نور وسط الظلمات

البارت ١٤

حسان : عود الهوه اكطعه بدربك
ليث : خوش  ... ظلينه سوالف وراها كتلهم اني اريد اطلع ... طلعت وغمزت لحسان يلحكني
حسان : غمزلي ليث لحكته
ليث : امشي وياي
حسان : وين
ليث : مالك غرض ... ركبت سيارتي ودست الها وره ساعه ونص نمشي بالطريق
حسان : اكلك خاف خاطفني تره اشاقه وياك مساعه مو قصدي اظوجك
ليث : ههههه اصبر وانت تعرف
حسان : مشه الوكت وهذا مدري وين ماخذني شويه وقريت ذي قار ترحب بيكم ...... ولك هاي شنو
ليث : جنت اسوق وطفرني من صاح .... وحمس شنو نكرصت
حسان : وين جايبني
ليث : الك الصافي
حسان : يمعود اذا دره ابوي اليوم نبات بالشارع وربك
ليث : اني اكله واذا اظطر الامر ناجر فندق والصبح نعتذر منه
حسان : انت المن جايبنه لهنا غير افتهم كايدني جني طلي وراك
ليث : انجب خلي نوصل.وتعرف. .... وصلنا لمنطقتهم ولهواهم جنت طاير من الفرح وصلت ونزلت اسئل ... السلام عليكم
: وعليكم السلام
:: خويه وين الكه شارع .....
: خويه تمشي كبل بهذا الشارع تعبر صيدلية ..... وراها افران هو يمهن
:: مشكور حبيبي
: بالخدمه
:: مشيت شويه وشفت الصيدليه مشيت شارعين شفت الافران وكفت اسئل
: السلام عليكم خويه هذا شارع .....
:: وعليكم السلام اي خويه
::  انت من هاي المنطقه
: اي امرني
:: ما يامر عليك ظالم ردت اسئل على بيت ابو محمد اسمه...... من عشيرة .....
: وصلت خويه هذا بابهم ثاني بيت
:: خويه اني ردت اسئل عنهم ردنه نخطب منهم
: هم والنعم منهم خوش ناس ومالهم صوت بالمنطقه  بس ما عدهم بنات بس وحده يمكن
:: اي خويه
: والبنيه ما تطلع حتى شكله ما نعرفه
:: مشكور خويه
: الف هلا
ليث : ركبت سيارتي ورجعت وهذا حسان يدردم
حسان : والله نشبع قنادر من ابوي هس
ليث : شخبصتنه زلم مشوربه تره مو زغار
حسان : قنع روحك يعرف كبار زغار هو
ليث : لا تخبصنه هس ساعه ونص نوصل
حسان : تره الساعه ب٩ يله وصلنا لهنا
ليث : لا طير فرحتي هس اعشيك على حسابي
حسان : وحلويات وعصير
ليث : تدلل
حسان : ما كتلي منو هذوله
ليث : ذوله ... وسولفتله على نور وشلون احبه وارد اخطبها السبوع الجاي  .. نزلته بمطعم وتعشينه
رجعنه للبيت وصلنا لكينه الباب مقفول
حسان : شكتلك ... ليلة نبات هنا .
ليث : اصبر هس ادك على سهام
حسان : دك عيني دك
ليث : دكيت على سهام ..... الو
سهام : هلا ليث
ليث : اكلج افتحيلنا لباب
سهام : والله ما يقبلون
ليث : شنو ما يقبلون
سهام : ابو حسان قفل الباب وبات يمنه اليوم وخله المفتاح جوه مخدته خاف واحد ياخذه
ليث : ليش
سهام : لان طلعتو وما كتوله وحيل تاخرتو
ليث : تره مو جهال احنه وهيج يسوي الحجيه والحجي وين
سهام :  نايمين الحجيه ما قبلت بس الحجي سكته
ليث : هس شلون
سهام : روح لبيت اهلي بات هناك
ليث : شكلهم بله مطرودين
يله يابه نامي احنه ندبر رواحتنه .. قفلت الاتصال والتفتت لكيت حسان  يدردم
اوووو لا تخبصنه
حسان : لا عليش اخبصك بس نام بالشارع حالنا حال الجلاب .
