نيران أبو ذيبه

بارت29

"نـيـران أبـو ذيبـة"
بقـلم : نـبـأ الـسلطـان
الحـلقه الـ ٢٩
........
الوياه كذلك اجهزتهم مغلقة شكي عبر حده وصرت متأكد صار عليهم شي
الساعات تمر والكل دخل بحالة انذار عرفنا انهم تم القاء القبض  عليهم
صار الوقت متأخر واحنا على امل شي منهم
ابو اثير : استغفر الله يا الهي لتخاف وليدي ماكو شي ان شاء الله
غضب : حجيت بيأس ..امين
تواصلنا مع اهالي شباب الوياه كذلك كالحالة ماكو خبر الهم مختفين
الوقت يمشي بطيء ممزوج بجو مكتئب وقلق على حسن والوياه صوت بداخلي يكول ابن روحك راح وصوت يكول لا لطف الله قريب..شعـوري متناقض الى درجـه وحـاير ومتحـير
ورثت جكارتي وبديت ادخن صارت بـ 2 بالليل وما زلت منتضر شي منهم النت فصل عفت الموبايل وضليت اباوع بالسگف 
ما اعرف شوكت نمت فزيت على صوت اشعارات الموبايل كل يلي ابالي شي يخص حسن
استغفرر الله يا الهي باوعت للساعة صارت بالثلاثة ونص الفجر
مسحت وجهي بأيدي
صار وجه الصبح واني كاعد  بدت رحلة البحث عن حسن والشباب الي وياه
غضب : مر يوم عن فقدان حسن ومازلنا ندور بحذر وبكل اهمية كل شي بيه تعب بهذا اليوم احس روحي كبرت عشر سنين لگدام
......................
كركان : اتصل على حسن موبايلة مغلق
اتصل على غضب كذلك
عايشين بقلق امي وحبوبتي صحتهن جاي تسوء يوم عن يوم عكس اعمام غضب وبالأخص سلمان يومية عزايمه ودعواته العامة للجميع
عايد : ما لي واهس بكل شي غضب بالدوام وحسن كذلك اخبارنا عنهم ماكوو وشمس ماخذة نص حيلي
...
.
متت وياي من أول
تريد تعيش من تالي؟
كتلتك چا صرت مثلي
وتريد تصير چتالي؟
احسك ضل يرافگني
ويكبر من تجي الضلمه
يصير خيول وحشيه
تطاردني اروح لوين؟
رحت لكل مكان وسيفك گبالي
اروح لوين !
اله اشلع جذر گلبي بشرايينه
واجمع نار واحرگ كلشي من بالي
احسك ضل يرافكني
يضحكني ويبچيني يسكتني ويحچيني
اروح لوين !
شكثر من بحر ذبيت بي روحي
لكيتك عالجرف تابوت تبرالي
ـــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓــ
غضب : حسن ماكو شي عنه نهائيا
الحزن والتعب ضيع ملامحي بيومين
مر 3 ايام على فقدان حسن
كركان : احساس غريب صابني مو فقط اني الكل بالبيت تعبان ومرهق وكأن اكو شي صاير او راح يصير
شوية واجاني عايد يركض ويصيح حسـن راسلنـي راسـل
عايد : ولكك هذا حسن راسلني
كركان كضيـته من جتفه وانه احـس ترعش شلون راسل شلون مختفي احس دماغي توقف حتى تن تفكير  : صدكك تحجي وينه
انطاني الموبايل شفت المحادثة
قريتها
حسن : السلام عليكم
عايد : وعليكم السلام هلا بالخوي وينك ولك كلنا بالنا يمك امك وحبوبتك راح يموتن قهـر عليك
حسن : والله يا اخوي شغل وواجبات ماكو مجال انتم شلونكم
كركان : مباشرتا اتصلت رفض الأتصال استغربت ليش هيج يسوي مايحجي ويانا اتصال
حسن : بعدين اتصل عليك اني هسة بالواجب ماكدر احجي ماكو مجال
كركان : ولكك عايد هذاا مو حسن دشوف شلون يحجي وحتى الخط مو نفس الخط لا والله هذا مو اخوي
عايد : اعتقد اني هم .. راح اتصل على غضب
غضب : روحي تعبانه جسمي هلكان لحيتي صارت عالية كعدت على الكرسي وورثت جكارتي نفخت الدخان بحسرة
اجاني صوت أشعار ما اهتميت الة.
