زين البلدان🪐مكتملة🪐

🪐الجزء 17🪐

الجزء17
صفاء:وعلاه شحال باقي من بلاد ما تفك سحرها...
المراة: هادي اخر بلاد و ديرو فبالكم الداوي ما يغويك،كيف يشتم فيا يشتم فيك
هناء:اودي الله ينعل كاس البلار لي نشرب فيه المرار...
المراة: كلامك هو كلامك عمرو يتبدل...حتى زين ما خطاتو لولة حتى بلعمان فيه الكحولة..و عاتق باب الجيسة تطل على المريض والنفيسة...خودو معكم الخروف الله يعرضكم سلامة...ما تفرطوش فالما باقي تحتاجوه و ردو بالكم لتراب المدهب...
شدو البنات طريق جبل..لي باينة طريقو طويلة
*عند سلطان*
ام سلطان: واش ضروري اولدي تمشي لجبل الكحل...
سلطان صفوان: اه الالة ايمان ضروري نمشي باش نجيب مراتي ومرات الوزير
ام سلطان: ادا كانو المزوجين فالسما كيعطي ربي للخطابة العما الله يعرضك سلامة نتا ولي معاك اولدي...وتفكونا من عقيسة وسحرها...
خرج سلطان و الوزير ديالو ومعهم الحاشية وشدو حتى هما طريق المخلية لي وصلاتهم لجبل الكحل نيشان...عكس البنات لي باقيين غاديين على رجليهم يتمشاو