نيران أبو ذيبه

بارت 35

نيران ابو ذيبة
بقلم ": نبأ السلطان
الحلقه ...٣٥
غضب :
يالودعتني بألم
اتمنى موتك وهم
بس الوهم شيفيد
ايامي بعدك عدد
وبروحي جرحك شغب
ما يشفة وانت بعيد
يالودعتني ورحت
غيرك حلم ما شفت
للموت اعد ايام
ودعني اغلى البشر.
لأخر محطة سفر
واني بگلب مجروح
اردد بالكلمات ونار واجة بية
سمعت اذان الغروب إذن كمت توضيت وبديت اصلي
حياة : يمة عايد ما تدك على غضب شو اليوم ما خابرني
عايد : دكيت على غضب اتصل ما يجاوب
استغفر الله هذا ما يبطل سوالفه
غضب : موبايلي يدك واني اصلي
خلصت صلاة وشفته عايد يتصل بية
عايد : يمعووود وينك
غضب : ابن الرگعة شبيك
عايد : اخلاقك هاي حبيبي جنت تصلي
غضب : اي
حياة : شو انطيناه
عايد : ههههه انطيته الها وكامت تحجي وياه
غضب : حياتي انتي
حياة : شلونك يبو طول الحلو
غضب : هسة صرت زين
حياة : يا يمة فدوة اغديلك شوكت تنزل
غضب : ما اطول ان شاء الله بعد حيلي
حياة : يا يمة فدوة لحيلك اندار
معصومة : امي تحجي وي غضب وعيونها تدمع
تحاول ما تخلي يسمعها
غضب : حبيبتي يمة ليش تبجين
حياة : ههههه لا يمة ما ابجي
غضب : تجذبين على وليدج
معصومة : تحاول تجذب علي بس كشفها
ما تحملت منضرها ورحت للغرفة ابجي
غضب : ردت اسوي نزلتي مفاجئة الها بس كامت تبجي وتجبرني احجي
حياة : يمة خوب ما تطول
غضب : باجر انزل
حياة : ادري تجذب علية
غضب : لا وعيونج باجر انزل وهااا مشتهي دولمة
حياة : يمة انته بس اوصل بسلامة وتشلع عيوني
غضب : نهيت الاتصال منها ورحت اشوف شغلي
قمر : ووللجج عصيمة غضب باجر ينزل
معصومة : جذااابة
قمر : والله العظيم
معصومة : غضب صار هواي ما نازل وكلنة ننتضره باحر من الجمر
قمر : باجر جمعة وعطلة
معصومة : صار العشا وتعشينه وبديت انضف البيت وغرفة غضب
وطلعتها تلمع
قمر : ها الفنبيلية
معصومة : شني فنبيلية
قمر : هاي الخدامة بالبيوت
معصومة : يااا امداج يالثولة اسمها فلبينية
قمر : اهم شي الفكرة قلبي
معصومة : دنجبي يلا يالعجوزية
قمر : والله خية شسويلج ما بية حيل
معصومة : اني اعلمج يجي غضب لو ما يجي واخلي يسويلج الحيل
قمر : يااااعع لا والعباس شتريدين اسوي خلي هدوم علية
معصومة : من سمعت اكول لغضب كمزت.
خوش يلا اغسلي الهدوم
راحت قمر من يمي وكعدت احس ضهري انكطم تمددت بفراشي ما حسيت بروحي غفيت
قمر : رحت اغسل ملابس وكملت بساع
اجيت لكيتها نايمة
يبوووو عليج شنو نمتي من وكت
معصومة : اوووف كافي
قمر : عفتها وتمددت بفراشي
معصومة : صار الصبح وفزيت على صوت امي تكعد بيه
باوعت للساعة ب8 يبوووو يمة شسالفة مكعدتني هسة ابيع كيمر مثلا
حياة : كومي يمة اخوج اجه وراح يوصل
معصومة : كمزت من فراشي وكعدت قمر اووف نومها ثكيل
قمر : يسولفن يم راسي وكعدتني معصومة
رحت اغسل وجهي وشفت المطبخ متروس علاليك مسواگ
يبووووو شيعزلهن هسة
جاي اغسل وجهي ودخل عايد هم بايدة علاليگ
عايد : ها العروس نايمة للضهاري
قمر : بلكي اعرس واخلص منكم
عايد : هههههه ولج بطول اضفري وتريدين تعرسين
قمر : تخوصرت. والله عيوني انه جبيرة بس شسوي ما اكبر انته عملاق
عايد : انجبي وعزلي هاي وهاج هاي علاكة بيها معلاگ خلي معصومة تسويها ريوك
قمر : وشمعنى معصومة
عايد : عبنها عدها نفسية طيبة مو مثلج
قمر : لزمت الكلاص هفيتة بي وشردت
عايد : بللتني بالماي وشرت
اننننييي اعلمج الگطمة
رحت لكركان لكيته نايم دفرته
كركان : خرربببب شبيك مجلوب
