وردة يعقوب🌹مكتملة🌹

🌹الجزء 124🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 124🍁

يعقوب: شششت قطعي لحس لمك

شمس: سدات فمها بيديها : ههههه وخا ههه

حيد ليها يديها من فمها وباسها
يعقوب: لمشة نتي

شمس: تكات براسها على صدرو كترد النفس ديال الضحك لي ضحكات : هههههه انا زوينة انا

يعقوب: شكون كذب عليك الخايبة زيدي تفوجي شوية قبلما نصدق كانحو*ي فيك هنا نخض ولدي نصدق تاقب ليه شي عين

شمس: بحشمة : وعلااش كتخسر الهضرة هكا حشومة عليك

يعقوب: فمي خاسر لعدو ربي الله يعفووو

كمل كلامو وحتاها عليها بتشلقيمة فمها ولا كيطلب شرع منو يدور يدور ويجر فيه ردها بلاصتها ونزل نزلات حتى هي مخليا تليفونها مكاين فين تهزو مجابتش صاكها كتشووف بعويناتها سد لوطو وشدها عندو وزاد كيتمشى بيها بشوية دايرها قدامو كي موالف ويديه على كتفها فحال معنقها ملور

غادية وكتشوف في الخضورية ولماء كيشرشر و الناس مفرشين في الكازو جايبين لكوتي ديالهم دايرين عليه في اجواء اكثر من رائعة ولقهاوي وسط الشجر ها طواجن ها شواء الناس كيتصورو شي جالس شي واقف شي كيلعب في لماء رغم برودة الجو

شمس: دارت عندو خشات يديها وسط يديه زعما شد ليا في يدي : شد ليا يدي نمشيو في نفس لخط باش نبان مرتك نتا كدير لي هكا

يعقوب: هز حواجبو فيها وهز عينو فشي بنات كانو قراب ليهم كيطلعو فيه وينزلو بطولتو وكثافو وعضلاتو سالو ريقهوم عليه هو مع هز وعينيه لمخنزيرين فيهم بحجبانو لغلاض لي جامعهم مكمش جبهتو بنضرااتو لي كيخلعو خلعهم قلبو وجهم لوى لسانو كيشوف في لبرهوشة لي كتخنزر فيهم جامعة شفيفاتها صغار وكتحاول تخنزر قالك حتى هي ... عرفها تاني جاتها لحالة شد يديها وخشاها فيه مكمل طريقو مخليها تفرج وتمنضر دغيا رجعات ضحك

شمس : شنو سميت هاد البلاصة ؟

يعقوب : كيشووف قدامو عاااقدهم حاضي لبشري لا يشوفو ليه في لمدام ديك نضرة لي كتخلع زعما يشوف شي زامل نعطب طواسلو : تشديرت

شمس: ياي شحال غزالة هاد لبلاصة صورني عفااك بتليفونك

جبد تليفونو مدو ليها دخلات لكاميرة وبدات تصور وتبوزا وتصور معاه بسيلفي حتى شبعات وهو مخليها على خااطر خاطرها

شد ليها يديها ودور يدو تانية مور ظهرها وزاد لجيهت لكازو وسط شجر حتى وقف قدام القهوة لي تما كياكلو فيها الناس فيها لكراسة لداخل وفي نفس لوقت مفرشين في الطبيعة لي تما لي بغى يجلس لداخل لي بغى يجلس برا جلسة بلدية ويطلب لي حب كلشي مجهزينو وسرباية لداخل قايمين بخدمتهم