زين البلدان🪐مكتملة🪐

🪐الجزء 24🪐

الجزء24
عند صفاء وهناء لي نزلاتهم ربح قوية فبيتهم...حتى مع الارض خبطاتهم...
صفاء: اي اميمتي ضهري تقسم...الدعوة لله فيهم وفبلادهم المنحوسة...
هناء: ودابا وجدي ودنيك لصداع مرات باك ولغاها ونكيرها...
صفاء: زيد نخبيو هدشي بعد وداك ساعة يحن الله...
ناضو البنات خباو التراب المدهب وبلعمان الكحل وحتى الما ديال الكراب...
صفاء: محتاجة ندوش ونرتاح عاد نشوفو حكايتها حتى هي...
هناء: شكون تاني...
صفاء: زغبية الكعبية ديال مرات باك...
هناء: سير ع الله دوشي وانا نحط مشقوفي يتشارجا على الله يكون باقي خدام...
صفاء: انا فهمو ندادي وهو فتقلاع وتادي..
دخلات صفاء دوشات وخرجات ترتاح عاد دخلات هناء دارت نفس الشي وخرجات حتى هي حدا ختها نعسات...طاحو دودة تقول عام ما نعسو...شبعو نعاس نهار طلع وشمسو ضوات...ما فاقو غير على عكاز مرات باهم كيخبط جنابهم...
صفاء: صبحنا ع الله...
هناء: ها هي تبدا...
خدوج: يا زهري ومكتوبي على دايعات لايعات...شهور ونتوما غابرين عاد راجعين..فين كنتو يا المسخوطات لي صابني بيهم ربي... توما دويو ازغبيات...
صفاء: شهور اشمن شهور راه غير سيمانة مشينا لدار جدي وجينا..
خدوج: وزايداها بالكدوب..يلاه جات تنزل عليها بالعكاز تاني وهي تشدو صفاء...
صفاء: والله يخدوج ونسميك مراة جربي تعاودي تضربينا...يا الليلة تباتي فالزنقة.
خدوج: تحل ليك الفم ابنت الخضار...
هناء: فعشنا وينشنا
صفاء: وقولي دار دار بونا والعبيد يحكمونا...من اليوم شوار شوارنا والراي رينا...سلات ايامك اخدوج..شدب القنت...حيث تفرعينك طلع فالراس..من اليوم حنى رجال ديال دار..حتى يرجع با حمان صحتو وداك ساعة كلام اخر..
ضربو فيها البنات وخرجو خلاوها غير كتبلق فعيوناتها ...
خدوج: هدو صفاء وهناء..لا ويلي ما يمكنش...سبحان مبدل الاحوال