وردة يعقوب🌹مكتملة🌹

🌹الجزء 39🌹

❄🌺قصة : وردة يعقوب🌺❄

🦋البارت : 39 🦋

سلمى: شافت فيه بعدم فهم : ياااويلي تا كيفاش

أنور : العنوان هو هدا نيت راكي فيه

سلمى: ياااه على بلاان بلاتي نشوف "جبدات الكتاب ديال الطلبات و شافت " الكوموند جاية لمدام عائشة ياك هي تستالم لكومونط ياك ومنبعد تعطيه لعروستها لي فهمت انا سيد لي دار لكموند مبغاش يقول سميت مرتو نيشان كايغير بااينة ؟؟ واش نتا نتيت زعما تزوجتي تانية

أنور : "باستغراب" نعام ؟؟

سلمى: دبا هذا آيفون شراه شي واحد سميتو يعقوب ذيب ياك و مصيفطو لمدام عائشة تسلمو لعروستها واش نتا يعقوب ويلي مزوج وانا سايرة نتعنب على راجل لمرأة

أنور : شوري الله يرضي عليك يعقوب خويا و عائشة مي راه مرتو لي مصيفط ليها هادشي كاينة لداخل تسناي

جبد تيليفونو و عيط لختو قاليها تخرج لعندو لبرا و بقا كيتسناها دغيا جات كاطير و معها وصال

وصال: سلام
ملاك : خويا بغيتيني

أنور : سلام خودو لبنت لداخل جات باش توصل واحد لكوموند لمرت خويا دخليها معك و خليها معكم تحضر لداكشي لي دايرين

نقزات سلمى لي مخرجة عينيها حشمانة : لالا مكين لاش و الله أنا غير نعطيها التيليفون و تسيني ليا مدام عائشة و نمشي بحالي بلاما نبرزتكم اويلي

ملاك : تي أشمن تبرزيط تانتي زيدي زيدي ازين مرحبا بيك خويا كون هاني هاهي معانا

أنور : شاف في سلمى : فراسك فاش تبغي تمشي مغاتلقايش طاكسي فهاد لقنت
سلمى : ويلي واش ندير دبا
انوار : اري تليفونك

سلمى: وعلاش ؟
انوار : ياودي اري

عطاتوا التيلي ديالها كتب ليها نمرتو و عطاه ليها
انوار : ها نمرتي فاش تبغي تمشي صوني ليا نوصلك

هي خدات تليفونها كتبات عليه " تيتيز لغفلة " و خبات تليفونها في شكارتها

مع دارت عند لبنات بانو ليها كيشوووفو فيهم مصغرين عينيهم ضحكات ببلاهة وزادت عندهم حشمانة و مشات دخلات معاهم تحت نظرات أنور لي كيلعب بفمو و مراقبها بعينيه حتى دخلو وزاد عند رجال يجلس معاهم وخا ماعندوش مع صداع يدير صواب في غياب خوه لكبير خاص هو يكون

لداخل كانو لعيلات كلهم فصالة لكبيرة وبرا صالة واقفين عائشة مع الحاجة و خديجة و هاجر كيدويو هاد الأخيرة لي غير دخلات و شافت الدار فين غاتعيش بنتها متولة و مقادة عجباتها بلا قياس و تمنات لبنتها لهنة و تعيش حسن منها وشحال توحشاتها باغة غير فوقاش تشوفها كتحس براسها توحشات كبدتها تا نطقات عائشة مهنياها ومريحة خاطرها