بعد ثواني اتصل علية وسده
طلعت موبايلي شفته منو حسيت نفسي بحلم واني شفت رسالة حسن
حسن : السلام عليكم
غضب : وعليكم السلام
حسن : شلونك يا ابو عبد الله
غضب : شكيت بالأمر كخط مو كتابتة حسن ولا اساسا،هذا شلون يحجي وياي هيج ؟؟   يحجي بهـيج برود بعد غياب
غضب : بخير مدامك بخير وينك ليش منقطع
حسن : والله يا خوية مشغول وتعبان حيل بس انا شفتك متصل علية هواي كلت خاف صاير شي وياك
غضب : بالي يمك لا اكثر خويي
حسن : تسلم يا غالي
استمريت بالكلام وياه واستدرجته حاولت اتصل ما قبل
حسن : انا اترخص عندي شغل نتواصل بغير وقت
غضب : سد النت وراح اتصلت على الخط طلع لي مغلق
حسيت روحي بدوامه تأكدت مليون بالمية ان هذا مو حسن
دموعي نزلن وابجي صارن غصة بالبلعوم ماا تطلع
اجاني اتصال شفته المتصل عايد
غضب : هلا عايد
عايد : شلونك اكلك هم راسلك حسن
غضب : منو يمك
عايد : محد بس اني وكركان ليش
غضب : لا تخلون احد يسمعكم
عايد : شبيك غضب شصاير
كركان : سديت الباب وقفلته من جوى
غضب : شكال الكم
عايد : لك غضبب هذا مو حسن والحسين
دزيت له المحادثة وشافها
غضب : ابقوا وياي على اتصال
قريت كل المحادثة
نهيت الاتصال منهم ورحت حتى اكشف موقع او مكان الموبايل وين
وللأسف حاولنا بس السيم كارت محترك وموقع الموبايل كذلك ماكو
حيرة والله حيررة
عايد : عرفنا اني وكركان ان حسن اسير بيد داعش
لا اراديا حضنت كركان وصرنا نبجي سوية
مر اليوم بحزن مخيم علينا رحنا للبستان حتى امي او حبوبتي لا يشكن بشي
صارت الدنيا غروب ورجعنا للبيت
حياة : ها يمة وين جنتوا
عايد : عدنة شغل يمة ليش
حياة : ولكم يمة مامش خبر من اخيوانكم والله تعبوني هذولة
كركان : الصبح راسلني غضب وحسن كالوا الحمدلله بس شغل وما يكدرون ينزلون
حياة : لا تجذب علية
كركان : بست راسها وراويتها محادثة بيني وبين غضب رغم انها ما تعرف تقرى بس حتى تطمئن
حياة : والله ما ينعرف الصدك من الجذب تعبتوني ييمة
جلال : سمعت صوتهم وطلعت
شبيكم عمي شبيكم
كركان : انجب انت
جلال : اخوي واكبر مني تمون
كركان : غصبا عليك
كعدنا بالصالة والكل مجتمع
قسمة : ها يمة اليوم وينكم جا هم صرتوا مثل ربعكم
كركان: شبيك يحلو جنه معزومين
حياة : عدكم شغل لو معزومين
عايد : باوعت لكركان شلون جفصها ووجهة كام ينطي ،الوان
اي يمة جنه يم ولد وعزمنة
حياة : خوش جا
عايد : انت ما تعرف الا تجفص
غضب : ضغطي كل شوية صاعد وخشمي يطك دم عيوني حمر من السهر والتعب
مر اليوم بتعب ولوقت متأخر
نمت بدون ما احس بروحي
ابو اثير : فقدان حسن كسرنا جميعا اضافة الى ذلك المحادثات الجرت بين حسن واخوانه كفيلة ان حسن مختطف
غضب وحسن ابنائي واكثر من هيج
اشوف غضب جاي يضغط على نفسه زيادة
رحت اشوفه لكيته نايم على الكرسي
عنيد هالبشر
سديت الباب وطلعت
غضب : صار على غياب حسن اسبوع
اجتني صوت رسالة نصية
فتحت الموبايل ودخلت عليها مع صورة لحسن وهو مقيد ابنكم تم اسره عند الدولة الأسلامية وغداً سوف يصلكم فيديو اعدامه) 
قريت النص اكثر من 10 مرات
الرسالة وصلت للجميع من الأهل واصدقائنا
عايد : وصلتني الرسالة من رقم غريب
شفت كركان وجلال كاعدين مقابيلي
تغيرت ملامحهم ونزلت دموعهم
عايد : حجيت بصوت خافت
اششششششششش لحد يسوي شي
جلال :  لككك اخووي ولكم اخوووي
عايد : سديت حلكة واني دموعي تنزل
كركان : شمنتتضر نكعد نتصفن ولك راح يروحح
عايد : امي لا تسمعكم اسكتوا
حياة : ليشش يسكتون ليششش احجي يالله احجي كلولي ياهو المات منهم
عايد : ما نعرف ان عمتي سمعت كلامنا
جلال : ما كدرنا نضم عليها بعد حضنت امي وكمت ابجي
حياة : ولكم يمة فتيتوا گلبي احجووووا
معصومة : سمعت صياحهم رحت اركض اني وقمر
شفت كركان وعايد وجلال وامي يبجون
قمر : يمةةة شبيج شنو صاير
