نيران أبو ذيبه

بارت 36

نـيران أبـو ذيبـه
بقلم : نـبـأ الـسـلطـان
الحلـقه :٣٦
تمسك،بي وكأنك تقاتل من،اجل بقائي🖤
......................
غـضب : واجبات وتعب ودوام لـكن ثـار أبوي ياكل ويشرب وياي مايروح وانـه تعبي وشغلي وترقيتي كلـه لأجـل الانتقام ؛!
النجمات على جتفي بسبب الثأر والانتقام ..اخـذت نفـس عميـق واجه على بالي حسـن" گسـره ظهري ..صفنـاتي تاخذني لأيام گًـبل لاجـن كعدنا ولا چـن حجينا يا حسن يا خويـة "
رفعـت بـ أتصال مُهم اجتني اخبار جنت منتظرها من سنوات طوال ؟!، ألاخـبار جميـلة كجمال تلك الأيام الي قضيتها مع حسن . رديت بحرارة وحفاوة...
""غضب: يا اهـلا وسهلاً..كامل شنو هالغبيه صار هواي منتظر منك اخبار تريح بالي وقلبي ؟؟؟
كامل : حـبيبي أبو ذيب ..نرتب الأمور والأوضاع حتى نتصل ونفرحك .. برغم ما الموضوع جبير بس بية خطورة عليك !
غـضب: مو مـهـم ابد أن كان خطورة على حياتي ؟؟؟
كامل "". حالياٰ خبرتك اني حتى يكون عندك علم لكن لا تنسى بيها خطورة أن انكشفت حضرتك !
غـضب: مو مهم خلي انكشـف عندي الأهم والمهم هو أن يتحاسب ويعفن بسجن
كامل "".نعم! افهم عليك لكن تكملت لأجل حياتك لا اكثر وانت بعدك شباب ما مزوج بعدها ما فرحانه الوالده بيك .. واخوك ماصار هواي من استشهد فٓقد الغوالي صعب جداً ،! وخصوصاً أن كان اولادك ..؟؟
اخـذت نفس عميق بتملل ونفـاذ صـبر لكن كل حرف حجاه صح بس اني عندي غايات ضروري اوصل الها ..
غضب: كلامك على الرأس يا غالي بس الانتظار خلص وصبري نفـذ واجه هالليوم جنت انتظره من سنين طويلة ؟!!
كامل '""' عـزيزي سالـفه بيها مخدرات وقتـل وفلوس ؟؟ يعني جبير هذا الشي واندفع للضباط مبلغ كبير جداً في سبيل القضية تنقفل. بـس يكمل سنـه أو على الأغلب سنتين ويطلع من السجن مسقط الحكم وكانوا ماصاير شي ؟
غضـب: كورت قبضت ايدي ورجعت اشتعلت نار صدري واني اذكر ابوي ...احم .شكد اندفع الهم حتى تنسد قضيتهم!
كامل""" والله اني الي شفته كدامي المبلغ 500 مليـون
غضـب : حـلو ، مصدر هاي الفلوس منين جابهن ؟!
كامل """ههههه تغشم نفسك انته .. وتهريب الغاز شنو ؟؟
والاتفاقات المشكله مشتري حتى دولة وآله ايادي متشعبه
غضب: انـه، مخطط لكلشي وراسم بالي بس انته تساعدني !
كامل"" اساعدك.لكن كلشي وآله ثمنه
غضب: اكيد . تدلل من هاي العين قبل هاي العين
كامل "" أنه ليش احبنك عبن تفهم بسرعه مو مثل الباقيين وتدفع بسرعه .!؟
غضب : من احجي حچاية اسويها وتعبك مدفوع ..بـَـس اريد منـك المعلومات كل فتـرة تخابرني تزودنـي بمعلـومات ؟
كــامــل "" متفقـين عزيزي
غضــب : مع سلامه. أخـي ..تنهـدت براحـه وابتسمت ..احح واجه يومك يا سليمـان ؟؟؟
_مـن بعـد رجوعي للبيت ما حجيت عن الشغل الي اشتغل بية وان اريد اوكع سليمان بـ ورطه وأخذ ثأري منـه ،
وانما هي مو ورطه شغله الخايس هو وابنه راح يوكعه بشتى الطرق المؤدية إلى الطيحان الحظ أن شاءالله ، ابوي ثارة وحگـه ارجعهن بيدي ونار صدري تبرد من اشوفهم ورى قبـضان السـجن
-_دخـلت للبيت تلگتني الحجـيه بـ الگوة تمشي على عكازتها عمرها هم اله حوبه من غير كل مـرة صدمـه ويتبعـها قهـر وحـزن
الحجـية : هـلا وليدي .. شلوـن كيـفك يمه ؟؟
نزلت على أيدها بستها وحضنتها ..
غضب: يابعد حيلي مشتاقلج.. يلـ البخت يبعد روحي
همـست بأذنه ..الحجيه : شلون لكيـت الك عروس .تخبل
غضـب : ههههه ،مو بـالي الزواج حجية ؟؟ طكتني بعوجيتها ؛!
