نيران أبو ذيبه

بارت 34

نيران ابو ذيبة
الحلقه ..٣٤
بقلم : نبأ السلطان
...
واستغفرتلك مستحه  وسجدة عشگ
خيعون ليلك بي ضوه...
خليتني حجاية شمع  كلما تسولفني احترگ
للناس مدري لغربتك ...
مدري اعله ميلادي التفت...
واعثر بتابوت الوفه...
وياخذني  حزنك واختنك
ماگتلي عنك مونبي..
وماگتلي عنك موصدگ
......... .. .. ... ....
شمس : اووفففف عصيمة وعلي احط الصحن براسج اسكتي ترى البية مكفيني  جفيني شرج فدوة
معصومة : سكتت ما حجيت شي لان شفتها اعصابها تلفانه كتلها ..
وخري اني اكمل بدالج
شمس : لا  حبيبتي خلصت ما ضل شي عندي.
معصومة : يووووو هااي شبيج عمي اسفين اسفيينن هسة صرت مكروهة لان احجي لمصلحتج ولأن ما هاينلي اشوفج يومية عيونج مورمه و يصبن وروح ابوي ترى اكول لغضب واخلي هوه يتصرف وياكم
شمس : التفتت عليها. شنوو تخوفيني بغضب مثلا
غضب : عطشت وماكو ماي يمي نزلت اشرب ماي
وسمعت شمس تحجي بصوت عالي
شمس : بأثناء ما حجيت هيج فجأة صار غضب بوجهي يررببييي شهالموقف غصت بهدومي من الفشله
غضب : خير يا ستار وليش ما اخوفج بوية شنو لازم ضهرج قوي ومتخافين
معصومة : وجه شمس كام ينطي الوان وما تكدر تحجي
شمس : لا بس..
معصومة : غضب والله ما قصدها شي واني خل افهمك
موو عايد يومية يجي يحاجيها ويعتذر منها
ويريد ترجعله
حجيت هيج وكأن ذبيت علي نفط..حجه بصوت عالي
غضب : وشعندي اني مگودة هنااا ما شاء الله وضع صاير خريط
شمس : باوعت لمعصومة الجفصت هسة بيش اركع
غضب : اطلعي ولج
معصومة : اشر علية وكال اطلعي
بدون اي كلام طلعت
غضب : اكعدي شمس خانوم
شمس  : جر الكرسي وكعد مقابيلي
غضب : الى متى تبقون هيج واحد ينحش على الثاني
لشوكت تضلون مفضوحين يا امة الاسلام شتريدين ابوج يكول علية وعليج وعلى ابن عمج
شمس  : عايد الوحيد الجنت اريدة يوكف بسدي ويحميني وبعينك شفت هو اول الناس التهمني واول الناس التبرة مني
غضب : ماكو شي يبرر تصرفه وغبائه
بس شوفه عينج. عايد هاليلاحف وراج ويركض
لو مجذب ما انتضرج وهاي راح يصير سنتين.
عايد عمر خلصه هوه ينتضر شوكت التصيرن له
اني مو اشجعج له واكلج تنازلي عن حقج واصلا عاشت ايدج وياه
بس عايد عانى هواي من جان صغير واول مرة اجاني جان عمرة 17 سنة تقريبا وگال مخلي عيني على شمس
بوقتها الله يا يراويج شسويت بي وروح اخوي خليته ياكل تراب الكاع
وبعد وبعد حجي ما يخلص للصبح
انتِ عزيزة علية وعايد هم عزيز  وما هاينلي اشوفكم هيج اكعدي وي نفسج وفكري زين
واني اتعهد لج بي وبرگبتي
شمس : استمع لكلام غضب وكأن اجاني راشدي صحاني
گام عني وبقيت صافنة ما اعرف شكول
معصومة :  اجت شمس وجهها ينطي الوان
شمس : اششش مالي خلك كل شي
معصومة : گبر
نمت وغطيت بالنوم لأن تعبانه
غضب : نمت جفي على وجهي احس راسي صاير طبل
حسن : غضب
:- سنده الراح
حسن : اووفف شكد مشتاقلك
غضب : حضنته حيل بودي اضمه بين ضلوعي
جا هيج تعوفني وحدي
حسن : ما عايفك اني ضلعي وياك بكل مكان
غضب : امي تعبانه
حسن : ادري
غضب : شوكت ترجع
حسن : ماا ادري بس اني منتضركم
غضب : احجي وعيوني يجرن
حسن : ابوي وامي وعمي خيون يسلمون عليكم
غضب : شحالهم
حسن : كلش تمام
يلا اني اروح تأخرت
غضب :  جا هاي هية راح تروح ضل شوية
طحسن : لا بعدين هسة رايح
غضب : رحت وركضت وراه فجأة اختفه.