امي وكعت علينا وصارت هوسة كلش
معصومة : وكعت امي واخذناها للمستشفى
ومحد يرضى يكول شكو شصاير كل الي ببالي واحد من اخواني بي شي
قمر : راحوا واني ضليت بالبيت يم حبوبتي
قسمة : ولكمم الللله اكبر شوكت نرتاح يمة شوكت
ولك يمة حسن يمة يغضبان وينكم ولكم
قمر : انهارينا كلش حبوبتي صارت تبجي وتلطم
معصومة : امي فاقدة واضرب على خدها ما تكعد
كركان : لكككك امشي سريع
معصومة : مرتين ردنا نندعم بس الله سترنا
وصلنا للمستشفى ودخلونا للطوارئ
القلق اكلنا اكل
عايد : هاا دكتورة بشريي
الدكتورة : ماكو شي لتخافون ارتفاع ضغط والسكر بس الحمدلله اجيتوا بالوقت المناسب والا جان انجلطت
كركان : الحمدلله الحمدلله وضعنى يرثى له الكل يباوعون علينا شلون مفجوعين
معصومة : جلال احجي شكو مو راح اموتت
جلال : حسن لزموه الدواعش وراح يكتلونه
معصومة : اغمى علية وما حسيت بكل شي
عايد : شفت معصومة وگعت استغفرر الله يا الهي جننه بوحده صرنه باثنين
جلال : شلتها ودخلتها للصالة اجن الممرضات والتمت الناس علينا
عايد : ادك على غضب ما يجاوب اتصلت اخر مرة فتح علية
غضب : ها عايد
عايد : احجي وابجي. لكك صدك هيج حسن راححح
غضب : انتبهوا لنفسكم ولا تخلون احد يعرف من اهلي
عايد : عرفوا عررفواا احنة هسة بالمستشفى امي وكعت علينة
غضب : خررببب لككك اكفر هسة شلووونن اغبياء انتم انعلل ابوكم على اليتكل عليكم
عايد : غضب منهار ويسب ويغلط
مرت ساعتين واحنا بالمستشفى بدوا يجون اقاربنة واعمامي
ابو حسن : خيرر يارب شبيكم شصاير
كركان : كفونه شركم ما صاير شي
ابو حسن : هذا ابن الغريبة طلع له لسان
كركان : هجمت علي لزمني عايد.
ابو حسن : افى والله ابن الغريبة يهجم علية وتسكتوله يولد اخوتي
عايد : كااافي لكك احنة بيا حال وانتم شجاي تحجون عممي مانريدكم كفونه شركم ماعدنة اعمام
طلعوا كلهم وسليمان عيونه تتطاير يريد يعرف شكو
سلمان : صوتك ولك تعلي صوتك على اعمامك
عايد : اعلي واسوي الاكثر حطوا حشمة لنفسكم ترى العظم هناا واكف بزردومي
مصخوتها كلشششش
سلمان : شلون وللك
عايد : تهجم علية يريد يرضبني
جلال : صار المستشفى هوسة والشرطة اجوا
ياااربي شهاللعبان نفسس احنا وين وين هالحجي
طلعوا كلهم وبقينا بس احنا
امي ومعصومة بدت حالتهن تستقر
حياة : غضبب وينك يمة غضب
عايد : طلعت الدكتورة كالت منو غضب بيكم
دخلت اني
حياة : وين غضب وين حسن
عايد : يمةة كولي يا الله يا بعد حيلي غضب بخير وحسن بخير
حياة : تجذب علية والله تجذب
عايد : كوه تحجي تعبانه حيل
حياة : حسن مات موو حسن راحح كلولي يمة حسن وين
عايد : دموعي ينزلن لا اراديا
حياة : كللووشششش
عايد : صوتها تعبان وكوه تحجي دموعها ينزلن عشرة عشرة كامت تهلهل ما تكدر
عايد: مسحت دموعها وبست راسها
; ما بية حيل يمة والله ما بية
عايد : من حيلي على حيلج يمة بس كومي بسلامة
الممرضات يباوعن النا ويبجن الكل كام يبجي على حالنا
خلونا بغرفة معزولة
جلال : طلعوا امي ومعصومة وتوهن تصحن
دخلوهن بغرفة خاصة
حضنت امي وابجي
عايد : جلال مو وكت هيج شي امي تعبانه
جلال : الهظم مبين على وجوهنا
قمر : راحوا وطولوا كلش كعدت ابجي واشهك وادعي الله ما صاير شي باحد من اخواني
اجتنة خالتي نجاة تركض
نجاة : يمممة صخام الصخمني شصايرر خالة
قمر : حجيتلها كلشي وصارت تدك وتلطم
نجاة : يممةة الله يستر يممة
قمر : انتضرناهم للعصر اجوا
حضنت امي ومعصومة ونبجي سوية
معصومة : يمممةة ولجج يمةة حسن
بجينة ولطمنة لم العالم علينا والضاهر الكل عرف حسن صار بي هيج التمت العالم والنسوان وجيراننا
امير : ولكمممممم الله اكبررر
عايد : اجه عمي امير يبجي ويلطم حضنته وصرنة نبجي سوية
عباس : ياا خووية يا حسن يااا خووويا
الناس كلها تبجي وتتحسف على موت حسن
..........................
