وردة يعقوب🌹مكتملة🌹

🌹الجزء 44🌹

❄🌺قصة : وردة يعقوب🌺❄
💎بقلم : وردة نور 💎
💎Ama Mery 💎

🍁البارت : 44 🍁

هبطات شمس عندها باش تسلم عليها عاد تداركات الوضع و ابتاسمات ابتسامة صفراء و بدات كتعنق و تبوس فيها من فوق خاطرها أما شمس غير كتضحك على نياتها

ليلى : و يعقوب دا الزين بعدا

نقزات ملاك : وايه خويا عرف يختار التوت أختي توت

عائشة : قولوا تبارك الله لا تعينوا ليا بنتي

مريم : "بإعجاب" لا غزالة تبارك الله و باقة صغيرة كتشبه ليك أ لالة هاجر

هاجر : عويناتك لغزالين الحبيبة ههه كولشي كيقولها خرجات غير ليا

ليلى طلعات ليها هاد الهدرة فراسها محملتهمش يدويو عليها هاكا هدشي عمرها سمعاتو تا هي فاش كانت مرت أنور ولات غير حاضية شمس و كتوعد ليها هاكا هي شخصية نرجسية كتبغي غير راسها أنانية بزاف و خبييثة ناس عندها مكيسواو والو كتبغي الاهتمام كولو يكون ليها

يالاه أتدوي تا سمعو الصونيت فلباب وقفات هي لولة بالزربة ناطقة

ليلى : غير خليكم أنا غنمشي نحل الباب

زادت قاصدة لباب و فبالها بلي يقدر يكون أنور لي جا بغات تستغل الفرصة ساعة خاب ظنها منين حلات الباب و شافت شاب آخر زوييين كيحمق طولة وتجريدة طلعاتو و هبطاتو و هزات حاجبها معرفاتش شكون هذا و هي عارفة كولشي على هاد الدار

ليلى : وي شنو بغيتي ؟

سعيد هز راسو كيشوف فهاد خايتي لي واقفة كتعيوج و تبعصص عليه معندوش تا لوقت لي يبقا داوي بالو معا شمس و سلام ما يرتاح حتى يشوفها

سعيد : هادي دار لالة عائشة عافاك بغيت نشوف شمس

ليلى : و شكون نتا لي كتسول و شكون شمس اأه واش مرت يعقوب العروسة الجديدة "شافت فيه باستهزاء و كطلعوا و تهبطوا بشيي شوفات"

سعيد : "عصباتو هو بلا والو مرضن غير راسو" و شكون تكوني نتي لي فارعة ليا راسي كلمي ليا شمس و لا خالتي هاجر و لاحيدي من قدامي ندخل بوحدي

ليلى : "القرودة ولاو كيشطحوا فوق راسها مرضااااتش طارت العياقة و التبعصيص و داكشي و بدات كتغوت" آيوا جمع راسك بان ليا معارفش معامن كتدوي راه أنا هي كولشي هنا و بكلمة مني أتش......

باقة كتدوي تا كان دافعها فالجنب و داخل فرعت ليه مخو و هو ممساليش ليها مخليها مخرجة عينيها من الجرأة الزايدة لي فيه ولات داوية غير مع راسها

ليلى : "كتحط صبعها السبابة على صدرها و ترجع تشير بيه لداخل الدار" دابا هذا دفعني أنا لا و لهيلا دارها دفعني أوييليي

رمشات بالزربة و سدات لباب دغيا عاد دخلات تابعاه تا كيبان ليها داخل لصالون فين جالسين