الحجـية : اشش ولك مو صرت شايب البعمرك زوجوا بزرهم وانته ضليت ؟؟ تعرس وتنهجب
غضـب : نايم على كلـبج حجيه ؟
طلعت حياة من البيت على صوت حجيهم وضحكهم ..تقربت الهم
وافقت راي الحجيه
حياة : اي وأنه وياج يمه لزوم يزوج چـا نريد نفرح بيك يمـه
اجت قمـر فاتحه الحلك من الضحك ..تخوصرت الهم ووكفت ..
قمـر : واخيـرا راح يصير عندنا عـرس واخيرا .
غضب : بعد اخوج اليسمعكم يكول باجر زفتي ؟ منين هاي العروس حجية
الحجـيه : أنـه كل مره اسمع شموسه تحجي ويا رفيجتها شسمها ولج قمر ؟
قمـر : بيبـي ،اسمها " نسـريـن"
الحجيـه : اي نسرين خوش بنيه وحليوة چنها گمـر وصغيرونه تربيها على ايدك وتجي شموسه واسالها عليها ؟ واهلها فقره من اهل الله يمه ؛نريد نشوف جهالك كافي صبرنا عليك هواي
غضب: شفتهن مُصرات على زواجي ومرتبات الوضع ..فـ كتلهن هاهي..
حجيـه وانتي يمه التشوفونه مناسب ..عفتهم وصعدت لغرفتي ارتاح ..
ضليت صافن بـ أفكاري يرن بـ أذني اسم البنت نسرين "" .. زين مو جنت ماريد اتزوج وارتبط بسبب عملي شلون هيج هسه تغير الأمر ..
صار هـدوء .. اتمشى بلبيت اريد اصعد لغرفتي شفـت قمر تصلي ..وصلاتها كانت سريعه ؟!! .تعجبت ليش هيج شنو وراها حتى تصلي سريع يا ستار ..
دكيت الباب دقائق واذنت الي بدخول ..
كعدت يمها بلغرفه على الجرباية ابتسمت الي وحجت بعفويتها والسانها الطويل الاحبه ..
قمـر : نورتنا ونورت غرفتي يابعد عمـر اختك
غضـب: حبيبتي قمورة ..بنور وجهج الحلو .. يبعد روحي ،اسالج سؤال اخيتي ؟ حبيبتي . ليش صلاتج مسرعه ، سريعه شوراج .؟
قمـر : مو وراي شغل وقراية واريد من هسه نتحضر للمشية مالتك ..
غـضب: لا يروحي.مو هيج شوفي راح احجيلج عن الأمور من جنت صغير وتعلمتها من ابوي "الله يرحمه "..
ألاذان شكد مهم قبل لا تنوين الصلاة ..
تدرين ليش احنه نحط اديناتنه ثنينهن ورا اذنه؟..
معناها يارب اني حواسي كلهن الك..
عيوني عليك وانفي وفمي واذني وكل حواسي وتركيزي وياك انت .. لان اني بهل اللحظة داتواصل وياك بكل ماأملك ونيتي بگلبي وعقلي بكل قوته وياك..
( أنت يارب الالتفت الك ..ماكو التفات لغيرت )
وجهت وجهي للذي خلق لحمي وعظمي وجلدي وشعري والذي شق سمعي وبصري تبارك الله خير الخالقين
متعرفين شكد مهم تخلين ايدج ورا اذنج من تصلين 🐮.
ابد لا تتغافلين عنها بصلاتج ..
زين انتي تعرفين شنو معنى سجودج وركعوج؟..
الركوع يعني اني قدمتلك يارب العالمين رقبتي بين ايديك
والسجود يعني اني هاي جبهتي (گصتي) وألي هي كل مي وجهي
بالسجدة الاولى دگليله خلقتني من طين
بالسجدة الثاننية دگليله ارجع الى الطين
اااي احنه كلنا ملك لرب العالمين
فـ هذا القصد من الصلاة.. لا عبالج بس فرض وواجب عليج تسوي ..
لا تتغافلين وي رب العالمين..
صلاتج ع شغلج ع نومتج ع اكلج ع افكارج كلها..
ديربالج تأجليها ع مود امور دنيا...
ترا الصلاة مو شي تستهانين بي.. ودكولين هو يعرف ضرفي وبالي مشغول وماكدر وتعبانه.. ديلااا اهم شي النيه وهو يعرف بالنيات
لعد هو المن خلقج؟.. حتى تقدميهن علي!..
_-خليت ايدي على أيدها.
_بوية أنه ما أصير براسج متدين ولا هالامور بس هاي شغلات كل شخص بينه المفروض يعرفهن .
قمـر: صار يبعد روح اختك ..بعد ما اسرع بـ صلاتي ماكو شي اهم منها
غضب: عفيه عليج ..يلا من رخصت صاعد انام شوية
قمر: مرخوص ..
_- غضب : طلعت من الغرفه صعدت غيرت ملابسي وتمددت على فراشي .. غمضت عيوني اريد انام ارتاح ..اجاني اتصال فززني وضوجني ..كعدت عدلت نفسي بملل
رديت :.
اهلا.
_-شبيك باشا جا هيج شغل ؟
غضب: اذا ما عندك خبر زين لا تحجي ويلا ولي !
_- أنا كلي على بعضي أخبار سارة وجميله الك
_- فركت عيوني وصدري وحسيت دمي بلش يفور وهذا يمضرط ؟..احجييي شنو الاخبار
_- الاخ سليمان وكع بفخنا ؟؟؟؟؟؟؟؟
يتبـبع
نبـأ السـلطـان