غضب : جهازي ما سكت من الاتصالات
دموعي تنزل لا اراديا حددنا موقع الموبايل وكل شي عرفنا عنه توجهنا مباشرتا على الموقع
ابو اثير : غضب اصبر ابني كول يا الله
غضب : الله كريم سيدي الله كريم
رغم التعرضات المستمرة لكن مستمرين بالتوجه للمكان
صارت مواجهة بيناتنا ارمي بحرگة روح اريد بس اوصل
صارت الساعة 2 الفجر ومازلنا مشتبكين
تقدمنة عليهم مكتلين بس 3 باقين
لزمناهم حققنا وياهم
غضب : ضربته بوكس على حلكة لككككك احججيي
الداعشي : قسم بالله ماعرف وين جانوا هنااا نعم بس خذوهم وماعرف وين راحوا
غضب : انهاريت كلشش كعدت على صدرته واضرب بي الى ان فقدت
ابو اثير : عوفوا براحته
غضب : تعبت كلش كعدت على صفحة وابجي
ابو اثير : كوم ابني كوم شد حيلك لتخاف حق اخوك يرجعع والله
غضب : رجعنا لبغداد واني حيلي مهدود
مكسور خاطر وضهر
ابو اثير : انزل لأهلك بالهم يمك
غضب : ما انزل اذا ما ارجع ثار اخوي
ابو اثير : اهلك هسة متشوشين عليكم انزل ابني طمنهم وارجع
غضب : بعد اصرار ابو اثير على ان انزل
صار الصبح ونزلت لأهلي فتحت موبايلي شفت المكالمات هواي كلش
قمر : انهارينا كلش يمر الوقت بوسط هوسة وبجي النسوان والنحيب
الهظم واضح على وجوه اخوتي
عايد : نتصل على غضب قافل موبايله يررربي هالبشر راح يخبلني صار الصبح واحنا على كعدتنه صارت بال9 الصبح
اجاني اتصال شفته المتصل غضب
عايد : خووية ليش هيجج تريد تموتني
غضب : اني نازل
شنو هاي الهوسة اليمكم
عايد : الناس التمت
غضب : شكوووو لك اذا ما تطردهم انعل والديك وعلي اني راح اوصل ويصير خير
عايد : احنااا بحال نطرد اخونه وين
غضب : سديت الخط وشمرت الموبايل على الكشن
عايد : بدوا الناس يجون
غضب : بعد مدة ساعة وصلت لأهلي
عايد: غضب نبهني وهالعالم شلون اطردهم استغفرر الله
شفنه سيارته من بعيد اجت يمشي سريع والتراب وراه يهف
غضب : شفت الكل مجتمع انعل والديك يعايد شنووو هالعالم
عايد : نزل غضب من السيارة والكل تلكاه
كبارن عشر سنين عيونه حمره ولحيته عالية طالع شيب براسه
غضب : نزلت من السيارة والكل موجودة على وجوههم علامة السؤال عن حسن
كركان : حيلنة انهد ركضنا على غضب حضنناه وكمنه نبجي
هدوئه رغم الحزن المبين على ملامحه بس مسيطر على اعصابه
قمر : غضب دخل علينا فجأة احس روحي تريد تطلع واني اشوف اخواني مشتتين
معصومة : اتمنى يطلع كل شي حلمونرجع مثل ما جنه اتمنى خبر حسن يطلع ما بي شي فرشت سجادتي وبديت اصلي وادعي يرجعه النا بسلام
غضب : مر يومي وسط حزن وافتقاد لحسن ما قطعت اتصالي ويا ابو اثير
ابو اثير : ها ابني غضب شلونك
غضب : هذا لوني سيدي
ابو اثير : صير نشمي وليدي
غضب : شنو الأخبار
ابو اثير : مازال يدورون لكن ماكو اي اثر لتخاف والله كل شي ينكشف
غضب : خير يارب
شمرت الموبايل على الجرباية واحس الغصة واكفة ببلعومي بديت ابجي وكأن اب مضيع ابنه
معصومة : كاعدة اقرى دعاء. وسمعت صوت بجي غضب شوية شوية يرتفع
ركضنة اني وعايد  على غرفته شفنه غضب منهار كلش
عايد: كلنا انهارينا على حسن سمعت صوت غضب يبجي طلعت من غرفتي لكيت معصومة تريد تدخل له
معصومة : دخلنا على غضب وشفته يبجي وعيونه حمروجهة مطعون طعن
عايد : سديت الباب وقفلته
معصومة : غضب حبيبي كول يا الله
غضب : لا رد
معصومة : كعدت يمه ولزمت ايده بستها
عيوني ينزلن دموع لا اراديا
بابا حبيبي لا تبجي يعني اذا احنا نشوف ابونه هيج يبجي وضعيف شلون نصير قويين
عايد : شد حيلك الذيب يا خوية مو كطعت نياط گلبي
معصومة : مسحت عيونه وبسته براسه
يلا راح اسويلك عشا واجي نتعشة سوية انت ما تعشيت واني هم
طلعت من يمهم واتجهت للغرفة امي شفتها نايمة لأن تعبت كلش وحبوبتي نايمة بصفها
رحت لغرفة قمر لكيتها تبجي
حضنتها وبستها براسها
قمر : يعني حسن ما يرجع بعدمعصومة : اسم الله علّي ليش تحجين هيج هوه بس مخطوف نرجعه اكيد
قمر: ان شاء الله
معصومة : كومي وياي نسوي عشا لغضب والنا
قمر : الساعة 12 وقت عشا
معصومة : ايي كومي يلة
كامت قمر وياي وبدينا نحضر العشا لغضب ....
