نيران أبو ذيبه

بارت32

نيران ابو ذيبة
بقلم : نبأ السلطان
الحلقه ٣٢
مشينه اعله الخناجر خوف
وذنوب السوالف حوت تبلع واهس
الملهوف مشينه والجرح عريس
يضحك والملح زافوف
كاضم العطشان
.....................
قمر : طلع غضب وجهه معفوس عفس عمي امير وطلعوا لي برا ما اعرف بعد وين راحوا طولوا حبوبتي قسمه هي وامي احتضنت شمس خطيه هالبنيه ما شافت الراحه امها حي حيه وتسسس ولا كأنها بنتها وتوكف وياهة
شمس : رحت للغرفه وكعدت ابجي يعني اني منين اتلكاها من امي من عايد منين من الوقت الاغبار تعذبت كلش وانه بعدني بعز شبابي ليش يا ربي اوف دموعي تنزل جنت أفكر هواي باللي راح والآن واللي رح يجي
مو بحياتي بس
لا بحياة كل الناس الداير مدايري
واتأكل وأقلق كلش
وصفنت هواي على روحي وع تعبي وحجيت هواي ويه نفسي
صفنت لأن اني دوم حاسرة انجازاتي بالناس
خيباتي بالناس
من الناس
وماعرف اذا هذا طبيعي لو لا
كل تعبي من الناس وطول حياتي انجرح واتاذى واني أحاول أتعلم ما اتأذى منهم بعد وما أنجرح
وما أستثني احد
دائما بكل فهاوة من أفكر بنهاية السنه اكعد اكول
طلعت الناس التوكسك من حياتي
هو هذا انجازج بكل سنه ؟
تفوتين ناس مؤذين وترجعين تطلعيهم !
حتى اذا سويت انجازات أخرى ، ما أعدهن
ما عرف ليش حاصرة انجازاتي بالعلاقات
-صادقت ناس حبابييين
-طلعت ناس مؤذيين
سويت اشياء عمليه هواي بس ما عددتهن
اي رجعت لنفس الدرس الما أعرف ليش أرجع أحضرة نفسه
"الناس سبب كل همي و تعبي "
"نفسج هم ألها حق عليج "
أرجع أصفن واسأل نفسي أني هم قلقت على نفسي؟
هم فكرت بنفسي بنص كل هالقلق
ليش ماخذه دور البطله التتحمل أكثر؟
الما لازم تتعب
من كد ما عقلي مصدك ما لازم أتعب
ما أتمرض
يحس ممنوع اتمرض ومن اتمرض احسها جذبه!
ليش؟
محيطي مو سيء لهالدرجه واكو ناس أكدر اتذمر يمهم ويحبوني ويتحملوني ويريدولي الخير
ليش أقبل لنفسي ان تتأذى؟ بس لان أشوفها تتحمل،
ما أعرف منو نطاني هالدور!
دور ان اكون قويه وما اتعب
دور "انتي تتحملين اكثر ميخالف هالشخص محتاجج ، او ذاك الشخص يحتاج تتصرفين فد تصرف معين علموده وهذاك لازم تسوين هيج اله ، وهذا ارجعي انطي فرصة رقم ألف واذا نطيتي ٩٩٩؟
صعب ان اهلك يشكون بيك هم اقرب الناس الك واقرب الناس من كل شيء نمت وانه دموعي على خدي حسيت راسي انفجر في الزيت على عليه تتلمس بخدي فتحت عيوني لكيت ابوي واكف كبالي اوف يابا اوف سويت بيه ما جاوبت شي ولا بدر مني اي شي ضماني الحضنه ما تحملت وصرت ابجي عيوني تنزل عشره عشره اريد احجي بعد ماكدر انعكد الساني واني بحضنه
امير : آسف أميرتي
شمس : بابا ليش هيح يعني يعني أنه منو الي منو حبيبي منو سندي من ظلي بهاي الدنيا انت صدكت بالكلام وما سمعت مني اساسا ما تفهمت وياي ليش انا مو بنتك
ماكو كلام يؤسف حاله ابوي غير ان دموعك تنزل يابا فدوه لا تخذلني انا مالي بها الحياه غيرك
امير : بعيوني انتي يا بعد عيوني
شمس : شوية وطلع لأن اجاه اتصال
غضب : طلعت واخذت عمي امير
امير : لككككم انتمم صدك تحجوون ليشش هسةة تحجيلي كل شي بالتفصيل
غضب : اسكت رحمة لوالديك هسة راح تعرف كل شي
عايد : اجيت لكيت غضب وعمي امير مسرعين
خيرر يا ستار شبيكم
غضب : الله جابك. تعال وياي جنت متقصد اخذ عايد وياي حتى يعرف كل شي بنفسه
. طلعت موبايلي واتصلت على محمد
واتفقنة نلتقي
عايد : اوففف
امير : لا اله الا الله راحح اتخبل والله راح اتخبل
غضب : وصلنا ولكينه محمد كدامنة
محمد : خوب ماكو شي عمي صاير شي وياكم شمس بيهة شي
غضب : ما صاير الا الخير
عايد : وعلى اساس تهمك شمس تسأل عنهة
غضب : اسكت عايد ما اجينه نعرقل الامور اهدوا رجاءً
محمد : لك الحق بكل شي تكوله اخوية
غضب : محمد انتم صاير شي رسمي بينكم
على طول هاي المدة لولا
محمد : ثق بالله وروح جدي والبخت شمس نضرتي الهة كأخت وهي شاهدة على كل شي
ثق بالله الكريم
انه حالي حالهة انجبرت جبر مارايد هذا الزواج كلة من الأساس
غضب : كفو منك عز الله راعي امانة
محمد : منك اتعلم ابو ذيبة
عودة للسابق ...
