زين البلدان🪐مكتملة🪐

🪐الجزء 22🪐

الجزء 22
السلطان و الوزير قصدو القصر...والبنات قصدو قبيلة الحكمة...
الشيخ: مبروك عليكم...فكيتو سحر زينة البلدان كاملة..ولكن اش كديرو هنا راه خصكم تكونو فالقصر..
صفاء: بغينا نسولوك...الى قصدنا بلادنا وكتاب شي نهار وبغينا نرجعو كي نديرو...
الشيخ: فهمتكم...واش باقي عندكم  تراب المدهب...والما دالكراب...وبلعمان الكحل...
هناء: اه هاهما باقيين عندنا شوية شوية من الحاجة...
الشيخ: ملي تبغيو ترجعو جمعو كلشي وخلطوه...وفكرو فزين البلدان..بين ليلة ونهار تلقاكم هنا..
صفاء: وخا شكرا...
خرجو من عندو البنات كيجريو...قبل ما ديع خبارهم فكاع القبيلات...وهاد المرة مشاو قصدو طريق المخلية لي تديهم لقبيلة الاولى الى عقلتو عليها...لي كانت قبيلة الحماق...وقصدو اول دار...لقاو حوايجهم باقيين كايين...دغيا بدلو عليهم ولبسو الحوايج لي جاو بيهم  وخرجو..باش يمشيو بحالهم...
كاع جهدهم عطاوه فالجري باش يرجعو لطريق المخلية تاني...نقطة البداية...لي غير وصلو ليها ما قداتهم فرحة بلا ما يفكرو ولا يخممو هما حفضو سواريهم وتعلمو...حطو رجليهم وفلحظة لدارهم و زمانهم رجعو..