سويت عشا واخذناه لغضب وحق الله دموعي ينزلن مثل شلال مو مركزة باوعت على قمر ....راح اغسل واتمالك نفسي وانتي هم سوي هيج لان وضع غضب تعبان وحالته نفسيه متأذية .
قمر: اي ماشي ،،رحنا حطينا الاكل وامي وحبوبتي من يوم الي اختفى حسن وهنا على  بجية وحده ونعاوي وحده لا سكتن لا شي وكل شوي واكعات وراكضين بيهن للمستشفى وحتى دكتور الاختصاص كال شوكت ما تستقر حالتهن نفسية يلا ينزل ضغط او سكر والعلاجات والمغذيات عبالك ماي شرب ما تسوي شي وضعهن هو هو .ما تغير
كعدنا سوية وبدينا ناكل محد له نفس ياكل صافنين وامي دموعها تنزل ..
حياة :تحجي بصعوبة ،،وليدي اكل عليك الحسن بروح اخيك مالي حيل بعد يمه انته جاي من مكان بعيد وتعب وسياقه اكيد تحتاج شي يسندك
غضب : معصومة جابت العشا هي وقمر بس ما الي نفس لكل شي اكلت شوية لخاطر امي  ورجعت على ليورى
قمر : اكل لا تضل هيج
غضب : اكلوا انتم هاي كفايتي اني .صاعد لغرفتي ارجوكم ما اريد اشوف جنس بشر ؟؟
الكل :صار
عايد : كل واحد راح لغرفته
مر اليوم واشبه بالموت الحقيقي ،، رحت لكركان ضلينا نحجي على غضب الي وضعه سيئ وفوك كل هذا هادئ ماعرف يمكن الهدوء الي يسبق العاصفه ..قررنا نروحلة للغرفه نشوف شيسوي رغم هو حذر محد يصعد اله بس لازم ما نتركه وحده فتحنا الباب مال غرفته وشفته كاعد على القفنه ويم باكيتين جكاير طاحنهن طحن اخذتهن منه خزرني ما هتميت كعدت بصفه اني وكركان
كركان : وضعنة مربك غضب كاعد مقابيلي واحسه مو طبيعي ضلينا ساكتين ما نحجي شي بس نسمع حسرات غضب المتعالية
اجاه اتصال وكأن احد ضربه طلقة كام على حيلة راح للباب
ركضنا عليه نفهم منه بس ما يحجي
غضب : فززني صوت الأتصال ومباشرتا فتحت خط بدون ما اعرف منو
يحجي وياي وكأن اكو شي صوته مو طبيعي
ابو اثير : ابني غضب منو يمك
غضب : آمر سيدي شنو صاير خوفتني
ابو اثير : نزل اصدار استشهاد حسن..وهذا شي متوقع وليدي لا تستغرب خليك هادئ اخوك بطل ..وراح شهيد ولازم تفتخر بهذا الشي انته ؟..ابني غضب تسمعني وياي انتة ..الوو ...يمعود شبيك ..استغفرالله ربي
غضب : ما اعرف شنو صار بعدها
عايد : ركضنا على غضب نفهم منه
كركان : دموع غضب يتساقطن كأب فقد ولده
اححججي غضب شبيكك
معصومة : سمعنا صوتهم وركضنا عليهم
حياة : ييممةةة حسن
شفت غضب كاعد وملتمين علي اخوتي يفركون بصدره
ايقنت ان حسن صار علي شي
حياة : يمة ابني شببيكك يمة  ولكم شبي اخوكم احجوا ليش ساكتين؟؟
عايد : ما ادري اجاه اتصال ووكع
قسمة : يبوووووووو ولكم الله اكبر ميلو عني
معصومة : كلنا مفجوعين ونبجي اجت حبوبتي تحجي ويا غضب
قسمة : هااا يمة ريعان گلبي شبي اخيك كول يمةة كوولل
عايد : غسلت وجهة الصار دم الا شوية بدا يستوعب.
