نور وسط الظلمات

البارت ١٢

نور : عزاا شبيك ..  اندك الباب فتحته شفت حسين كله تراب ودم بملابسه بعدني ما حاجيه طاح عليه .... حسين شبيك فهمني اصيح للولد .. خله راسه بركبتي وحظني حيل وبدت اكتافه تهتز ردت بس اعرف شبي ما ادري وراه ظل يبجي بصوت عالي ويشدد على حظني ويحجي حجي مخربط
حسين : من شفته نهاريت جنت محتاج شخص اشكيله حالي وتعبي وشلون ربعي اغلبهم الي استشهد والي اطرافه نبترت والي صوت ونينه من الوجع يكسر الكلب كل الي سويته حظنته وطلقت سراح دموعي ومشاعري .هي ظلت تسئلني تريد تعرف شبيه بس ما اكدر احجي شي العبره جانت بلعومي كل الي اكدر اسوي ابجي واحجي وي روحي حتى يرتاح كلبي شويه ... ماتو ليش ياوطن هيج تحركهم بعدهم زغار اليوم هيثم خله اطفاله وعمران بعد ما يكدر يمشي على رجليه تبترن وعلاوي فقد عينه ليش ياوطن تحركنه واحد وره الثاني نور بعد ما تحمل تعبت كظو ربعي كظو كلبي شيحمل خلصت عشرتهم بفعل نذل بفعل شخص من خارج وطني وشخص متخاذل من وطني ااااخ ياكلبي  ااااخ يا عراقي ليوين تبقى تنزف وتهدي ولدك للموت تعبت والله تعبت نور بيدي لميته وذر لحم ما كدرت ابجي كدام اخو كلت اصبره واني منهار كلت اجبر اخوه واني مكسور كلت اقنعه راح للجنه وشهيد واني مدمر من الحزن البارحه عبود واليوم هيثم وباجر الله يعلم منو ياريت اني بدالهم ياريت اني .. اخخ كلبي
نور : ظل يحجي ويشهك بالبجي لحد ما ثكل عليه وكعد بالكاع وبعد حاظني ويبجي بصوت عالي واني ابجي وياه موقف صعب صعب كلش تشوف شخص غريب كدامك يموت مو شخص ماكل وشارب وظاحك ومسولف وياه اردفت اصبره .... سيد ربك هيج كاتب يردهم بالجنه لان ارواحهم طاهره ونظيفه
:: واني شوكت الحكهم ليش  اتحمل اشوفهم كدامي يموتون
: علمود يكون الك جزاء اظعاف اصبر سيد واحمد الله ما تعرف شنو حكمته ... وخرت راسه من حظني ومسحت دموعه واردفت ... لا تبجي على الربح الاخره وباع الدنيا لا تبجي على الحمه عرضه وما باعه لا تبجي على الزين الكاع بدمه ورفض الذله
:: ربي صبرك ربي .. نور اني ما اخاف على روحي والله اتمنى الموت اليوم كبل باجر بس اني ما تحمل اشوفهم كدامي يروحون ويعوفون عوائلهم والله تجي ببالي صور امهاتهم وهي تصرخ على فراكهم
: الله كاتب يكونون شفعاء لاهلهم ... سكت بعد ما حجه بس رجع راسه لحظني .. ظليت امرر ايدي على شعره وامسح بوجه واقره ايات عسى يهداء  لحد ما حسيت اطرافه رتخت وهو على كعدته وراسه على صدري  ونفسه انتظم عرفت نام ما حبيت اوخر ويفز ظليت على كعدتي وهو نايم لحد ما صارت نص ليل هو تحرك شويه حجيت اني بهدوء ... حسين كاعد
:: اممم
: شلون صرت
: :رفعت راسي لكيتها على كعدتها واني راسي بحظنه ... بعدج كاعده من العصر
: اي جنت نايم ما حبيت اكعدك
:: اسف تعبتج خوما تاذيتي من الكعده
: لا عادي المهم ارتاحيت
:: اااه .. تحسرت واردفت . ماكو راحه بالحرب
: تكظي دوام الحال من المحال
:: اي .. انتي حتى ما اكلتي مو ولا صلاه
: اي
:: هس اجيبلج اكل بين ما تصلين واني اصلي
: حسين لا تعب روحك ما اريد اكل
:: اششش . اكلي شنو ذنبج تبقين جوعانه
: هزيت راسي برظى .. طلع واني كمت صليت وغيرت ملابسي . وراه هو جاب الاكل وكعدت اكل وحاولت اخلي ياكل وياي ما قبل بس من عفت الاكل تدنه وكام ياكل وياي شويه ... شلت لخاشوكه وقربتها لحلكه
: ما اريد والله
