نور وسط الظلمات

النهاية الحقيقة

...... نور نور نور شبيج اكعدي بله
..اممم ....امممم
....نور شبيج
نور .. ببتسامه  وصوت  متروس نعاس ها يمه
ام نور .. شبيج اليوم ليهس نايمه مو عندج امتحان كلتي
نور ..  هاا اي كايمة
ام نور ... شبيج بس تتصفنين وتظحكين
نور ..  حلم من الجنة شفت
ام نور ... شنو حلمتي هاي المره
نور .. يمه حلم حلووو  كلش
ام نور. . يارب خير
نور .... يمه جن اني بالانبار ما ادري بتكريت المهم حرب ونار داير مداري   ومكابر  وشفت ولد اثنين كلش حلوين لابسين بدي اسود وبنطرون كابوي وكفو يمي مبتسمين بوجهي  وفجئه مثل العاصفه وصوت صريخ وجنازه مرت كدامنه ملفوفه بعلم عراقي  الولد الواكف يمي ابتسم واليمه مثل الظاج  التفت شفت على التابوت صورت الولد الواكف يمي فزيت خايفه هو لزم ايدي وكالي لا تخافين اي اني الرحت للجنه وهاي زفتي  قريت اسمه سيد حسين البطاط ..كتله انت سيد گالي اي سيد وهاي زفتي  شوفي شكد حلو اني دمعت عيني على شكله وعمره وترتيبه كلش نقهرت كلت هس امه شنو حاله ابتسم عبالك يقره افكاري كالي امي وراي طب الجنه وانتي مو هس وكتج بعد وكت وراح وره الناس التشيع وكل ما يمشي خطوه يلتفت ويبتسم بوجهي
ام نور .... دخيل الله  والله خلص العراق شهداء ما صارت داعش
نور ... الله يكفينه شرهم هذوله النكسين
يمه سوال
ام نور ؟؟ شنو
نور ..  يمه شنو قصده بعده وكتج اني بالحلم جنت فرحانه كلش من هيج كالي وكعدت مرتاحه
ام نور ... ما ادري كومي عندج امتحان
نور .. ماشي ... كمت غسلت وبديت اقره امتحاني جان وكتها شته وبارده الدنيا واني صف خامس عدادي من يومها سيد حسين ما فارك خيالي لدرجة ساعات احسه موجود حقيقي ينصحني بهواي مواقف ومن اظوج يسولف وياي صار صديقي الخيالي الي يسندني دوم  حبيته وتمنيته موجود حقيقي 

نور .... اوووف ظايجه كلش
... من شنو
نور .. منك ومقهوره. همين
.... ليش
نور ... انت ليش دوم يمي من احتاجك ليش من اكون مرتاحه تبتعد
... يجوز لان الله يحبج
نور ... انت شنو حلم لو خيال لو جن لو ملاك والله جاي احير بيك
.... اني الصوت العذب وصدى روحج
.. بس اني مزينه عندي هواي اغلاط
.... بس انتي تندمين وتوبين
... بس اني اريدك بالحقيقه هواي دورت بالوجوه ما لكيتك
.. ما راح تلكيني هنا
... ليش ليش
... اني بالجنة انتظرج
.. منو يكول اطب للجنه
.. اميرج علي وامامج الحجة ومحبت الله وصلاتج وصيامج دعائج  البريء
... لا تصعبه عليه فدوه تدري صار شكد انت وياي عايش تدري جم مصيبه سندتني بيها
.. اممم
.. ... احجي لا تسكت وظحلي  فدوه اني بدوامة ما اعرف انت حقيقي لدرجة لايمكن  اكذبها وخيالي لدرجة لا يمكن اصدقها  تدري صار جم سنه انت مرافقني
...ههههه اي اعرف
..شكد
... من حلمتي بيه من جنتي بصف الخامس اعدادي وهس انتي امممم خلي احسب اوكفي منا اربعه وثنين وربعه حيللل صار عشر سنين
... انت تظحك ومرتاح واني كلبي خلصان ليش هيج تسوي بيه ليش
حسين بجدية ...  شنو تردين
نور ..  اريدك حقيقي استند عليك تعبت منك متواجد بس محد يشوفك
حسين ..  واني كتلج  بالجنة تشوفيني
نور .. بجي ...  اني احبك تدري احب حنيتك عليه وكفتك وياي احب من تشكيني حتى من اهلي يقسون عليه انت توظحلي سبب تصرفهم انت تبسطلي الحياة من اتمرض تقره قران على راسي  وترافقني من انعزل وابجي انت تجي وتلمني بحظنك احس بدفوك وترتيلك للقران وصوتك بالطميات انت متواجد 
حسين ... لا تبجين توجعين كلبي واني مثلج ما بيدي شي
نور.. تمام اروح انام وانت ابقى هيج
حسين ... بسم الله الرحمن الرحيم
.... قره اية الكرسي وايده على راسي لحد ما حسيت بروده بكلبي ..... مرت الايام وحسين بقى وياي  كملت كلية وكعدت بالبيت مريت بظروف صعبه ومرض واختفه حسين من حياتي وره السنة بدون سابق انذار رجع
نور .... ببتسامة مشتاقتلك وين جنت
حسين ...اممم شو مو من كلبج
نور ..  تعرف كلش زين من كلبي
وين جنت مبتعد تعبت من دونك
حسين ... انتي ما تصيحيلي
نور ..  جيتك معتمده علية
حسين ... اي من تحتاجيني اجيج
نور ... تدري احبك
حسين... شنو من حب تحبيني
نور ... حب شخص يوكف وياي يطبطب عليه حب صديق حبيب اهل حب دنيا كاملة
حسين ... اني همين اكثر
نور ... سوال
حسين ...ج
نور ... شوكت التقي بيك
حسين ... من نموت
نور ..  يارب اموت باسرع وكت
حسين ... همم
اليوم تكلبين بالتلفون مشغوله
نور . ... هاي ايو جاي تحجي وياي تكلي وطن تكتب قصص
هههه مجنونه هاي البت يوميه طموح شكل
حسين ... خليه تتونس بحياتها حلو من يكون الانسان مختلف ويغير
نور .ممم بس هاي البت عباره عن طاقه محد مستغلها
حسين ... يجوز الله موقف حالها علمود ما تطيح بموقف لا تحسد عليها نوبات طاقتنه الزايده تخلينه نصرف بطيش
نور. .. انت شلون تفكر
حسين ...  مثل تفكير روحج البيضه
نور ... راح اكتب قصتنه
حسين.بعصبيه ... لا ما تكتبينها
نور .. ليش خاف احد يعرفك ويجي يكلي هذا كرايبي وعرفك بالحقيقه
حسين بعياط ... نور كافي ملحة اني ما موجود بالدنيا لا دورين اذا دورتي راح تنسين شي اسمه حسين
نور .. خلي انساك بالخيال والكاك بالحقيقة
حسين ..  افهمي يابه منو يكول نفسي بالحقيقه منو يكول ما اظلمج ما اذيج ما اخونج ما اجرحج ما اريدج تلكيني بالدنيا
نور ..  يعني انت موجود بالدنيا
حسين .. لا ما موجود
نور ... انت مستشهد
حسين ... لا ولا تسئلين
ولا دورين اني ما موجود وراح تتئذين اذا لكيتيني
نور . .. تعبت من الخيال راح ادور ولحد ما الكاك
حسين ... راح اروح من خيالج بعد ما تشوفيني
نور .. روح

