وردة يعقوب🌹مكتملة🌹

🌹الجزء 41🌹

❄💎قصة : وردة يعقوب💎❄

🦋البارت : 41🦋

أنور : فكرة أني مانقدرش نولد قهراتني بزاف تحرمت من أكثر حاجة باغيها فحياتي وغانحرمها تاهي شفت حتى عيت وقلت الحمدلله ووخا مقصح من ديك جيهة
هي زادت كبرات في عيني ديما كانت كتواسيني و كتكول ماشي مشكل ما مكتابش نولدوا أنا كتهمني نتا كتر من أي حاجة ومدام ربي مكتبش لينا لولاد فيها خير ... متخلاتش عليا وصبرات معايا وديما انا حاس بنقص وكتبقى فيا هي دازت ليام حتى لنهار لي لقيت فيه فانيد ديال مانع الحمل فماريوها مفهمت والو أنا أصلا مكنولدش لاش كتستعملو واخة نكون كنولد هي باغة الولاد هدشي حيرني و لكن مبغيتش نضلمها قلت يمكن كان عندها ملي عاد تزوجنا وبقى تما خليت داكشي هكاك وكل ليلة لينا صباح كنقلب كنلقى حبة ناقصة من داك دوا ترونت مبغيتش ندخل شك بيناتنا قلت يمكن يكون شي تفسير كنتسناها تجي من عندها و لكن والو كل نهار بليل كتنوض تشربو هنا دخلني شك عاوت دوك التحاليل بلا خبارها و فاش درتهم طلع بلي عمر ما كان عندي شي مشكل تصدمت تما فين عرفت راسي تخورت حيث انا حمار مشيت لطبيبة لولة لي كنا درنا عندها تحاليل في الاول ... قالت ليا أصلا فتحاليل لي عطات لمرتي مكان تا مشكل و بلي غير حيت كتشرب مانع الحمل دكشي علاش محملاتش حاجة عادية ... حسيت بشمتة فديك اللحظة بغيت غير نعرف فاش غلطت معاها... و فاش مشيت دويت معاها يحساب ليك ندمات لا بكل برود قالت بلي هي مبغاتش تولد حيت باقة صغيرة باغة تعيش حياتها و دور و مبغاتش دفن راسها وشبابها من دابا و صداع الراس ديال البز لي باقي عليهم لحال و حيت عارفاني غانبقى نحكر عليها ونمرضها بهاد لموضوع دارت هكا باش نبقاو مزيانين وبلا مشاكل حتى تكون مستاعدة وتولد ليا

شاف في سلمى : كانت عادي بحالا موقع والو كاتهدر بكل تقة تصدمت فيها حسيت براسي حمار حيث فعلا حمار كون غير كانت معارضة فلول كنت نحاول نقنعها بشوية بشوية و بالخاطر تتبغي حيت الولاد مسؤولية و من حقها تختار أش بغات و لكن باش تلعب بيا لا وزيداها قالت ليك كنت ناوية منبعد عاد نديرها ليك مفجأة ونولد ليك اوديي

رجع راسو اللور و تنهد : هذا هو سباب طلاق لي أصلا رفضاتو و مبغاتش طلق تعكسات بقينا من جلسة لجلسة ونفس لهضرة كتعاودها قدام لقاضي مابغيتش نطلق من راجلي و شرطات باش نعطيها دار لي عندي في مراكش نكتبها في سميتها و5 د لمليون متعة داكشي لي كانكساب عاد تقبل باش نعوطها على سنين لي طيعات معايا ومانكدبش بكترت ما مرضاتني وكرهاتني فيها كنت غانعطيها لي بغات غير تبعد مني وتعطيني بتيساع مانشوفش وجها و لكن يعقوب فاش عرف أش دارت طلع ليه زعاف ودخل هو و طلاق وقع من أول جلسة بلا ما تاخذ حتى فرنك كان غايدخلها لحبس بتهمة التزوير غير تراجع على وجه عمي ودم لي مشاركين ..دبا تهنيتي ها نتي عرفتي

دار منين سمع صوت تنخصيص لقاها هي كتبكي ضرها خاطرها عليه بزاف بقى فيها كيبان داخل سوق راسو ودرويش