غضب : حسن اهخخخخخ يممةة حسنن راح
عايد : حضنت غضب ونبجي
ركضنا مباشرتا للسيارة اني وغضب اخذت السيارة منه
حياة : يمممة غضبان على هونكم يمة على هونكم يبعد هلي
غضب : توجهنا لبغداد
اسررععع ولك اسرع
عايد : انتبهت على غضب يباوع لأيدة ويبجي
شفته يبوس بالمحبس مالته
غضب : جنتت حاس والله جنت حااس ولك اخر مرة جاب هذا المحبس كال يضل ذكرى خاف اموت
عايد : هونك ويا نفسك خوية
بعد طريق طويل وصلنا لبغداد
دخلنا للمقر ولكينا الكل متحضر حتى نتوجه للمكان
غضب : نزلت اركض وادور حسن بين الوجوه
ابو اثير : اجه غضب وكأنهُ يدور على اخوه
غضب : راح موو
ابو اثير : لا رد
غضب : ولكمم احجوا وينه وين اخووي
سيدي فدوة اغديلك احجي وينه
ابو اثير : حضنت غضب وبديت احجي معاه
وعد ابني حق اخوك انت بايدك تاخذه بس كول يا الله
غضب : لا حول ولا قوة الا بالله
توجهنا للموقع المحدد .
عايد : اول مرة اشوف غضب هالكثر منهار وما ينلام
حسن اقرب انسان له ومحبوب الكل
بعد طريق طويل وصلنا للمنطقة. بيوت مهجورة وبساتين بقايا انفجار السيارات بكل مكان
دخلنا بستان وتوقف الرتل قرب غرفة جبيرة لكن مهجورة كذلك ماكو احد موجود
غضب : نزلنا من السيارات والكل متحضر لأي شي يصير الا اني بالي وفكري وكل شي بية يم حسن
الكل انتشر بالبستان ندور عليهم
شفت بقايا دم واثار تايرات مال شفل
وكفت واني اجر النفس كوه
عايد : ها غضب شبيك
جدامي ثكلن جدامي ما اكدر امشي
اتبعت الأثر وصرت امشي الى ان وصلت لمكان محفور ومطموم مرة ثانية
عايد : يجووز هناا
غضب : اااي هناا هنااا بديت احفر بأيدية
ناديت على الجنود وبدوا يلتمون
عايد : بدينا نحفر  ونطلع بالجثث  جسمي يكزبر والروح تشمئز من المنظر
غضب : روحي مثل الحمامة التفرفح على ابنها
ادور بالجثث على حسن وكأنه شي وضاع
عيوني يهملن دمع شفت
عايد : غضب يدور بالجثث وعيني علي اي احد يتقرب له يدفعه
صاح بعلو صوته هذااا حسن ولكمممم
غضب : عيوني غوشن واحس شي صار عليهن شفت المحبس بأيد حسن وتأكدت هذا حسن
بعدها ما حسيت بشيء
عايد : وكع غضب احس روحي وكعت
ضلينا نكعد بي ونرش ماي على وجهة
عفت غضب وتوجهت لجثة حسن مسحت نحره المتروس تراب
:- هااا حسنن هااكك شووف شوفنة شوووفف اخوتك جااا هاي هية يعني
ابجي واعاتب بي وكأنه يسمعني
يلا خوويةة ولككك اكعددد خايب كسرت ضهري
حرت بين غضب وبين حسن المطروح جثة بلا راس
الهي عينني على هالمصاب
غضب ما زال فاقد الوعي. اخذنا الجثث ورجعنا لبغداد
بديت اغسل وجه غضب واضرب على خده
فتحه عيونه بس ما يكدر يحجي
غضب : فتحت عيوني بس جسمي كله ميت ما اكدر احرك شي
عايد : هاا الذيب يلا خوية شد رايتك كول يا الله
:- غمض عيونه ورجع فتحن صايرات حمر
غضب : غواش على عيوني كوه اشوف
شوية شوية بديت استوعب شنو صار
عايد : فز غضب مرعوب
غضب : وينه حسن
عايد : حضنته وبديت اطبطب على ضهره
كول يا الله الحمدلله على كل حال
معصومة : راحوا غضب وعايد واحنا نبجي كل شوية يتصل عليهم كركان ما يجاوبون
اباوع بوجهة امي وحبوبتي واخواني اشوف الكسره بعيونهم وشلون امي وحبوبتي حاضنات صورة حسن ويبجن حطيت ايدية على راسي