ليث : لا تزوده امشينه لفندق
حسان : طاح حظي لان دوم اطاوعك وامشي وراك
ليث : هههههه خايب  عوزك بس ملاية وتبجي
ههههههههههه
حسان : ليث يخطب وحسان يبات بالشارع صايره دايره
ليث : ههههههه  والله مصيبه ما خافو علينه ننحرف بهليل نطيح بايد ابن حرام
حسان : اوووي ينحرف الفوسيد هو انت منحرف من نخلقت اذكرك بسوالفك
ليث : عيب ولك عمك اني
حسان : تمشي دبر. مكان نام لا اششك.... هس
ليث : هههههههه طح حظك ادب سزز
يله امشي اخابر مؤيد نبات يمه
حسان : مشينه رحنه لمؤيد بتنه يمه الصبح نايم واسمع صوت صياحه
ليث : كعدت ب٩ فتحت تلفوني لكيت دك شعارات بالفيس داعش طب تكريت حسيت روحي فرفحت ما اعرف وصل للجامعه لو لا دكيت على الاساتذه كلهم ما يجاوبون ظليت ادور بالاخبار اخر شي لكيت صور لدواعش باب الجامعه وجانت منشوراتهم قبل ساعه هنا فقدت اعصابي ما اعرف نور رجعت لهلها لو لا ظليت حاير اروح وارجع اخر شي اجاني شعار من استاذ ويانه
:: اهلا استاذ ليث
ليث : بس قريت الرساله اتصلت عليه جاوبني
صباح الخير استاذ
: :صباح النور استاذ ليث.
ليث: استاذ انت بالجامعه
:: يا جامعه البارحه طبوله داعش وبالف ياويل طلعنه من تكريت بليل
ليث : بصوت عالي عاط .... شنوووو والطالبات
: والله يااستاذ الي نسبت والي نقتلت ما لحكنه نطلعهن
ليث :: شنووووووو انت شجاي تحجي ماكو غيره عدكم شلون هيج تعوفوهن
:: استاذ ليث لا تتجاوز الوظع جان خطر ما لحكنه نطلع احد يادوب طلعنه برواحتنه
ليث : عاشت اديكم عففيه شلون زلم ...قفلت التلفون بوجه واخذت سويجي وطلعت وحسان يصيح وراي جنت بساعته ما اشوف طريقي  قهر على خوف  على صدمه
حسان : ظل يصيح الي عرفته داعش طابين للكليه هذا كمل اتصال وطلع ركض جنه مخبل ركضت وراه ليث ليث اصبر وين رايح
ليث : لجهنم مالك غرض
حسان : اروح وياك
ليث : صعدت بالسياره وهو صعد وياي طلعت بوجهي للناصريه  صار الطريق كلش بعيد عليه سقت بسرعه
حسان : ليث راح تموتنه على كيفك
ظرب على الاستيرن بكل قوته وعاط
:: ولك عساني متت ولك ما اعرف اخذوه سبوه ما اعرف ولللللللك
حسان : منو فهمني
ليث : نور نور ولك داعش طاب للجامعه ولتكريت كلها وماخذين كل البنات سبايا والي كاتليهن
حسان : على كيفك بس فهمني وين رايح هس انت
ليث : لهلها بلكي جايتهم  بلكي نازله
حسان : بس على كيفك انشاء الله راجعه
ظل يسوق بسرعه لحد ما وصلنا لفرعهم .... ليث شنو تكللهم
ليث : ما ادري المهم اطمن عليه
نزلت دكيت الباب مره اثنين ماكو دكيته حيل اجاني صوت رجال
ابو احمد : ياهو
ليث : خطار حجي
ابو احمد : كل الهلا ... فتح الباب ..تفظلو تفظلو
ليث طببنه الرجال للديوانيه كعدنه ثواني واجه بالماي والجاي  وحرت شكله
ابو احمد : كل الهلا ما عرفتنه عليك
ليث : اني استاذ نور بالجامعه
من كتله هيج تحسر ونزل راسه
ابو احمد : اهلا وسهلا
ليث : عمي نور اجت لو بعدهي
ابو احمد : ما اعرف شكلك
ليث : كالي هلكلمتين وبجه بكل حركه هنا اني خلص الدنيا ظلمت بعيني هنا ... اردفت.. ها عمي طمني فدوه