زين البلدان🪐مكتملة🪐

🪐الجزء 21🪐

الجزء21
ما وقفو البنات حتى كان الغبار ديال زلزال تبعهم وغطاهم...بقاو شحال واقفين دايرين طرف من توب على وجهم..حتى حسو بالدنيا تهدنات والاوضاع لطبيعتها رجعات عاد دارو يشوفو...كان جبل رجع لونو..لون الدهب و فوق منو راية بيضة مكتوب فيها...جبل سلطانة زينة الصفا..وحداه كان جبل فضي..حتى هو فوق منو راية بيضة مكتوب فيها...زينة الهنا..البنات بقاو غير حالين فمهم..خصوصا فجبل الفضة حيث ما شافوهش ملي كانو وصلو...
سلطان صفوان: جبل دهب تهدا ليك فصداقك الالة السلطانة...ومن وراه كاين قصر دهب حتى هو ديالك...
الوزير: ونفس شي بنسبة ليك ازينة الهنا...تهدا ليك جبل الفضة وحتى نتي عندك قصر من وراه...
صفاء: راكم غالطين انا سميتي صفاء وهادي ختي هناء..ماشي زينة الصفا و زينة الهنا...
ااسلطان: ما علينا يلاه نمشيو القصر...ترتاحو وعاد شدو طريقكم لبلادكم..غير ملي ندوزو من طريق المخلية فكرو فالقصر...
البنات: وخا وهاد طريق المخلية ما تقادش...
الوزير: تقاد نهار يرجعو قلوبكم صافية...وتبغيونا كيف قبل...يلاه نمشيو...
داهم السلطان من طريق مختصرة...دغيا وصلو لطريق المخلية...وعاودو وصاوهم يفكرو فالقصر...ولكن البنات كان عندهم راي وشوار اخر...من غير راي وشوار سلطان...
وقفو فالطريق وكل 2 تفكيرهم ف بلاصة..
ونتوما اش كتقولو فاش كتفكر صفاء وهناء..واش ممكن يقصدو القصر ولا تخرج لهم حاجة اخرة...