زين البلدان🪐مكتملة🪐

🪐الجزء 15🪐

الجزء15
صفاء: يمكن الى فهمت قضية هاد طريق المخلية...
هناء: اش فهمتي تاني..فهامتك لي وصلاتنا لهنا...
صفاء: طريق ملي كتكوني دايزة منها دكشي لي كتفكري فيه..هو لي كتديك ليه...هدشي للش شيخ قال لينا فكرو فقصر سلطان..وحنى تلهينا مع كلام الحمقة وبقينا نفكرو فالجبل الكحل..
هناء: يعني ديك طريق ممكن ترجعنا لدارنا ياك...
صفاء: اه ترجعنا لدارنا و زمانا..ولكن خصنا نعرفو حكاية هاد جبل الكحل..ونمشيو بحالنا...بقاو كيتمشاو و يهدرو حتى داز من حداهم راجل هاز كربة الما...
صفاء: عافاك ممكن تعطينا نشربو...
الكراب: شراب شرابكم و الما ماكم الالة خودو الكربة...وما تشربوش كلشي باقي تحتاجوه  لصوف والدهب الغالي...
هناء: يا بالعمى واش فهمت...
صفاء: وخا شكرا عطيه لينا...عطاهم الكراب كاع الما لي عندو و كملو طريقهم...غاديين و يجلسو غاديين و يرتاحو و طريق ما بغات تسالي...والما قرب يسالي...حتى دازو من حدا جنان عالي ولكن كاع الغلة لي فيه كحلة زحلة