نيران أبو ذيبه

بارت 31

نـيـران ابـو ذيـبًه"
بقـلم : نـبـأ السـلـطان
الحـلقـه الـ ٣١

رسَايل مِنك لحد هَسه اداريهن
مِثل نوُم الطِفل بالليَل اهِز بيهن
واكَلبهن واشوُف ايامَك الحِلوات
مو حِلوات بس مَجبورة اسميهن .
...
غضب : صار الثار ثارين والنار تطحن بگلبي بالي مو يم شي غير ان يرجع ثار ابوي وحسن الي انطفى البيت بروحتهم عنـي
انفتحت دفاتر قديمة جنت ساكت عنها
عايد : الحزن مخيم علينا وغضب صفنة تجيبه وتردة وياكل بروحه من القهر حتى حجي ما نكدر نحاجي متحذرين اعصابة تلفانه،،،
_-اكلك هاي سلمان برة ويريدك ،؟ .. من سمع بية كمز من مكانه وفتح عيونه على وسعهن گاز على سنـونـه !.
طلع يمشي وكاظ راسه ..
سلمان : البقاء في حياتك الفاتحه كلها الوادم ملتمه عليك ما كدرت احاجيك ..انه اجيتكم وجبتلكم الواجب
عايد : مد ايده لجيبة وطلع فلوس .. واشر لسايق مالتة ،
نزلوا الخرفان ؟
حجـه غضـب ..
_- اكلك شفت الفاتحه قصروا بيها اخوتي شفتني فشلت ابوي وما اقمت فاتحه بيها خير وكل هذا جان قليل بحگ اخوي
هاا، كلي انه ما محتاج بس لطف ربك !،
سلمان : والله من باب الأصول اجيتكم انه بس طلعتم حتى الاصول ما تعرفونها ولا يمها
غضـب : جـا ،انه دزيت عليك حضي المصخم مارايد شيي !؟البية كافي ووافي .
عايـد : ما عجبه الوضع ولا الحجي فر سيارته السايق مالته وراح واخذ غريضاتة ويا ..
غضب : والله تجيك المغثه والانزعاج على طبق من ذهب وانته كاعد هذا شنو من بشرر شلون يجيب طاري ابوي على لسانه
كركان : بسك منه اخوي عوفه واحد بطران
عايد : جا شبية راسك بس تشكى !
غضب : موتني احسه راح ينفجر
كركان : تعال تمدد بديوان اقيسلك الضغط
عايد : كعدنا بديوان .. مدد واخذله صفنـه وتفكـيرة وبالـه بغيـر شي ،
رفـع راسة كركان الي وكال :
_- هذا ضغط مالتة مرتفع ..
_-رايح اكللهم يسووله حامـض
_-قبل كلشي خل يسوون ليمون وماي دافي ؛
غضب : ما اريد شي اريد اطلع لان راح اختنك ؟!
عايد : اصبر خل اكللهم على نومي والحامض ،، طلعـت من الديـوان ، بوجهي فتحت الباب صارت بوجهي شمـس !
تلعثمت بلكلام .. وتيهت اصول اجعابي من شفتها ،،
عايد : غضـ..ـب ارتفع ضغطه سوولنه حامض شي اله وجهه صار احمر
شمـس : يا سـوده علية !.هسه من عيوني اسويلة
قمـر : عايد شبية اخووي ؛؟
معصومه : وخر من الباب اريد اشوفه
عايد :تعاااي يمعوودة كلشي مابية ،لا يجي خطار بديـوان زلام صخاام شجااج
جرتها شمس وحاولت تهدي بيـها
قمر : هاي اني عصرت الليمون بقى الحامض انتظروا شوية !
عايد : عاشت ايدج ، وانتي كلشي مابية شجاج
شمس : وانته شكو تصيح عليها حقها اخوها راح وتخاف على غضب ؛!