:: لخاطري. ترجع ايدي ؟
: لا .... اكلت من ايده ظلت توكل بيه حسيته امي شلون خايفه عليه وتوكلني وشلون تريد بس تغير عليه جو . ... يله اكوم اني انتي نامي ارتاحي
:: ماشي بس ديربالك على روحك
: هزيت راسي وطلعت للطبابه كالعاده مر اسبوعين على وظعنه اني تقريبا رجعت لوظعيتي والفضل لجعفر ونور جعفر يتشاقه ونور مهتمه بامري وهذا حسسني براحه نوعا ما .هي تتصل على اهلها من جهازي ما كطعت تواصل وياهم ..جنت كاعد وردت جهازي مديت ايدي بجيبي ما لكيته
حسين : اوو يمكن نسيته يم نور
جعفر : شبيك تدرم وي روحك
حسين : ماكو شي بس جهازي اروح اجيبه واجي
جعفر : روح اني انتظرك هنا
حسين : رحت اجيب جهازي سمعتها تحجي والجهاز صوته عالي من لباب ينسمع طبيت بدون ما ادك لباب لكيتها تمشط مبين هستوها سبحانه ولابسه كيمونه وشورت الي داىما تلبسهن جو ملابسه ظليت صافن على شكلها جان كلش حلوو. هي باوعتلي وشهكت سمعت التلفون مره تحجي
: ها يوم شبيج
حسين : اشرت الها تسكت وتقدمت عليها
: لا يوم ماكو شي اي كملي حجي
حسين : ظلت تحجي وي امها اني وصلت يمها هي اخذت التلفون وطفت السماعه وتباوعلي فاتحه عيونه وتخزر بيه علمود اطلع اني بتسمت لان هاي فرصه ما تكدر تحجي لان امها تسولف وياها تقدمت الها لحد ما لزكت بالحايط الوراها حطيت حلكي باذنها الثانيه وشاورتها
: لا تطفين التلفون ابقي سولفي وي امج
..هزت راسه وكملت حجي واني خليت راسي بين شعرها وركبتها وتنفس براحه هي كامت تعتعت بالحجي مبين عليها توترت
:: يووومه شسمه ها نسيت اريد اكلج عليمن
لا مابيه شي بس يمه شويه واحاجيج
حسين : من كالت هيج كلت خلصت راح كبل تدفرني كالعاده استغليت الوكت وبستها من ركبتها وشميتها حيل . هي طفت التلفون وهجمت
:: انت ما تستحي تبقى هيج ما تشوفني ما لابسه هدومي شلون تقتحم خصوصيتي بس صوجي اني وحتى تلفونك ما اريده
حسين : حجت هذني ودفعتني .. كبل وبدون سابق انذار لزمت اديها اثنينهم وثبتتهن بالحايط وحجيت .. حلالي مرتي حبيبتي ما تكدرين تمنعيني
:: انت تخبلت فلتني
: من شفتج تخبلت وبعدين شنو هلترافه والبياض
:: حسين احترم نفسك وخر عني لا اصرخ
: صرخي محد يدخل بين رجال ومرته .... وخليت راسي بركبتها وظليت ابوس بيها هي شويه هداىت وحجت بهمس
:: عفيه عوفني عليك الله
حسين بهمس
: ما اكدر اعوفج حابج والله احبج بس انتي ما تحسين
:: بس خلي البس شي فدوه
: لا اريدج هيج
:: حسين حباب عوفني
: ااممممم خليني بس شويه .. سكتت ظليت على وظعيتي دقايق وراها وخرت عنها هاي كبل طفرت لصايتها لبستها وظلت تدردم عليه
:: استغلالي ما تستحي شفتني بعيده عن اهلي وهيج تسوي والله بعد ما اخليك تطب لغرفتي ومن شوكت حبيتني اصلا انت ما تحبني بس رغبتك تجيبك اكرهك واكره كل زلمه
: صدمتني بحجيها اني ابد ما استغلها بس احبها صدك ظجت منها ومن طريقة حجيها .. اردفت .... اني مو استغلالي ولا فكرت برغبه وياج اني حبيتج من كلبي واول مره احب شفت بيج الشي الحلو وسط هاي الحرب شفت يمج الراحه وسط هذا التعب صح الوظع جبرنا على بعض بس حبيتج وحبيتج وصرت اشرد من المعركه الج اما اذا تكرهيني فشكرا الج واذا تطرديني من غرفتج فاني هنا علمود احميج بس للاسف انتي جازيتي كل هذا بالحجي المثل السم  وشوفي اكلج اني يجوز غلطان بتصرفي وياج بس من حبي هيج سويت بس وعد بعد ما تقرب ولا اوصل لغرفتج 
