وردة يعقوب🌹مكتملة🌹

🌹الجزء 53🌹

❄🌺قصة : وردة يعقوب🌺❄
💎 بقلم : وردة نور 💎
💎BY : Ama Mery 💎

✨البارت : 53✨

الفوق فبيت البنات لي فاقوا طافجين بعد ما صونات لالاغم و طفاوها وكملوا نعاس تعطلوا بزاف من الفراش للماريو غير كيهزو و يلبسو تا وجاهم مغسلوهم كملوا و هبطوا مدردبين و خلاو سلمة لي فاقت بصداعهم كتحاول تستوعب فين هيا و أش واقع دازو لكوزينة سلمو عليهم فيت في و خرجو كيتسناو فشي طاكسي يوز حيث طرونسبور مزال ماتسجلو فيه من وهرهم بزز لقاو طاكسي

وصلوا لمدرسة و دخلوا لليسي دنيا خاوية كتصفر كولشي فقسمو تا ليهم هوما مشاو شافو فلا ليست لي معلقة أش عندهم و فإينا قسم جاو غير عرفو راسهم جاو فنفس القسم بداو كيتعانقوا و ينقزو تقول ما خاصهم تا خير

وصال : ههه و لاهيلا زاهية هاد العام

ملاك : وايييه غنرونوها و لكن دابة عندنا حصة ديال الماط عند هداك بو نظيظرات أيتعكس معانا

وصال : تي زيدي دغيا نغمقو عليه و زايدون غير نهار تاني هذا مزال ما كاينة قراية

ملاك : واخة يالاه

تمو طالعين تا وصلو للقسم لي غيقراو فيه دقو الباب و حلو فلبلاصة ما تسناو إذن ما والو معندهمش داكشي

ملاك : "داخلة بعجاجتها" واحد السلام و عليكم

القسم كولو رد عليها ب عليكم و السلام كيعرفوها مزيان قليل ناس لي جداد واخة ملاك كانت كبر منهم حيت معاودة هاد العام و لكن هي مشهورة بفضايحها و صداعها و عاد عزيزة عليهم واخة هكاك...

الأستاذ شاف فيهم مخنزر

الأستاذ : أش هاد الوقت و عاد زايدينها بالصداع

ملاك : وا أستاذ هذا غير ترحيب را مولفني زعما

الأستاذ : نتي را مكتحشميش واش مغنتهناش منك خلاص

ملاك : و تقول أنا صافي ولفتكم ناوية نطول معكم مزال

الأستاذ : سيري نتي و هاديك لي معاك لمجبتوش ورقة مغدخلوش

وصال : واا أستاذ رخي فيك النفس

ملاك : لاهييلا غيطرطق غير بوحدو عفاك اوستاذ

الأستاذ : "وجهو ولا حمرر بالأعصاب لي ركبو فيه" قلت ليكم الورقة يالاه

خبطات ملاك الباب بالجهد حيت دار ليها خدمة و هبطات لتحت قاصدة الإدارة هي و وصال

وصلات للإدارة شافت فالسكرتيرة لي جالسة تماك و باركة كتطلع و تهبط فيها و هي تقلب عينيها

ملاك : بفف على صباح كيف مدايير

السكرتيرة : من نهار اللول عوتاني

ملاك : "ضحكات ليها باستفزاز" عندك شي مانع

السكرتيرة : "بابتسامة عريضة" دخلي راه المدير جديد فالبيرو "غمزتها" غير هو ماشي فحال لي قبلو