: چنت كلش خجلانه من عمر بس درت وجهي شفت نور واگعة
نور : دخلنا القاعه چانت علاقتي محدوده كلش وي طلاب قاعتي مجرد سلام وگعدت دخل دكتور جديد اول مره اشوفه عرفنه عن نفسه
: السلام عليكم اني استاذكم هذا الكورس لمادة........ اسمي ليث
: ردينه بصوت واحد اهلا وسهلا استاذ
چان عمره زغير مقارب النا چنت اسمع البنات يتغزلن بيه اني اظحك بداخلي طبعا هو وسيم طويل جسمه متناسق صاحب بشره حنطاوية وقيافة جميلة شعرة اسود وملامحه حاده وعيونه مسحوبه وروموش كثيفه والي ميزه اكثر هو من مدينة العماره
بدت المحاضرة فهمنه استاذ ليث على المادة وشنو راح ندرس بهذا الكورس اثناء كلامة حسيت بدوخه مو طبيعيه رفعت ايدي هو جاوب
: تفضلي
:: استاذ اگدر اطلع .رفعلي حاجبه وجاوب
: لازم ما عجبتچ المحاضرة
:: العفو استاذ بس مضطره اطلع
: تفضلي
:: طلعت بوجهي اريد اتنفس كانو ماكو هوه وصلت للحديقه وبعد ما حسيت غير اني بالمستشفى
: نرفزتني من گالت اريد اطلع خصوصا هاي اول محاضرة الي وياهم بس عجبني جوابها واعتذاره سمحت الها تطلع. ورها طلعت لان خلصت المحاضرة اصلا واني امشي لمحتها تمشي بعدم توازن صرت قريب عليه ردت اسئلها اذا محتاجه شي بس ما شفته الا طاحت من طولها ركضت الها لزمت راسه عن لا يطخ بالگاع شفت الطلاب التمو وراها بدقيقه اجت ابنيه تصرخ خبصتني اخر شي صحت بيها كافي مو خبصتينه
هدى : من شفت نور واگعه كلش خفت عليه بدون شعور ركضت وظليت اصرخ لحد ما صاح بيه واحد لازم راسه واني بعدني مستمره لحد ما شالنها البنات وراح هذا الچان كاظ راسها جاب سياره صعدناها وصعدت يمها وبعدني ابچي اجه عمر ويانه
ليث : سكتت هذي الي لمت الناس عليه ورحت جبت سيارتي صعدوه ليوره واجه ولد ويانه باوعت عليها بالمرايه بعدهي فاقده وهذي بس تبچي اليمه خبلتني
وصلنا للمستشفى
:: الله يخليكم على السريع دكتور حاله خطره
اجو الدكاتره يركضون چيكو ظغط والسكر لگوهن هابطات سألو صديقته اذا عدها سكر او ظغط
هدى : بعد ما وصلنا ودخلونا للغرفه قاسو الظغط والسكر لگوهن هابطات سئلوني اذا عدها امراض مزمنه من ظغط او سكر وغيرهن كتلهم لا بس دوم تعاني من هبوط بالظغط
:: اخوتي لو متأخرين دقايق جان داخله بغيبوبه لازم هذا العلاج تجيبو من برا
: اخذت الوصفه جاي امشي وسحله من يدي باوعت وحجيت .. ها سالمين تره نور ما تقبل احد يدفع الها دينار واحد واني من ادفع راح تنطيهن الي
: مو هي بكيفج الفاهيه
: تره انت حالك حالنا هم قسم
:: ما تنچبين
قاطعنه بصوته المرعب ... اي عيني شوكت تكملون حديثكم من تموت البنيه جيبو الوصفه سحبها من ايدي وخلانا اثنينه صافنين
ليث: كلش نرفزوني هذوله الزوج انوب واگفين والبت فاقده وهم يتعاركون منو يدفع اخذته من البنيه ورحت صرفت العلاج رجعت انطيته للممرضه والي خبصتني تتماوع
: انت زوجه
:: لا
: اي همزين
:: عفوا
: لا هيج بس شنو تقربلك
:: تره مو تحقيق كملي شغلچ
باوعتلي من وره خشمه عود ما عاجبه
حجيت بگلبي شوف الحض اليوم مبينه من الصبح من خابرتني سهام الططوه ظحكت بگلبي ورها سمعت ونين التفتت شفته نايمه وتون شكله جان ناعم خشم زغير وحواجب طبيعيات مرتبات مكياج ما مبالغ بيه شي بسيط مطيه انوثه وزايدها برائه رموش ثخان لونهن عسلي وشامة عدها جوه شفته چانت مثل النجمه الساطعه وسط ليل مظلم حلگه زغير مملي خدوده الي ميزاتها هواي بنات مارات عليه بس هيج نزاكه اول مره اشوفه والي عجبني بيها اكثر لابسه عباية راس صحاني من صفنتي صوت بنيه يمي
: ما گعدت
:: لكيت هاي بعدهي تبچي . رئسن ظحكت جاوبته
بعدچ تبچين شنو انتي تردين حجه علمود تبچين شو هاي گبل چيتت تحچي