عايد : الساعة 8 ونص ونايم زلمة راس باتري
كركان : هااا نسيت خالتك منتضرتني
عايد : كوم اثول والله مو صوجك
كركان : هسة شنو استفاديت من كعدتني
عايد : اكعد ولك شعندك نايم عجيب شلون تنام
كركان : شلون يعني اغمض هاي عيني وهاي الثانية هم وانام سهلة
عايد : غثيث امك بيش متنسة بيك ببول بعير
كركان : بول البعير بي فايدة اكثر منك اقلها يعالجون بي الشعر
انته شنو فايدتك بهالحياة
عايد : اوكل بيك راسك جنه تنور طين
حياة : يااا يمة شجاكم من الصبح اذكروا الله
عايد : بشرفج اكو بشر لهسة نايم
بس انته حقك بس راسك ينراد تنامله يومين حتى تشبع
حياة : ياااا الف عافية يمة شعدنه وراه فروخه يبجون
عايد : والله ما زهگهم وطلع عيونهم غيرج
عباس : شبيك ولك جنك عيوز عرب
عايد : انجب ولك
جلال : عوفة يخوي هذا جنه مطلگة ماخذين فروخها منهة
عباس : وعلي شبيك حسك يلعلع
بأثناء ما نحجي سمعنة صوت هورن سيارة بالباب
كركان : ولي شوف ياهو الاجه
عباس : كعدت ولزمت رجلية
اهخخخخ يمة متت
كركان : خرببب ولك كوم سربوت تسوي نفسك مشلول
عباس : ما اكوم لو تذبحني
جلال : يمعوودين انه رايح
كركان : والعباس اعلگك بالمروحة اذا تحركت
جلال : خفت هذا خبل ويسويها وانه ضعيف يلزمني بايد وحده وياكلني
كركان : كووومم لكك
عباس : لزمني من ياختي وشالني ليفوك وركعني بالكاع
احنه نتعارك والباب صار يندك قوي
رحت فتحته شفت غضب
غضب : طلعت من الصبح وتوجهت للناصرية
احس روحي ترفرف
دخلت الديرة وشارع اليوجهني لبيتنه وشفت براس الشارع صورة حسن
وگفت السيارة وعندي بطل ماي نزلت غسلتها
ومسحتها
يربي انه عايز قهر فوك ما ماخذ نص حيلي واشوف صورته گبالي
صعدت السيارة وتوجهت للبيت
وصلت ونزلت ادك بالباب
اسمع صوتهم يصيحون بس محد يفتح الباب
وصوت كركان يلعلع
ضليت ادكه حيل لا اله الا الله اتخبل من وكفة الباب
انفتح الباب ولكيت عباس وجهة احمر
عباس : سالمته وحضنته
مشتاقلك حجي
غضب : ههههه هالكد الشيب مكبرني
عباس : هههههه
غضب : شبيكم صوتكم عالي
عباس : ابو صماخ صاير خفيف
كركان : عبيس وروح ابوي اجيك اسويك لگمة
غضب : ههههه هذا متوحش صاير
كركان : حضنته وبسته برگبته
غضب : گرصته حيل من بطنه اثگل شوية
كركان : اووف يعني ميجوز ابوسك 😉
غضب : هههههه
اجيت لحبوبتي وامي سلمت عليهن وحضنتهن
مر يومنه حلو باللمة والسالفة والضحكة
امي وحبوبتي بدن يطلعن عن طور الحزن
شوية شوية
صار الليل ورحت لغرفتي انام
تمددت على الجرباية واحس روحي تنكث تعب
ما احس الا والباب مدفور
عايد : غضببب نايم
غضب : شبيك حيوان
عايد : غضب شمس شمس مدري شبيها
غضب : گمت ولزمته شبيكك ولك احجي
عايد : ما ادري بس ادك عليها مغلق وادك على عمي امير ما يجاوب رحت لبيتهم مفتوح وما موجودين
اكيد صاير بيها شي
غضب : استغفر الله يا الهي
اتصلت على امير ما جاوب اتصلت مرة ثانية جاوبني
امير : هلا غضب
غضب : شلونك شنو وين
امير : بالمستشفى
غضب : يا ساتر شبيكم
امير : شمس طاحت علينه
عايد : اسمع غضب يحجي واني اطحن بروحي
صعدنه بسيارتي ورحنه وراهم
غضب : على كيفك ما بيها شي
عايد : شنني ما بيها شي الفرخة راح تموت
وصلنه للمستشفى ونزلت اركض للطوارئ
غضب : شفت عمي امير كاعد وايدة على خده
امير : هلا حياهم
غضب : خيركم خوفتني بيكم شي
امير : شمس كامت تتقيء ووكعت علينه
وهسة كالوا عدها تسمم
عايد : وشسوولها هسة وين هية
امير : لا هسة زينه وهناك بالقاعة يمها امها
