وردة يعقوب🌹مكتملة🌹

🌹الجزء 133🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 133 🍁

كلشي كيشطح كلشي كيصفق ويزغرت صوت الطعارج مالي المكان وضحكات ملاك لي كلها فرحة وخجل كتشطح بكتيفاتها وتصفق

خرجو البنات من الداربشطيح والرديح كيزغرتو ويضحكو ويتصورو بنات الجيران والعائلة وعريسات لالة عائشة سلمى بضحكتها كتشطح وتغني منشطة لوقت وشمس حدا ملاك كتصفق وضحك عاااجبها لحال خارجة مع البنات وناشطة غادة بشوية على كريشتها ومبعدة على زحام

زادو بلغناء حتى وصلو لحمام لي كان في راس الشارع الثاني لي قريب ليهم ولي دازت من حداهم في لعيلات تبارك وتزغرت كلشي معاون ناس مراكش والنشاط

خلصو ودخلو لحمام حيدو حوايجهم وزادو لسخون يفركو لالة لعروسة ويفركو ريوسهم جايبن لعشوب مطحونة ولحنة و تبريمة و لغاسول لحاصول حالفين حتى يتهلاو في ريوسهم وفي العروسة لي خلاوها دير طقوس الحمام المغربي على اكمل وجه

شمس بقات معاهم كضحك ببراءة وتشوف بعويناتها حاطة جلدة ولكرسي وسطولة قدامها حالها حال جميع لبنات دارت تبريمة لجسمها ودهنات شعرها بواحد لماصك ولي شافت ملاك وسلمى دارو منها يديرو ليها حتى هي ماخلاو ما لبطو لوجه والجسم .... بقات شوية وغسلات ضرباتها بتدويشة فاعلة تاركة وسلمى حكات ليها مع لكريشة مقنبلة مقدراتش تحك ظهرها ساعة شداتها سلمى فركاتها نيت حتى ولات حمررررة شللات وخرجات تلبس حويجاتها تخرج عند يعقوب لي علمها بلي غايكون كيتسناها

خرجات لفين حطو حوايجهم هزات صاكها جبدات فوطة نشفات مزياان وفوطة صغيرة على شعرها هزات كريم مرطب للجسم رطبات جسمها وزيت لورد ولحامض كبات من كل وحدة شوية فيديها خلطاتهم ودهنات بيهم توتو ديالها بين فخاضها عاد لبسات حويجاتها دوبياس مشبكين بالابيض فيهم دونتيل مع كلون وبودي سخان مقطنين وتقيشرات منبعدما دهنات رجيلاتها مزيات حيدات لفوطة على راسها ونشفاتو مع طويل عدبها حتى عيات وجمعاتو دارت الدرة ولبسات كيطمة بالغوز قصيرة مع كاب ديال لخيط سخون وطويل بالاسود لبساتو ولبسات بانطوفة ديالها بالغوز مشعرة وفيها وريدات دارت زيف سخون لواتو على راسها وجها مزنننك ولحنيكات لفيم حمررر كتبان كيوووت وجمالها جماااال كيدوخ

سلات وجمعات داكشي ديالها رداتو كلو لصاك جبدات تليفونها دخلات لواتساب رسلات ليه وهي عاضة على شنوفتها

📩 سلام
يعقوب: 📩 فينك ساليتي ؟
شمس : 📩 أه ساليت
يعقوب: 📩 يالاه خرجي لعندي انا كنتسناك في لباب

دارت تليفونها في جيب لكيطمة وناطت هزات صاكها خارجة ولعيلات متبعين ليها لعين حمقاتهم حتى وقفاتها واحد لمرأة غليطة جالسة كانت سلات الدوش ولبسات غير جالسة وحاضية في شمس