: حقك ما تعرف هاي شلون گلبه طيب شلون حنونه علينه وشلون حبابه وشلون من نحتاج شي هي تركض النا هاي نور حبيبتي واختي وكلشي الي وكملت بچي
:: ظليت صافن هاي ذبتها على الصلي بس الفهمته من بچيه والحچي بانو نور اسم البنيه وهي حبابه
طب الولد الي اجه ويانه
عمر : ها ابو الشباب مشكور ما قصرت تعبنات تگدر ترجع تكمل محاضراتك بس ما عرفتنه عليك
ليث : باوعتله هذا اخذ ميانه وابو الشباب وكذا خلي التلاحگ روحي واخلي هيبه الي شويه وعرفهم
اني دكتور ليث استاذ مادة ..... ادرس نور
شفت اثنهم اصفرو وسكتو اردف الولد وهو يتعذر
عمر : العفو استاذ حسبالي طالب ويانه
:: ما صار شي بس تصحى زميلتكم ارجعكم اني
عمر: لا دكتور ما نريد نكلفك مشكور بس تصحى اخذهن للقسم
:: استغربت شنو قسم يعني هي محافظات . ما سئلة
بس جاوبته .. لا ما بقى شي شويه ونروح
: تمام دكتور
:: وره دقايق گعدت سئلها الدكتور چم سوال وكتب النا خروجية وصاها لازم تهتم بأكلها وتكثر فواكه
نور : بعد ما كعدت احس روحي رايحه وتعبانه شفت هدى يم راسي ما اعرف شجابه واني وين حجيت بالگوه اني وين
هدى : بالمستشفى يعمري تخربطتي وجبناج
نور : منو الي جابني
هدى : دكتور يدرسكم وعمر واني
نور : يا دكتور منهم
هدى : اسمه ليث
نور : ظليت صافنه هو مو عنده محاظره شجابه عليه شنو صار ما اعرف اجه الدكتور وكتب خروجيه وصاني واني بالي يم الدكتور شجابه عليه
:: الحمد لله على السلامه هاي هيج محاضرتي تغث
نور : جاوبته بصوت ناصي مابيه حيل احجي . لا دكتور بس اني تعبانه جنت من طريق وثاني يوم اجيت للدوام فهيچ صار
:: سلامتچ يابه يله اوصلكم
جاوبه عمر
: لا استاذ احنه ناخذ تكسي يوصل لبنات لقسمهم واني همين لا تصير عليك تعب. وفره
:: اصعدو يله بنات وخزرت عمر .هو سكت ما حچه
نور : شفت شلون خزر عمر وهذاك نبلع السانه متت ظحك بگلبي عليه رجعنه وصلنه كلمن لمكانه
ومر اليوم لا يخلو من قلق امال وهدى ونوسه عليه
مرت الايام واستاذ ليث صار متقلب ساعه يعاملني زين وساعه يعيط بيه ما مفهوم شنو فلمه اني متجاهله الوظع ودوم اسكت اما هدى وعمر طورت علاقتهم وخطبه ورفظو اهلها بس بقى مصر لحد ما قبلو بيه خطبه اربع مراة وجانت احلا حفله نسويه بالقسم امال حبيبتي انخطبت كذلك الابن عمها الي حبها من زغره بس هي جانت رافضه الموظوع لحد ما قرب تخرجه يله وافقت وعلى گولته مالگه احلا منه وجنه نظحك عليه دوم
نورس اوف يانورس هذي الكائن اللطيف المايع الي مدري منين طينته نورس قصته مختلفه امها من عائلة مسيحية وچانت الوحيده لاهلها يعيشون بغداد بيوم من الايام چانو مسافرين وبالطريق صار حادث فماتت جدت نورس وبقى جدها معاق اثر الحادث وظلت تعتني بيه امها الي اسمها يارا مرت الايام ويارا معتنه بابوها والجيران ماقصرو وياهم فبيوم من الايام گعدت يارا الصبح كالعاده تستفقد ابوها دخلت لگته نايم ندهته حاولت يگعد ما گعد صارت بيه حالة من الانهيار التمو الجيران على اثر الصريخ قامو بواجبه من مراسيم الدفن بالديانه المسيحية ظلت يارا عايشة لوحدهي لان چانو عمامها بالخارج كلهم ومحد سئل عنها بيوم چانت خايفه كلش وحدهي بالبيت وعمرها ما تجاوز ل١٨سنه راحت لجيرانهم دكت الباب طلع ابنهم الچبير انصدم من المنظر الي كدامه بنت بيضه تشع وعيون كانهن مرج اخضر اللون وشعر طويل لحد نهاية ظهرها وترجف وتبچي سئلها منو انتي جاوبته اني يارا اريد خاله ام عدنان جاوبه تفظلي طبت وهي ترجف شافت هذيچ المرأه الي تزينه الشيله او الفوطه البيضه والسبحه بيدها وجها النوراني داىم الابتسامه راحت ركض لحضنها وبچت بصوت عالي وهي تگلها خاله عافوني واخاف وحدي ما عندي احد والرب اخاف جاوبتها ام عدنان بحنيه يوم تعالي عيشي يمي ما عندي احد بس عدنان ودوم بالدوام