عايـد : حسـج گصري ،لا اطرنج طـر ،
قمـر : فدوة اروحلكم مو مال نتعارك هسه روح عايد لغضب شجاكم
شمس: ما تشوفينه شلون يحجي وياي ؟
قمـر : بس اسكتي يا حبيبتي ما صار شي هو ابن عمج لازم نحترمنا
_- اجـت حياة تمشي بضهر مكسور راحت الها معصومه وقمر سندنها كعدت بلمطبخ وهيه كوه تحجي ،،
حياة :ليش الصوت العالي يمه ؟؛عيبب لا يجي خطار شي شتكول الواد علينه ؛!
شمـس :عمه عايد زودها وياي
حـياة : لا يمه عايد خوش عايد ،،
شمـس : هسه اريد اخابر محمد اروح
حيـاة : ليش يمه هنا البنيات هيج يردن على امهاتهن ،،حاجاج عايد لا تردين عليه عوفي ،،
شمس : لا بس اشو صار ٣ ايام لا اتصل ولا سأل علية ،، يلا هو اني هم ملتهية ويا البنات
حياة :تعالن يمه يم حبوبتجن كاعده وحيدها مايصح ؛!؟
قسمة : شمسة يمة تعاليلي مشتاكتلج جده ؛
شمس : حضنتها وبست راسها.
واني بعد مميييته شوك عليج والله
قسمة : يا بعد امج انتي فدوة اغديلج
شمس : كعدنة نسولف اني والبنات وهي وشوية نفهنا عن نفسيتهة
سمعت الموبايل يدك كمت له اشوف منو
شفته محمد المتصل
محمد : من لكة احبابه نسة اصحابة
شمس : ههههه هلاو محمد والله ملتهية كلش
محمد : تمام بوية شخبارج شلونهم اهلج
شمس : الحمدلله تمام انته شونك
بقينة نسولف بحدود الربع ساعة
محمد : شموسة بوية هاي هية بعد انتي انضلمتي هواي واذا تبقين بعد شنو الفائدة من بقائج دام الله حافظنة على محبته خبري ابوج واعمامج اجيب سيد واطلكج روحي شوفي حياتج
شمس : استمع لكلامة كلمه كلمة وما جاي استوعب اليكوله
قمر : شمس راحت وطولت شوية رحت اشوفها
لكيتها فاكة حلكهة
شمس : ما اعرف شنو ارد ولا انطيت رد فعل اله غير عيوني البدن يصبن
قمر : يححح شبيج ولج
خاافف هذااا الحقير محمددد حجة شيي
ايي هوه هوه متأكدةة والله مشهودلته اذا امه شسوت بيج بقة علي
انهديت بيها واحجي بحركة كلب
شمس : مصدومه ما اعرف شنو ارد على محمد لو على كلام شمس اللي سمعه محمد
قمر : شبيجج ولج احجي
شمس : رفعت الموبايل الها
قمر : ضربت على خدي صخامم بوجهي
اخذته غلقت الاتصال
يستااههلل حتى لو سمع شيسوي قابل
شمس : ولج انتتي شفهمتي بالله شعرفتي شكال الي وانهديتي بالزلمة
قمر : اي شكال بالله
شمس : كال راح اطلكج وشوفي حياتج
حجيت الها كل شي كاله
قمر : احفريلي الكاع خل اطمم نفسي
متت بدمي اني انهديت بالرجال وهو جاي يسوي شي لصالحها اووففف يرببي غبية غبية
شمس : باوعت لقمر شلون صارن خدودها حمر
قمر : ههههعهههههههههههه
شمس : ههههههههههه
تكابلنة وكمنه نضحك ما ادري على شنو اضحك من فرحتي لو على غباء هاي الخبلة
قمر : نزلنه سويه ليجوى
معصومة : شبيجن تتهامزن جنجن بزازين
شمس : معليجج اهم شي احنة متفقين مووو قوقة
قمر : ختولي هاي. معلينه بيها
معصومة : اشرت بايدي بمعنى مخابيل
شمس : رحت لأبوي صحته
امير : شبيجن بوية جنجن سلابة
شمس : لا بس شسمة
قمر : اي هوه هذا نفسه دوخرري تتنعوصين
عمي ااا شسمة هاي راح تتطلك
شمس : سحبني ابوي من ايدي بقوة
