وردة يعقوب🌹مكتملة🌹

🌹الجزء 112🌹

❄🌺قصة : وردة يعقوب 🌺❄

🍁🍁بقلم : وردة نور "نور الصدقي "🍁🍁

🍂 البارت : 112 🍂

شمس: اععععععع

عائشة شدات على قلبها كلهم ناضو كيجريو والاول هيشام لي زاد بجرا يشوف اش واقع تابعو ياسين مع دخل لقاها شادة على يديها كتبكي طايحة الأرض ولكرسي حداها مقلوب وجهو تخطف زاد عندها بزربة شد يديها عندو كيقلب فيها

هيشام: مخلوع كيشوف فيديها لي باينة فيها الضربة : مالك ؟؟ شنو وقع ليك ؟

عائشة: شدات على قلبها : ياربي سلامة يااربي

شمس هزات عويناتها كتبكي وتنخصص : هئئ ع هئ ط طحت هئئئ اعع

ملاك: زادت عندها هزاتها بشوية عنقاتها عائشة كتسكت فيها : طلعات على لكرسي باينة طاح بيها

عائشة: خرجات عينيها : اويلي اويلي وداكشي لي فكرشها يكما كضرك كرشك ابنتي

شمس: كتشهق وتهدر : هئئئ هئهئ لا هئ كدرني يدي هئعععع

شمس لي غير خرجو هزات لكرسي طلعات عليه تجبد سوبيرة من لبلاكار ديك فيها لفريز لي جاب ليها يعقوب لبارح بغات تغسلو وديرو في سوبيرة ساعة لكرسي تقلب بيها بغات تشد ساعة تضربات ليها يديها بجهد مع قنت لبوطاجي جات مزدوحة الارض على ترمتها

هيشام شد ليها يديها كيقلب فيها يكما مهرسة ولا شي حاجة وهي غير كتبكي عرف بلي غير تقسيحة مقصحة نوضوها الصالة كيسكتو فيها

ياسين : نديوها اصاحبي لشي طبيبة

هيشام: حك على راسو معارف يدير معصب : ايه نديوها وملي يجي يدينا هو لقبر

خديجة: إوا عيطو ليه يجي هو خاص يديها طبيبة تشوفها وداكشي لي فكرشها الله يستر توقع شي حاجة يريب دار فوق راسنا

عائشة: شافت في شمس لي مخشية فيها كتبكي وشادة على يديها لي دغيا زراقت : عيط ليه اولدي يجي يدي مراتو لطبيب عيط

هيشام حرك راسو وزاد خارج لجردة عيط ليه كيفيبري

يعقوب: أش تما
هيشام: حم خ خويا أجي لدار راه مرتك طاحت تقسحات من يديها

يعقوب مهضر ماتكلم قطع عليه ودور روايد حتى تحكو في الأرض وزاد راجع لدار طاااير وجهو ولا كحل في لبلاصة كيفاش طاحت اش وقع ليها واش بيها البرهوشة ديالو وولدو عروقو تنفخووو صايك طاااير ماوقف حتى باب دار شد لفران بجهد وزاد داخل كيغلي دخل عليهم عوج عنقو كيشووف فيها جااالسة حدا مو لي معنقاها وهي شادة على يديها وجها تخطف منو للون كتبكي وتنخصص زاد بخطوات واسعة لعندها حااس براسو ززند شدها عندو بشوية وجهو مخطووف كيقلب فيها

يعقوب:كيهضر وهو مزييير على فكوو كيبرك على لحروف: ماااالها مراااتي

خديجة: د دخلات لكوزينة ..