.. اخذت تلفوني وطلعت وطبكت الباب
نور : حجيت كل الي بكلبي بدون توقف بدون ما افكر ممكن اجرح مشاعره واذي بالحجي طلع وهو زعلان وطبك الباب حيل ..كعدت افكر بالي حجيته وظليت اسولف وي روحي .. اي هو غلطان شنو يقربلي ... بس اني هم غلطانه شلون هيج اسوي بيه هو يحميني ومتحملني وحتى من اتعارك وياها يظحك بوجهي .. اي بس هم ما يصير هيج يعاملني ... هو شعاملني غير بحب وحنان  ..جنت ادري بيه يحبني بس اغلس وجذب روحي بس حجيه اليوم بين الي شكد حابني  خلص اليوم وهو ما مبين حتى الاكل جعفر جابه وتالت الايام وهو ماكو مر اسبوع حسيت صدك بفراغ وشكد هو جان مساعدني على المكان وخنكته   كملت الاسبوع ونص صارت معركه قويه قررت اروح وياهم اتفق وي شيخ محمد بدون ما احد يدري واني زينه بالقناص . رحت بليل لجعفر
نور : جعفر جعفر
:: ها خويه شجابج
: اريد شيخ محمد
:: هس من يجي اكله يجيج ارجعي لمكانج خويه
: مو تنسه
:: لا اطمني روحي هس ودزه الج الشيخ بس يجي
نور : رجعت لمكاني ماكو ساعه وندك الباب لبست وطلعت لكيته شيخ محمد
شيخ محمد : ها بنيتي طالبتني
: شيخ طالبتك وما اريد تردني
:: تدللين يابه كولي
: شيخ اني اريد احارب وياكم
:: لا بويه ما يصير
: شيخ فدوه بداعت عزازك اني اعرف للقناص كلش زين وراح البس درع وملابس بحيث ما بين اني بنيه فدوه شيخ لا تردني ابوس ايدك .. دنكت على ايده اريد ابوسه
شيخ محمد : استغفر الله بنتي خلص اني راح اجيبلج المعدات وامر عليج الفجر
نور : شيخ طلب اخير .. ما اريد احد يدري بيه حتى حسين
:: بس ما يصير بنتي زوجج محسوب
: شيخ فدوه رحتلك بس هذا الطلب
:: صار بنتي
نور : راح شيخ محمد واني نمت كعدت الفجر بالاذان صليت ودعيت الله ينصرنه .. اندك الباب كمت شفته شيخ محمد انطاني المعدات وحجه
:: يابه اني بالباب من تكملين اطلعي
: صار شيخ .. لبست وغطيت وجهي زين ولبست اجفوف عن لا تبين اديه .. صح اني مو ذاك الطول بس بالبس طلعت لابئس بيه .. كملت طلعت اله
:: يالله  يله بويه نتوكل
نور : خليت اسلاحي ومشيت وياه... شيخ اني خرسه خاف الولد يسئلوك كلهم اخرس
شيخ محمد : هم نجذب وهم ظامين على حسين ما يجوز بنتي
:: شيخ مضطره ما اكدر اشوف الولد يوميه تنكتل واني عندي القدره واكعد
: بارك الله بيج بنيتي .
نور : صعدنه الهمرات وردفنا القواة وجنت ملازمه شيخ محمد اشتد القصف والرمي
:: قناص محتاجين يتسلل للبنايه
: اشرت اني اروح
شيخ محمد شافني كاله
:: قناص  انت روح
نور : هزيت راسي وطلعت البناية تمركزت وبديت اقنص بالدواعش ما خطيت ولا هدف جان انجاز بالنسبه الي اول مره بالحرب دوري ساعد هواي اجه النداء انزل نزلت وانطاني الاشاره شيخ محمد لبنايه ثانيه هم صعدت وصفيت شارع ثاني استمر اليوم هيج وجان النا التقدم بتوفيق الله وجهود الولد نزلت من البنايه رحت لشيخ محمد
:: عاشت ايدك وليدي
نور : هزيت راسي اله .التمو الولد عليه ويستفسرون منو اني اردف شيخ محمد
:: عوفو قناص  اخرس الولد ما يحجي
: جنت محرجه كلش ومدنكه راسي . شويه وسمعت صوته ...
:: كواك الله خويه فظلك ما ننساه
نور : هنا اني بلعت العافيه رفعت عيني اله صح ما طالع مني بس عيوني بس شفته رافعلي حاجب حجيت وي روحي ... ما عرفني مو اي اكيد ما عرفني
حسين : يله قناص ارجع ويانه
نور : باوعتله ... كبل غمزلي