وابجي تذكرت من جنت صغيرة شلون جان يعلمني الصلاة والإلتزام
شلون جانوا هو وكركان مناكر وحبوبتي تدافع له
نفضت الأفكار من راسي ورحت يم امي
حياة : اخخخخ يمة يحسن يبو طول الحلو
معصومة : عيوني يجرن و اخذت الصورة منها وحضنتها
كافي يمة كافي كتلتي نفسج وانتي مريضة كافي حبوبة
قسمة : شلون تريديني اسكت وعزيز گلبي ميت يممة
عايد : وصلنا المستشفى والكل جان متهيء
نقلوا واهالي الشهداء كعدت غضب وشلته خليته على السدية
غضب : اسمع صوت بس ما اكدر اتحرك
عايد: اجت بنية لابسة نقاب علينا
سارة : غضبب شبيك شبي غضب
عايد : منو انتِ
سارة : زميلتة غضب شبي
عايد : تعبان شوية
قاس الممرض ضغطه مرتفع كلش
الممرض : زين ما صابته جلطة ضغطة كلش مرتفع
بدوا يشدولة مغذي ومهدئات الى ان استعاد وضعه الطبيعي
سارة : عيني على غضب شلون هلكان وتعبان
عايد : بعد ساعة رجع غضب وضعة طبيعي
سارة : فراق حسن تعبنا كلش وخصوصا غضب
غضب : كعدت واحس روحي متگطعة
شفت عايد يمي ومرة منقبة
سارة : كعد غضب وباوعلي بأستغراب!!
رفعت النقاب عن وجهي
:- شلونك غضب
غضب : هذا لوني
سارة : كول يا الله ابو ذيبة شد حيلك خوية
غضب : الله كريم بعد اخوج
عايد : شلون صرت
غضب : الحمدلله
عايد : طلعت جبت اكل حتى يستعيد نشاطة
غضب : ما اريد
عايد : اكل لكمة ضغطك مو زين عليك تضل هيج
غضب : انت تفهم جاي اكلكك ما اريد زهر مر
سارة : ميصير غضب اكل والله رادت تصيبك جلطة اكل لكمة حتى ضغطك يستقر
غضب : انتم تفهمون علية لو لا ولكم غصة ببلعومي ما اكدر والله ما اكدرر
سارة : عيوني مثل الشلال على حالة غضب
غضب : يلا شنو نضل هنا
دك عليهم عايد
عايد : غضب تحجي صدك شگللهم يمعود
غضب : شتگول يعني هاي هية انتهى كل شي
كللهم خلي يحضرون رواحهم
عايد : بأثناء ما نحجي ودخلوا شباب هواي يبجون ويلطمون
الضاهر اصدقاء غضب وحسن
بدوا يعزونا ونبجي سوية الكل فايت بصدمة
طلعت موبايلي واتصلت على كركان
كركان : كاعد وبالي يودي ويجيب. فززني صوت الرنة مال الموبايل شفته المتصل عايد
صوته مو طبيعي
عايد : ياهو يمك
كركان : باوعت على امي واخواني يباوعن لي حاولت اكون طبيعي
عايد: احجي شبيك ياهو اليمك
كركان : كلهم يمي
عايد : حضروا نفسكم راح نجيب الجنازة
كركان : لا اله الا الله
حياة : يمممة ابني يمممة
كركان : طلعت بالحديقة ابجي وما مصدك
عايد : كملنا كل الأجرائات وتوجهنا للناصرية جننة بس اني وغضب بس من رجعنة هواي سيارات اصدقاء حسن تمنيت عمي خيون لو ابو حسن موجودين
سارة : توجهنا للناصرية عفت غضب وعايد صعدوا بسيارتهم واني صعدت ويا ابوي
ابجي واشهك وكأنه احد اخواني وفعلا هو اخو وابن بمثابته لأبوية
ابو اثير : سارة بنيتي لا تبجين بابا هي هاي الدنيا
سارة : حسن خسارة بابا والله مجاي اتخيله يروح من بين ايدينا
عايد: باوعت للساعة صارت بحدود 2:30 الفجر
كركان : العرب كلها التمت والمضيف انترس ترس ناس
بأنتضار جيتهم
كركان : صار الوقت متأخر واحنا منتضرينهم الناس، تجي تعزينا وتنتضر
معصومة : بدت النسوان تجي والبيت انكلب صياح وبواجي كلنه مفرفحين علية بعده بعز شبابه لا عرس ولا تهنى هذا العراق ترابة اخذ شكو واحد عزيز وزين وخلى لجمه بكلوبنه..
..