فزيت مرعوب ووجهي عركان جسمي كله يرعش
باوعت للساعة. بـ4:30
نزلت غسلت وجهي وتوضيت
عايد : ها الشايب شعندك كاعد
غضب : متواعد وي خالتك  الشكرة
عايد : شبيك شو ويهك ينطي الوان
غضب : ما بية شي سلامتك
عايد : وضعه مو تمام راح للأستقبال فرش سجادته وكعد يصلي
منين اجاك الأيمان
غضب : خلصت صلاتي وعايد كاعد قريب علية
عايد : تعذبت ياربي بيهة اريدها تعبت
غضب : يطبك مرض
عايد : وتاليها غضب اضل طول عمري هيج مو وعلي مليت
غضب : انت صدك ما تستحي ولك عدنة زلمة بعدة گبره اخضر وتدور هيج سوالف
عايد : لا غضب وروح حسن ما رايد اعرس
بس قافلة ما جاي تنطيني كلام اصبر روحي اقلها اضمنها بس
غضب : لا تخاف ما يصير الا الخير
عايد : شلون ما اخاف يا خوية جاي تطحن بروحي طحن
غضب : تاخذها وازفك بأيدي
عايد : الله كريم
غضب : طلعت باكيتي وورثت جكارة نفخت الدخان ليفوك
ورجعت راسي على التخم وانه بالي مشتت والف فكرة تدور وروحي مشتاكه لأخوي
..... .   .......... ....  ... ...
#_نسرين : اليوم جمعة وكعدت من وكت
نضفت البيت وشغلت قرآن
احس خنكة ملازمتني تعبت واني احاول آقلم نفسي واصبر
احس گلبي طاك لبيبيتي اريد احجيلها كل شي
سويت ريوك وكعدت اتريك
اكلت لكمتين وحسيت منشار يكطع ببطني
گمت للحمام غسلت واحس نفسي اريد اتقيئ
سمعت الباب يندگ
ما اكدر اتحرك عفته يدك وحدة
شوية وسمعت صوت مريم تصيح
اييي الله جابج
كمت فتحت الباب
مريم : حقيرة صارلي ساعة ادك بالباب متفتحينه؟؟؟
نسرين : اسكتي عني ارد اموت
مريم : صخام بوجهي وشبيج هيج وجهج شاحب
نسرين : مادري مادري بس بطني توجعني
مر ساعة وعلى نفس الآلم
شوية حسيت نفسي صرت زينة
مريم : شخبار شموسة
نسرين : رجعت لأهلها اووفف والله مشتاقتلها
ضلينه نسولف الى ان صار وقت الغدة وكمنه نطبخ سويه
شوية ارتاحت نفسيتي
صار العصر ومريم راحت وما ردت تروح
رجعت لحياتي الطبيبعة ويوم يجر يوم
قمر : اليوم غضب التحق والبيت صار كآبة
مرت الحياة طبيعية وماكو شي جديد بلا طعم ومهجه
... .   ..... ....  ..... ..   ..
