زين البلدان🪐مكتملة🪐

🪐الجزء 13🪐

الجزء13
بقاو تابعينو حتى وصلو لدار الشيخ
الشيخ: المطلوبة بالوجع ما ترد بالقفا
هناء: يده في المخفية و عينه فالخامية
الشيخ: قالتها لي يدها فالطبق وعينها على من زهق
صفاء: ربي عطاك يا غزالس لك بايعة الغوالي
شيخ: سمعو ابناتي هاد القبيلة لي نتوما فيها اسمها قبيلة الحكمة والكلام الموزون...والكهف لي جبتكم منو نصو تابع لقبيلتنا ونص تاني تابع لقبيلة نور و النوار...هاد القبيلات كاملين حاكمهم سلطان واحد سلطان عادل بشعبو يحبوه الكبار والصغار سميتو مولاي الصفوان...
صفاء: و شكون سحر هاد القبيلات اسيدي حيث اي قبيلة دخلنا ليها كنلقاوها مسحورة
هناء: وحنى لي كنفكو سحرها ولجامها علاش حنى بضبط
الشيخ: هدا شحال كانت عقيسة بنت عم السلطان..كانت كتبغي مولاي وحتى هو كان يبغيها...غير هو مولاي كان ديما كيقولها بعدي من سحر وما تأديش ناس القبيلة...هي ما سمعات كلامو وهو لي فراسو دارو...واحد نهار جا هو والوزير ديالو عدنان لقبيلة نور و النوار باش يحضرو لمحكمة القاضي...تمى مولاي شاف زينة الصفا و الوزير شاف ختها زينة الهنا...طار عقلو بيها وحلف ما يرجع حتى يتزوج بيها حيث حتى هو عيا و تهد و عقيسة ما بغات دير عقلها...دكشي لي كان الوزير تزوج زينة الهنا و مولاي سلطان تزوج زينة الصفا و عقيسة غير سمعات الخبار عقلها طار و بسحرها سحرات البلاد والقبيلو و الدوار و سحرات حتى مولاي سلطان و نفات زينة الصفا و زينة الهنا لبلاد ما يعرفها حد ولا جد من غيرها حتى جيتو نتوما دابا كتفكو سحر البلاد والعباد و مولاي طالب يشوفكم