--------------------------------------------------
محمد : اتصل علية رقم غريب
غضب : ما دكيت بابك الا واني مطمئن
محمد : تبشر وعلى هالخشم
غضب : المفروض ما احجي وياك لكن لو شايفك مثل الجماعة جان ما ترجيتك
محمد : كول منو انت يا خوية
غضب : اني غضب ابن الشيخ خيون
محمد : حياك الله آمر خدمة
غضب : الكلام ما ينفع اتصال هواي كلش نلتقي اذا جنت فارغ ان شاء الله
محمد : ان شاء الله
غضب : انطيته العنوان واتفقنة الساعة 8 بالليل
محمد : نهيت الاتصال منه
تعالل هاي شبيه شنو نلتقي احنة بينة عداوة شلون ثقيت بي بهالسرعة
خربب عرضك محمد دومك تبنطش وتبعرهة
غضب : صارت الساعة 7 ونص طلعت.
وصلت لكيته منتضرني
محمد : صار هواي ما شايف غضب جان من اسمه يخوف اما هسة حتى شكله يخوف
غضب : محمد اني ما اجيتك الا واعرفنك راعي وكفات والله لو غيرك ما اتحركله
محمد : تبشر الاكدر اسويه من عيوني
غضب : تعرف ان اعمامك يردون فصلية
والوكعت براسة عمي امير وانت تعرف عمي شلون فقير وهي بس هاي وحيدته
محمد : اي
غضب : محمد هاي ذمة وامانة ما جان بايدي اسويه الكل جفصوا هيج جفصة ثق بالله
محمد : ابو ذيبة سواء طلبت مني او لا. انه ضد هذا الشي والفصلية وهيج سوالف وبنفس الوقت لو جانت كتالة ابوي ما امس ولا اسمح لاحد يمس شعرة منهة
اطمئن اختك او بنت عمك تكون بالحفظ والصون
غضب : اعقد عليهة انت
محمد : بصدمة. هااا
غضب : خلي لنة موقف مشرف محمد وكول يا الله
محمد : والله يا خوية مدري شگلك بس ترة
غضب : محمد محممد احنة مضطرين ثق بالله
محمد : حكيت راسي وحاير.
غضب : حقه ما ينلام بس ماكو حل لحماية شمس غير هذا والا تصير دم للرجاب
محمد : خير ان شاء الله تبشر
غضب : كفو والله اردلك الدين من هالشارب
محمد : ما عليك زود الذيب ما يصير الا الخير ان شاء الله ....
--------------------------------------------------
غضب : غمزت لمحمد وهزيت راسي بعلامة الرضى
عايد : ما جاي استوعب نهائيا الي يصير
رجعنة للبيت واحس راسي يريد ينفجر اباوع الغضب مرتاح
غضب : يرضيكم هالحجي ارتاحيتوا هسه ؟!
امير : استغفر الله يا الهي
......
نسرين : صارت الدنيا عصر واحس روحي طالعة
رحت اخذت ملابس ودخلت اسبح
نشفت شعري وطلعت بردت شوية بديت اجمع ملابسي اغسلهن وكعدت بالطرمة اغسل واني اتذكر امي شون جانت تغسل بهذا المكان
الله يرحمج ماما ليش عفتيني ورحتي. ما بقالي سند غيرج
سرحت بالأفكار والذكريات واحس غصة ببلعومي حيل مشتاقه الها والحنانها
كملت ملابس وشريتهن على الحبل ..
