زين البلدان🪐مكتملة🪐

🪐الجزء 11🪐

الجزء11
هناء: اي يدي ما قدوه فيل زادوه فيلة..دابا فين حنى تاني هادي ما تكون غير دعوتك ملي طلبتي جنون..وا صفاء فينك جاوبي....
صفاء: سكتي خليني نقلب على البريكة باش نضوي..
هناء: اش كدير عندك البريكة؟؟
صفاء: وها شبوقات صافي سكتي هاني لقيتها...
فعلا شعلات صفاء البريكة و بدات ضوي الكهف شوية بشوية..حتى لقات كتبة فالحيط مكتوبة بواحد اللغة غريبة عليها...
صفاء: حنى ما فهمنا حتى العربية مقادة وايلي...
هناء: سايني نشوف🤔🤔 هادي شلحة اصحبتي مالك ما عرفتيهاش
صفاء: سمحيلي ما كنتصاحبش مع شلوح يلاه دوزي بالي نتي لي معاشرة معهم يلاه اجي ترجمي...
هناء: امدح صاحبك مع ناس و لومه الراس فالراس حيث لي قال اقواله اشمن حبيب بقا له
صفاء: العينين لي ما يحبونا من بعيد يبانو لنا
هناء: خليني نكمل راه البريكة بدات تحرقني بسخونيتها... المهم قالك سيدي عطا من دياله ما هو شي يتساله
صفاء: اوف لي بان على كدية ما عراها والى عراها ما فيه خير
تطفات البريكة وهما يسمعو الغوات جاي من الفوق عياو يعليو راسهم يشوفو ولكن والو تخشات وحدة فالاخرة وتخباو فواحد القنت فالغار حتى يخدو القرار واش يخرجو ولا يبقاو