كركان : شفنه سيارات بدت تدخل بأتجاه المضيف
عفت كل شي وركضت اريد بس اشوفه واشمة اخووي ما شبعت منه
ما همني كل شي صوت الرمي والعالم التلزم بية
عايد : وصلنا قريب على اهلنا وتلكونا بالرمي وشفت كركان يركض وفاتح ايديه
نزلت من السيارة وحضنته
كركان : ابوس ايدك عوفني اريد اشوفة والله اريد اشوفه
غضب : تعال كركان خلي نوصل والله كريم
حياة : ولك عشت يتيم وانه ربيتك على ايدي اخاف عليكم من الهوى الطاير يمه كتلكم ولكم اتركوا العسكرية كلكم صرتوا ضباط حتى يحترك كلبي هيج ..ولك يمه ليش تلجم كلبي لا فرحت بيك مثل الامهات لا عرست لا صار عندك طفل يشيل اسمك بعدك بعز شبابك ورحت وعفتني..؟!!
قسمه : يمه يحبوبة انه اكعد الغروب ادعي ربي اكول اخذ امانتي وخلي الوليدات ما شافوا شي من حياتهم وليدي يحبوبة ماخليت امام ما نخيته في سبيل ترجع سالم غانم النه ماخليت نذر ما نذرته حتى ترجع النه تالي رحت وما فكرت بينه رويحه حلال يحبوبة حركت كلوبنا وعفتنا
قمر :امي وحبوبتي فقدن من البجي لحد ما طاحت حبوبتي واجتها احلام تركض اخذتها وامي داخت وضلت لازمه تابوت ردت ابعدها عنه ماكدرت مجلبه بية وتبجي وتحجي ويا تابوت
معصومة : صدمتي ابجي بحرگة گلبي
خلوا الجنازة يمنا ربع ساعة تقريبا وبعدين اخذوها
غضب : دخلنا الجنازة للأستقبال
عايد : بقى غضب قرب الجنازة بالأستقبال
غضب : بعد ما عم الهدوء بقيت اني وحسن وحدنا
تقربت للتابوت وفتحت الغطى عنة  استرجعت كل ذكرياتي ويا من جنا صغار قبل لا يتوفون اهله من
جنا نلعب ومن بعدها اهله ماتوا واجه عاش ويانه وصار اخوي وعضيد يدي فرحتي بية جانت كلش جبيرة من طلع معدل ورفع راسي بين عمامي ودخل كلية عسكرية..دمى كلبي بموتة وكسرني ما يوم كسر بحجايتي، ،لو ايدي بلدم من أصيح حسن يجي يركض حيل احبه وهو حيل يحب يحبني ودوم نتواعد انا نبقى ما نترك بعض تالي اجه الوكت وخرب كعدتنا ولمتناالحلوة ،،،،يا بعد روحي حتى ما حضيت بلي حبيتها راحت حسرة بكلبك اوووف يا خوية هديت
حجيت اله بيت شعر...
روح وداعة الله محصن من الشر
يالمخلي الدموع على الرمش تعثر
بس دموعي سهلة المهم انت بخير
بگبر الما يركز تلكة عود اخضر
اموت اني سهل ع الأقل انت تعيش
وعسى جف المكابر لو رحت يكصر
ولا تزعل على الرادك تضل وياه
يحجي بدون وعية البي ملح غزز
بوس ايد امك وضم الطعم للضيج
من تضوكك الدنيا مرورة المهجر
صدگ گلي! حسبت حسابها بلياك
هاي ام المحنة على البعد تگدر
مو قصدي ارد اعكر خاطرك والله
ولا تتعذر ادري على البعد مضطر
بس لازم تعرف هناك وحشة الليل
ولو ما بي قنابل والأمان اكثر
النسمة الصافية تخنگك اذا حسيت
ما طگت بخشمك ريحة العنبر
باجر للنجف من تبتعد تشتاك
وتحن للحمام العل صحن يفتر
واذا مرت ابالك كربلة وحنيت
شتگل لبو فاضل منك اتعذر!
لو گبل الطفوف مسافر العباس
جا يهوة الباقي ويحرس الخدام
روح لغيمهم بس لا يأثر بيك
واخذ حجايتي وكونك تضل اسمر
بطفولتنه گبل نلعب حرب مرات
جيشين وقتال ونربح ونخسر
جنت ما ترضى ضدي تصير
الا وياي واذا ما وافقولك تزعل اتذكر
جا هسة شعجب خليتني بلياك
رضيت شلون احارب وحدي من اكبر
اهم بفرگتك لو اعالج القناص
اسهر على الواجب لو وياك اسهر
سافر واني اضل بالمعركة متانيك
اني وبندقيتك نبقى نتنطر
حافظ موضعك يم موضعي مخلي
كل لحضة هجوم اتخيلك تحضر

يتـبـع
نـبأ السـلطـان 🌹🌹🌹🌹🌹