عدنان الي چان صافن على هذا المنظر الحلو
يارا : خاله اخاف عيب من الناس
ام عدنان: لا بنتي
يارا لعد ابات اليوم يمچ اخاف اروح وحدي
ام عدنان : اي يوم تعالي
مرت الايام ويارا صارت الظحكه بيت ام عدنان وهي الي تقوم بكلشي من طبخ وتنظيف وترجع لبيتهم بس تنظفن وتطلع
عدنان بده يحبه ويتعلق بيه وهي ما تدري بيوم چانو جاين خطابه عليها بس هو انتفظ وما قبل وتعارك وطلع رجع نص ليل
يارا : يوم ليش هيج سوه ليش ما قبل اني قابله وما انكر فظلكم بس ليوين اني ابقى عاله عليكم ليش يوم رفض وفشلني گدام الناس
ام عدنان : بنيتي مااعرف شگلچ امسحيها بوجهي من يجي اتفاهم وياها
يارا : ماشي يوم
ظليت گاعده افكر بحياتي وليوين ابقى هيج كلت ماكو غيرها انتظره وحاچي وره ساعه سمعت طگت مفتاح البيت عرفته اجه
عدنان : بعد ما اجت يارا حبيته كلش وتعلقت بيها بيوم الي اجو خطابه حسيت راح افقده ظجت وفرغت حركتي بيها وبالناس الي اجو وتعاركت وياهم و طلعت من البيت ما رجعت الا ب١٢ تفاجئة شفتها كاعده وعيونها مورمه هنا حسيت براغي كلبي نفتحن حجيت اني بنرفزه عكس الي بداخلي من حب وهيام
: شعدچ گاعده
:: انت ليش رفضت الناس لو تردني ابقى هنا علمود من تتزوج اخدم مرتك ها
: صدمتني بتفكيرها .. انت ليش هيچ تفكرين
:: ماكو غير مبرر
: لا اكو واكو هواي مبررات بس انتي غبيه او تتغابين
: بچيت بحرگه انت ليش هيج تعاملني فهمني شنو مبررك
:: تقربت منها وبدون اي مقدمات حظنته لدرجة حسيتها دخلت بظلوعي وهي بچت بقوة عبالك فرصه اجتها
جاوبتها بصوت يرجف
: احبچ يارا احبچ ما اكدر اشوفچ ملك غيري
:: سكتت من البچي بعدت والصدمة بوجها جاوبت بس انت غير ديانه
: اعرف بس احبچ واريد اتزوجچ وابقي على ديانتچ ما اجبرچ تغيرها
:: اريد افكر
: عافتني وراحت مرت الايام وما رجعت جواب بيوم چنت راجع بليل وسمعتها تحچي وي امي تگله يوم يصير اصير مسلمه الله ما يعاقبني
ام عدنان : لا يوم من تابه واصلح والانبياء كلهم دينهم الاسلام بس شرائعهم تختلف
يارا : يعني شنو اني مسلمه هي
ام عدنان : كلنا مسلمين بس كل نبي نزلت عليه شريعه والمسيح شريعته الانجيل
يارا : يوم يصير اصلي مثلكم
ام عدنان : اي يوم
يارا : يوم اني راح اتحجب واصوم وصلي مثلكم اني احبكم واحب دينكم حلو بيه هواي اشياء حلوه
ام عدنان : مبروك يمه والله يقبل منج التوبه ويجازيچ كل خير
عدنان :جانت صدك فرحه الي بعد ما حبيبتي اسلمة
وره فتره شفت حبيبتي تتزين بالحجاب وتصير احلا بيوم من الايام گلت لامي اريد اتزوجها وحاچته امي وافقت وصارت احلا فرحه بالنسبه الي والحمد لله الله رزقنه بولد اثنين وبنات اثنين ولد محمد واحمد وبنات نورس وايناس
هذي جانت قصت عاىلة نورس
نرجع للواقع
بيوم من الايام چنت امشي ما حسيت الا شخص يمشي بصفي وحجه
:: شوكت تبطلين سالفت الوگفه وي صخام عمر
نور : عفواا
انصدمت بالي شفته ومنو الي حاچاني
مشهد من المستقبل
:اممم بديتي تتعلمين خوش قناص صرتي
:: بفضلت سيد
: اااخ فدوه يروحلج السيد
: بخجل اترخص اني
:: روحي يابه روحي
مشهد ثاني
ههههههههه تعرف اني صح احبك بس ما احبك
:شبيچ ولچ سكرانه شنو
::اشششششش لا يسمعون ههههههههههههههه تعال اسولفلك نكته
: اصحي شبيچ ليله
:: شوف هاي مره واحد عيونه خظر كض وشرهن ههههههههههههههههههههه اخ كلبي يحكني
:هههههه ولچ شبيچ كبل شويه ما بيچ شي
:: اااخ راسي حبوبك مزينه ابد
: منين اخذتي
:: مناااك حبايه بيه خط بنص جنها ط....
: اششش خزيتينه
VOUS LISEZ
نور وسط الظلمات
Roman d'amourبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