ظليت اراسل ايوو  ووطن  واشوف الشرار يطاير من عيونه على كد العصبيه جان مشهد حقيقي مو حلم ولا خيال عبر حد الخيال جنت احس بحرارته وقربه مني

دزيت 💌📝 اكلجن اريد تكتبن قصتي
ايوو ... يا قصه منهن
نور ..  اني وحسين
ايوو ... هس يطلع حقيقي موجود مثل قصة هذاك اليوم قريته لبنية بالمكبره نهطرت بكبر وظلت تلاحكها روحه وعبالها خيال وطلع شهيد
نور ...  هو الظاهر هيج ..وطن وينج
وطن ... ها
نور .. اكتبي قصتي مو تردين قصه تكتبين وتبدين مشوارج
وطن ... مدري  انتي ليش تردين اكتبها
نور ... تعبت اريد كل الناس تعرف بالي اعيشه من خيال حقيقي اني مو مجنونه بس جاي اشوف هيج شي ما اعرف اذا غيري هيج يشوف او لا ما اعرف حسين شهيد لو عدل  تعبت واني ادوره بالوجوه
وطن .. تم راح اكتبها 
نور ..  لا تخزرني مزاعلتك تعيط عليه وتنزل دمعتي
حسين ... خلص كلشي انتهى بينه راح اختفي من حياتج
نور .  بس اني محتاجتك بيها
حسين ... انتي اختاريتي الحقيقة على الخيال مع السلامه
نور ..  بده يختفي ويتلاشه صحت بصوتي الداخلي وصوت افكاري كل قوتي وراه ما رجع عافني حسين وراح بجيت وبجيت بس ما رجع الي راح صديقي الخيالي رجعت راسلت
وطن 📝
شوكت تبدين
وطن ... هس اذا تحبين
نور .. تمام بس هو عافني
وطن .. منو
نور .. حسين من عرف راح اكتب قصته عافني
وطن .. من تحتاجي يرجع
نور .. اول مره يعيط عليه حسيته حقيقي كلش جان نقاش مختلف خالي من ابتسامته وحنيته
وطن ... نكتب ونشوف منو مثل حالتج. هيج صاير وياها
نور .. ياريت اريد حل تعبت من وظعي
وطن ..  يله نبدي
نور .. اوك ---
-----------—————
لهنا وانتهت قصتنة   وانتهى حب نور وي الخيال حسين من يومها حسين اختفى وما عاد يطلع اله من يومها ونور بدت ترتاح من التفكير   اتمنى الكم قراءه ممتعه  واتمنى القصة نالت اعجابكم   اما احداث القصه فكانت كل يوم نور تعيش بخيالها وي حسين تفاصيله من حرب ومن سبي ومن قتل  وتهجير وانفجارات وجرحى مثل ما مروي بالضبط 

اتمنى الكم سنة سعيده حافلة بالانجازات
وكل الحب لمن قرءة بصمت وابتسم في بعض مواقف القصه وحزن في بعض مواقفها وكل الحب لمن ترك صوت وترك تعليق  ... انتهة القصة وختمت سنة ٢٠٢٣/١٢/٣١ الساعة ١١:٢٠ يوم الاحد