وردة يعقوب🌹مكتملة🌹

🌹الجزء 115🌹

❄🌺قصة : وردة يعقوب 🌺❄

🍁🍁بقلم : وردة نور "نور الصدقي "🍁🍁

🍂🍂البارت : 115 🍂🍂

هبط لتحت كانت دنيا عامرة عائشة وصال وملاك وهشام وياسين تهما مقادين ولابسين وكانت ليلى وباباها وماماها ومرت خوها سلوى وبنتها ريحان وسميرة ومحمد واليدين وصال وعائشة كتجري وتراجي تقاد وتقول مقاديت

نزل انور مع دروج كتبان ليه دنيا عامرة ولغوات فسما وفلرض غير عائشة شافت ولدها نازل من دروج وهي تبدا تصلي على نبي غير كملات وضرباتها بواحد تزغريتة فاعلة تاركة معاونها سميرة و خديجة وسلوى منغير ليلى لي كتصفار وتخضار ومها سااكتة بغا تندب في بلاصت بنتها لي خرجات على زواجها بيديها راجل تمناه ألف بنت

عائشة:شيرات لهادوك لجايبين يضربو دقة لمراكشية: يالاه يالاه الله يرضي عليكم بداو راه مولاي سلطان نازل

بداو ملاقين ليه بدقة لمراكشية ماوقفو توصل عند مو باس على راسها

انور:لهلا يخطيك عليا الوليدا الحبيبة معذبة راسك

عائشة:كون نصيب اوليدي عينيا نعطيهم ليكم
انور:عاود باسها:جيتي زوينة الوليدة

عائشة:كون شتي نتا احبيبي

كانت عائشة لابسة قفطان خضر ودايرا زيف ولابسة بلغة خضرا

سلا لهضرا مع مو سلم على عمامو بجوج باس راسهم وعيلات عمامو سلوى حرك راسو من بعيد فقط جبد تليفونو وزاد قدام لباب يدور لسلمى دور وجهو بانت ليه ليلى كتشوف فيه بنضرات حاقدة وكتصطنع لبرود زعما وهو مكيخفااوش عليه شوفاتها عاشرها وعارفها

جات عندو كتمختر في مشيتها بطالون اسود لابسة قفظان بشيبي مزوق بعقيق ذهبي طالقة شعرها لي مزعراه ووجها مقاد مرأة زوينة في ملامحها سوود

ليلى:هاي هاي تنتا تزوجتي شكون هاذي لي قبلات براجل مطلق

انور:ضحك فوجها:ههه ياك ما انا لمرأة وتقبتيني نتي مبقا تراجل غيقبل بيا انا راجل نتزوج ونطلق شحال ما بغيت كيتك نتي لمرا مطلقة وخصوصا فهاذ زمان صعيبة شويا ياك هي ماشي عيب تكوني مطلقة لا ابذاا ولكن لعيب هو مطلقة وفيك دودة تااراجل كنضن ميقبل بيك من غير لاطلقتي فيه سمك

ليلى:وجها حمار كانت ناوية تعصبو ساعة انقلب سحر على ساحر :مكتسواش لا نتا لاديك لكلبة لغتزوجها وقاابلة بواحد معقد فحالك كنضن شي شايطة ياك ؟

انور: عض على فمو نفس لحركة ديال يعقوب هز راسو لقاهم مكيشوفوش فيه كلشي مشغول وهو يهز يدو وعطاها لحنك بظهر يدو : بدينا تاني

جمع يدو معصب نطق بصوتو لحرش: صبحنا على الله شوفي أبنت لعم قااودي من قدامي الله يرحم لوليدين مابغيتش نخسر مع لعميم ولكن نتي مبغااش توبي