سمعت الباب يندگ رحت فتحته
لكيت ابوي بوجهي
بس هالمرة كاشخ ومحلق شعره وطالع حلو
جايب وياه مسواك وصاير أحوال
:- نعيما اليوم طالع حلو
:- وشگلولج علي وصخ انه
نسرين : بابا
نسرين : ليش ما تبطل هذا السم جاي تاذي نفسك
احجي ويباوع علية كلشش ما ارتاحيت لنضراته
خفت شوية وشلت المسواك ورحت اغسله واعزله
بديت اغسل بالفواكه واعزله
واكفة على السينك اعزل بي ما حسيت الا وشخص حاضنني من ورا
فزعت مرعوبة ودفعته حيل واني اشوف نضراته القرفة الي
ريحته كتلتني مبين توه شارب
مصدومة وعيوني يجرن دمع شردت لغرفتي وسديت الباب علية ابجي والطمم
ليشش ياربي ليشش فدوة شسويت اني
احس جسمي قذر. ماعرف شنو اسوي ووين اروح
عيوني يجرن دمع وبغزارة شنو من قذارة شايل هل بشر
ضليت نص ساعة تقريبا وصار البيت هدوء
تأكدت طلع
طلعت امشي شوية شوية دورته ما لكيته قفلت الباب الخارجي
شوية جريت نفس وارتاحيت
غضب : مرلي وأكسر صفنتي
ورش جفني نوم
مرلي سالوفة ضوه
وأفركني هيل
ظلمت وياي حد المدري وين
عندي صار الليل دنيا وأنت عندك دنيا ليل
كوم كاسرلي ضواي
وانت تدري ليلي مو حي الله ليل
أزكَيني موعد
خلي أشد حيلي واكَوم
خلي أذب أسنيني وبفيك أشب
طبعي عنبر وأشتهيك
ولو طبعك بالوصل ناكَوط حب
يازلف صفاف الك عمري هوى
كوم وأنطيني اعله كَد عقلي من أجيك
رخي غصنك
فدوة خل نلعب سوه
انت كلشي يلوكَلك من أحجي بيك
لأن كلشي أنت بحياتي
وكون اشوفنك غلاتك
بلجي أصيرن كلشي بيك
عايد : ما اعرف شلون وبشنو اواجه شمس
ماكو فعل ولا حجاية تطيب خاطرها
غبي اييي غبيي لأن ما سمعت منهة. غبي لأن كسرتها. غبي لأن مااا فهمت
غيرتي وحبي العمة عيوني.
گلبي ينعت عت واني اشوفها تسوي نفسها لا مبالاة وتتاجهلني
ينعت گلبي عت بنضراتها وخيبتها
شمس : بعد ما الكل تأكدوا وبفضل غضب هم وانزاح من گلبي جابوا الشيخ واجه محمد تطلقنا وكل شخص راح بحال سبيله
وگلبي وكل شي بية المتعلق بعايد بس موو سهلة كسرتي وخذلاني منه
عايد : شمسي
شمس : رفعت حاجبي بعلامة عدم فهم
عايد : احبج والخلق هالحواجب
شمس : نزلت راسي وما جاوبت شي
عايد : احب العنودي اني والله يجري بدمي
شمس : گمت من يمه. ما اريد اضعف واتقشمر بكلامه خلي يعض اصبع ندم على سالفته وياي
عفته ورحت للغرفه
معصومة : مرت الآيام ويوم يجر يوم الكل ملتهي بشغلة ودوامه
والطلايب يوم عن يوم تزيد وتوكع براس غضب وتعال يا غضب انت حلها يعني فوك موتت اخونا
ذكرى حسن عالقة بارواحنا ومايفارقنا وبكل يوم خميس ثواب لروحه وروح ابوي تنزل دموعنا على ابوي الي مشفنا منه شي وعلى حسن وشبابه امي تحاول شكد ما بيها تكابر كدام غضب بس ما تكدر
نار بصدورنا مشتعله راح واخذ كلشي ويا حسن بقت بس الحسرة والاهات والونات علية

غضب صار ما ينزل للبيت الا قليل ويضل شهرين وثلاثة شكد تخابره امي وتلح عليه بس هو يتحجج انو عندي واجب مهم
عندي مهمه لازم اخلصها
ومرة هو جان ضايج وعصبي صاح بصوت
"يمممه اريد استشهدد بلكن الحك اخوووي "
امي هنا انهارت وسدت تلفون رجع اتصل علينه وراد يصالحها بس رفضت لأن انقهرت
بس الصبح وقت الصلاه ما تحملت وخابرته ورجعت ضحكتها وسالفتها ويا
لازمة الكتاب وصافنة فززني صوت الباب انفتح قوي واكفه بالباب هيه وكفشتها
قمر : هيووو انتي ما تقرين
معصومة : هاي قريتي نص ساعة سويتيها علية قصة يوسف شحال لو تقرين قرايتي
قمر : والله حبيبتي بكيفي
يتبع
نبأ السلطان