزء 18🪐

الجزء18
بقاو البنات يوماين وهما يتمشاو عاد لراس جبل وصلو...جبل واشمن جبل ما يعرفو نهارهم من ليلهم...سماو الله ودخلو معهم الخروف...
عقيسة: مرحبا بلي جا وجاب مرحبا بنات القاضي مول الحكمة والشوار...جيت لبين يدي نديركم قديد ولا نخليكم حتى العيد...
هناء: خلاها مولاها العروسة فوق الكرسي وما عارفة فين ترصي...
صفاء: ولا هناء قولي العروسة عمشة والحنة حرسة والنقاشة فيها بوتفتاف😂😂
بقات عقيسة كتغدد وهي ترمي على صفاء وهناء تعويدة باش تسحرهم...ولكن لي صدمها هو ما وقع لهم والو باقيين حداها...
عقيسة: هدشي كامل بسباب حماتي وجه الدلو هي حارة و ولدها حلو..
هناء: العروسة المتعوسة هي لي ما ترضى بالعكوزة..
صفاء: وجه الشارفة ما يخفى وخا تحكو بالحلفة...
يلاه بدات عقيسة تهدر وتلوح تعويدة على صفاء وهي تغفلها هناء ...وتقلب سحر على ساحر صدقات عقيسة لي تسحرات وتمسخات..ورجعات معزة
صفاء: الناس خداو حقهم بالحفنة وهي خداتو بالجفنة...
صفاء: ودابا اش نديرو...
هناء: ربطيها حدا الخروف...نرتاحو ونشوفو كيف نحلو هاد الحكاية تاني...
صفاء: انا ما بغيت لا سلطان لا وزير...بغيت نرجع لدارنا عند با حمان ومراتو خدوج...
هناء: غير نكملو نقصدو الطريق المخلية ونفكرو ف دارنا وهي توصلنا ليها اكيد...