امير : شجاي تحجين انتي شنو تتطلكين شنوو لعب هوه
شمس : رد فعل ابوي صدمني
يـ يعني شنو اتطلك مساع خابرنني محمدد وكال كولي لابوج حته اطلكج ووهوة كاال هيج اني ماعلية والله
قمر : شمس تحجي وتخربط بالكلام اوووف
شمس : لساني انعكد والله ذب علية البجي
ابوي صاح امي
امير : ياا مررة
معصومة : سمعت عمي امير يصيح لاحلام وهي مغلسة تسوي نفسها ما تسمع
عمي يصيحج كومي شويه شيريد
احلام : اليحبك يندل خدك انه ما بيه حيل
قسمة : كومي يمة لريالج شوفي شيريد
معصومة : عجيبة هاي المرة الا بالرزايل تمشي عدل
شمس : اجت امي وابوي كاللها
احلام : يماااا صخامم بويهي ولججج ليش تتطلكين ايي اكيدد يطلكج بعد ماا شبع
شمس : حجاياتها حفرن گلبي حفرر
صعبة ان اقرب الناس الكك يشكون بيك
عفتهم ورحت عنهم
بعد ما راحت سمعنة صوتها تحجي بصوت عالي
غضب : كاعد بغرفتي وشاعل جكارتي ادخن
سمعت صوت جوى نزلت اشوف شكو
شفت شمس تبجي وواحد يباوع بوجه الثاني
قمر : رحت لشمس تقربت عليها
لا تصيرين ضعيفة كوممي احجي هذا غضب اجه
شمس : رحت لغضب وحجيتله كل شي
غضب : لا اله الا الله انتم ما تستحون ما تخجلون شنو يعني تضل عمر بالذل والاهانة
احلام : ياا ذلل اضنك نايم انته ما تدرين
هسةةة تحجين كل شيي شسوه وياجج هسةةة بعد ما مل منج يريد يطلكج بالمزاج هية
غضب : خزرتها وحجيت وي عمي
عمميي سكتها
شنوو المل من عدها هااا الله وين حط عقولكم فهموني
تعاالي شمس ومعصومة
شمس : راح غضب وصاحنة اني ومعصومة
قمر : راحن وراه
معصومة : شاورت شمس. احجيي كل شي لتخافين معليج خليها عل غضب
دخلنا للغرفة
غضب : اقفلي الباب
معصومة : قفلت الباب وضليت واكفة
غضب : شمس لا تخافين من شي محد ياذيج لو على كص رگبتي اهلج ممكن ننطيهم حق الاعتبار لان محد يعرف شنو صار وياج ولا تشيلين بخاطرج
شمس : شوية ارتاحيت لكلام غضب
غضب : صار بينكم شي لو لا حتى اذا صاير شي اعرف اتصرف
شمس : غضب انته تثق بية لو لا
: اي
شمس : وحق روح عمي وداعة حسن البعدة قبره ما نشف ايدي ما لامسها ومستحيل اسوي هيج شي وحتة هوه كالل انه الما ارضاه على اخواتي ما ارضاه عليج وعل بنات العالم
غضب : بارك الله بيج بوية هو هذا المطلوب
معصومة : انرسمت الفرحة على وجهي ووجها
غضب مسح دموعها
غضب : خليج ذيبة البجي ما بنفع ويضرج بالزايد
انت بالحالتين ما مسوية شي غلط
شمس : ايي شكرا ابن عمي
غضب : اتزحلكن يلا ولا تحاجن احد واذا سألوجن كولن اسألوا غضب
معصومة : بوسةة
غضب : هههههه معصومتي الجميلة
معصومة : بسته بنحره وحضنته
الله يخليك النة يا ماي عيوني
غضب : ولا يحرمني منكم
قمر : راحن وعلامة الحيرة والشك واضحة على وجه احلام وعمي امير شوية ونزلن
قسمة : تعالي شمسة يمة تعاي يمي
شمس : كعدت يم حبوبتي وبست ايدها
قمر : ملاحظة احلام تريد بس تعرف ما تحملت وحجت
احلام : ولجج فهمينةة شبيجج خل نتصرف
معصومة : كل شي يم غضب شمس مالها علاقة..
يتـبع
نبـأ السلطـان ...
برأيكم شنو راح يسوي غضب ؟؟؟؟؟