عايد : دخلنه عليهم شفتها وگلبي احسه يريد يطلع
نايمة ووجها اصفر وشاديلها مغذي
بقينه ساعتين وطلعناها للبيت
شمس : شفت عايد وغضب كاعدين وعايد عينه علية
غضب : الحمدلله على السلامة شموس
شمس : الله يسلمك
كل ما اباوع لعايد اشوفة عيونه علية
فضحننه هالخبل
كاعدين يسولفون وهوه يباوع علية ويسوي حركات بشفايفة ويعضعض بيهن ويأشر بأيدة بمعنى اني اعلمج
شوية وطلعونة للبيت
وصلنه للبيت ولكيته متصل علية
عايد : ما تجاوبين ام حلك
شمس : ما اسمحلك شنو ام حلك مو بعينك
عايد : بلبة عيني وروحي وعقلي وكل شي بية
شمس : امممم
عايد : مووو هسة طلعتي من الموت ليش تخليني اجي اموتج
شمس : يااا شبيك
عايد : لا تكولين هالحجاية
شمس : شنية
عايد : امممم
شمس : شبيها الأمممم
عايد : راح انعل اهل اهلي والعباس
شمس : تمام
سكتت وما حجيت
عايد : شمسي
شمس : هاا
عايد : احبج والخضر
شمس : اي
عايد : اي. يلا اني اروح محتاجة شي
شمس : لا وين تريد
عايد : نعسان واريد انام
شمس : شفته ضاج واني متعمدة اضوجه
لا ابقة شوية
عايد : فرحت من حجت هيج بس خايف عليها وهية مريضة
عايد : لا نامي انتي تعبانه
شمس : اممم شنو تخاف علية
عايد : روحي بيج شنو اخاف عليج
شمس : خلص جا ابقة
ضلينه نسولف وكل شوية يگلي احبج واحس روحي صحت
عايد : باوعت للساعة ب4
اووفففف باوع الساعة بيش
شمس : بيش
عايد : ولج بالاربعة الفجر هسة
شمس : الوكت صاير طيارة
عايد : بس وياج
شمس : هههه اي
ما اعرف شنو ارد على كلامه
عايد : نعست وبدة صوتها يحلى
خرب عمي ولكم الحكوني
شمس : ياا شبيك
عايد : ما بية شي
بدت تنام وكامت تهذري تسولف وغافية
شمس : نعست بس ما اريد اعوفه مشتاقتله
عايد : شوشتي
شمس : همم
عايد : تحبيني
شمس : اي
عايد : شنو اي
شمس : احبك
عايد : احس روحي طفرت من مكانها
انتي صاحية بوية
شمس : لا رد
عايد : شممس
عرفتها نامت خربب حجتها ونامت
شمس : ما اعرف شحجي بعدين سلمتها ونمت
عايد : ههههه ابوسة هالنايم
ما حسيت بروحي غفيت
نسرين : كعدت بالستة اباوع محد بالبيت بس اني
رحت للديوان كل شي ما بي
معقولة لو اني بحلم يعني ما راح انضف الخيسة مثل كل مرة
غسلت وجهي وشغلت دعاء
وبديت اسوي ريوك الي
كالعادة وحدي اتريك. سويت شعري ضفيرة كوه سويته طولان حيل
وباوعت على وجهي بالمراية
رغم التعب بس صايرة حلوة
اني بشرتي بيضة وصافية
استوت المخلمة والجاي وكعدت اكل
اكلت شوية لان سمنانة او بالأحرى مالي خلك اكل
مشيت ايامنه وكل يوم بسالفة جديدة
معصومة : اليوم احد ودوام صباحي احب الدوام الصباحي بس الثولة قمر تشلع الگلب للازم اكعدها بالخمسة حتى علما تصير الساعة بال7 الا تبدي تصحصح
كعدت بالخمسة لكيت امي كاعدة تصلي
سبحت وبدلت ملابس الدوام وسويت الجدول صارت الساعة بالستة
كعدت قمر
قمر : هااا هااا ياهو المات
معصومة : هههههه كوومي يلا مو عندج دوام الساعة بالسبعة ونص
قمر : رجعت غفيت
اي شوية شوية
معصومة : يرربي راح تخبلني
عفتها ورحت اتريك لكيت غضب كاعد
غضب : شلونها عصمتي
معصومة : بسته بخده وصابحته
غضب : شلونجن بالمدرسة
معصومة : قميرة دوم تتأخر ومتعبتني وصايرة كاسلة
غضب : هههههه مسربته هالفرخة
قمر : ياهية هاي المسربته
غضب : وحده هتلية ما تكعد للدوام
قمر : اجيت ضربته بوكس ببطنه
اكييد اني مووو تقصدني
غضب : ههههههه اي انتي
قمر : الشايب
غضب : شايب ولا كسولي
قمر : والعباااسس ابسطكم كافي
يتبع