#_شمس : مشاكل امي وي ابوي ما تخلص على اقل شي تسوي مشكلة شكدها وشكبرها
طلعت بالحديقة ولكيت ابوي كاعد وحاط ايدة على خده
:- احم احم شبي الحلو صافن
امير : هههه سلامتج
شمس : تضم علية وما تحجيلي شنو مكدر خاطرك
امير : ماكو الا الخير بوية بس تعبت اني
شمس : سحبت ايدة وبستها
عسى التعب بية ولا بيك شبيك بابا
امير : امج تعبتني ما صار الي واهس ادخل للبيت بسبب مشاكلها والنگ اني لشوكت اضل هيج لشوكت ارتاح بأكلة وبنومة وبگعدة اذا ما تسويلها سالفة كرهت العالم بية بسبب مشاكلها
شمس : يحجي بحرگة گلب وعيونه تدمع
صرت ابجي وياه
مسحت دموعه وبسته براسه
لتبجي بابا ولا تكدر خاطرك بلكي الله يهديها
وتصير زينة
امير : الله كريم المهم انتي بوية
شمس : المهم اميري الحلو
وبعدين هاي شنو صاير اربعيني تخبل
امير : ههههه ولج ويني وين هالسوالف هالشيب من الضيم
شمس : ابوي معانيه تخبل رغم الآذية والتعب
كمت لغرفتي فتحت الموبايل شفت رسالة جايتني
عايد : تمردي على گلبي تمردي
شمس : كتبت. كل شي صار منك
دزيتها وانتضرت شوية فتحها
عايد : ما كفاج عاتة باب گلبي عت
شمس : لا ما كفاني ولو بأيدي اسوي اكثر
عايد : ادري الكلام التگوله مو من گلبها بس لازم اتحملها
كتبت. عنيفة
شمس : هههههه ابتسمت ولا يبطل سوالفه
بعدك ما شايف شي
عايد : شوفيني عنفج
شمس : عفته ما رديت
شوية ودز رسالة ادري بي ما يصبر
عايد : ج ب ا ن ة
شمس : استفزني كلشش
عايد : شافتها وما ردت
شيصير لو نمشي سوة
والناس تعرفنه
احنه حبيبين وخلص
والحب ثالثنة
نحلم مثل منريد ونخلي ايد بأيد
يكفي حبيبي بعد نخفي مشاعرنة
شيصير لو نبتدي ونعلن محبتنة
هم العواذل ترة يطفون شمعتنة
ادندل بالأغنية وافكر بيها
كركان : ماعجبني الاغنيه
عايد : شفت كركان ما عاجبة الوضع
شبيك
كركان : انته الشبيك
عايد : شبية
كركان : تقربت يمه واباوع بوجهة
عايد : حبي كركان تراني مو حبيبتك لا تكوم تتخيل
كركان : انجب يخوي اريد احجيلك شغلة
عايد : غرد حب
كركان : انه احب بنية بس شنوو خايف
عايد : طيح حظك خايف من شنو
كركان : عاايد عوف الشقة وابو فاضل مشلوع گلبي احبهة بس خايف اكول والنوب افلس من كل شي
عايد : وين اهلها وشلون عرفتة
كركان : بت خالتي
عايد : اي حلو دامها قريبة عليك وبنية خالتك
كركان : عايد مو انته ما فاهم شي
انه عندي بس هالخالة واذا رحت وصارحت الفرخة يجوز ما تقبل وتروح تكول لأمها واذا كالت لامها اكيد ما ترضة وبالتالي راح يصير خراب
عايد : خرررب بشرفك اكو عقل براسك رسمت فلم براسك وانته اصلا بعدك ما مسولف شي
زين افرض الله سهل امرك والبنت وافقت وطلعت تحبك
ومو بعيد هذا الشي صح لولا
كركان : مو بعيد بس هم اكو سالفة عوجة
عايد : شنية
كركان : ابوها عنده استعداد يشوف دم ضروسة ولا يشوفني
عايد : حييل شكد فكر انت
كركان : هوه المعرقل الامور كلها ابوها
عايد : باوعتله صفح وانفتگت ضحك
كركان : شبيك تخبلت
عايد : عائلة كلها تحب صدك جذب
كركان : ههههههه استغفر الله.......
...
يتبع
نيران ابو ذيبة
نبأ السلطان