نور وسط الظلمات

البارت السادس

... شفته طالعه من الطبابة وگاعده بالباب . گمت رحت الها
: ها گعدتي
نور : هزيت راسي باي
: راح انقلچ لغير مكان  الان الطبابة بس للجرحى
نور : هزيت راسي واشرتله بمعنا وين
حسين : قريب منا كرفان تبقين بيه
نور : هزيت راسي برظى
حسين : يله امشينه .. اخذتها لكرفان قريب دخلت قبلها سوتلها مكان تستقر بيه .. نور هنا راح تبقين واذا تحتاجين شي هذا المقر قريب منچ تعالي واني راح اظل اروح ورجع عليچ
نور : اممم
حسين : ارتاحي بين ما اجيبلچ اكل
نور : ابتسمت متشكره منه ورحت گعدت على الفراش الچان بالگاع .. راح هو باوعت الكرفان مو ذيچ النظافه وحار بيه بس مروحه ارضيه گمت صفطت الفراش على صفحه لگيت مكناسه كنسته وفتحت الشبابيك علمود يتغير الجو ردت قطعت قماش امسح بيه الارضيه باوعت يمنه يسره شفت كوم مالت ملابس لدواعش اخذت قطعه وطلعت بللته وبديت امسح بالكرفان مسحته كله ظل يلمع هس ارتاحيت بقى بس العطر تذكرت بجنطتي عطر مالتي رحت فتحته لگيته على حطته رشيت منه عطره ترس المكان تنفست براحه سمعت الباب اندگ .رحت فتحته طب الطبيب والدهشه بينت على ملامحه اردف ..
حسين : يصير انام هنا وانتي ترجعين هناك
نور : ابتسمت اله واشرت اله على عيوني
حسين : سالمه عيونج تعالي اكلي وخليني شويه اغمض على هذي النظافه ما شايفه بس عد اهلي
نور : اخذت الاكل بديت اكل . كلش جوعان ما ماكله من الصبح وهس الظهر كملت رفعت عيني اريد اگله كملت شفته نايم ما ندهته عفت الاكل على صفحه وطلعت دفتر المذكرات وبديت اكتب بيه شنو احس وشلون خايفه من حجي الناس وما اعرف شنو اكول رغم اني محد مسني بس منو يصدك كملت كتابه . سديت  الدفتر وخليته  يمي  . باوعت هذا نايم وخاف عيب شيگولون عليه نايم يمي رجال غريب رحت تقربت عليه اريد اگعده بس اني ما احچي ماكو غير المس جتفه او اجر الدرع جريت الدرع اول مره ما گعد ثاني مره فتح عيونه وظل صافن اشرت بيدي گدام عيونه علمود ينتبه هذا مركز بوجهي اشرتله شبيك
حسين : جبت الاكل وغفيت بعد ما حسيت غير انجر مرتين من الدرع فتحت عيني شفته تگعد بيه والشمس طاكه بعيونه مطيتهن جمال ولمعه ظليت صافن برسمهن وهاي تأشر على وجهي عباله فاقد اخر شي اشرتلي شبيك اردفت
حسين بصوت ابح من النوم : ااممم چاشماله حظي يوميه يگعدني جعفر
نور : ما فهمت شيقصد اشرتله على الباب ما فهم
رحت جبت قلم ورقه كتبتله ما يصير تبقى هنا هس شيكولون
حسين بنعاس : ما يكولون شي يدرون اعالج بيچ
نور خزرته ما عجبني حچيه
حسين :لا تخزرين رايح .طلعت وخذت الصينية .. العصر كله جان عدنه واجب والي بالطبابه گالو بليل هجوم ولازم نستعد . بدينه بالاستعداد الوجوه تظحك والكلوب تبچي ما نعرف ياهو راح نودعه ياهو راح يستشهد اجه عبدالله يظحك
حسين : ها عبدو ظحكنه وياك
عبدالله: ولك غير خابرت اخوي حمزه كتله زنيبه تحبك حرام عليك معذب البت وهو يكلي لا يخوي ما تحبني مثل اختي انوب قنعته كتله خوش بت اخطبه كل الابوي اني اريدها بدال عبود وانت هم مبين عليك تحبها من احنه زغار وهي نادره وبت عمك وحلوه  . وهذا صدك هههههههه
حسين : ولك انت راح طب لجهنم بزفه على هاي سالفتك حرام عليك البنيه ما يمك ولا يم اخوك انوب سويته تحب اخوك
عبدالله : والك المصيبه ليله يكل الابوي يخطبها اله ههههههه صدك هي تحبه ويخاف عليه تتعذب بحبه
حسين ::ههههههههه ولك زين اذا صرت بس قرد بالجنه ما الله يوديك وي ابو لهب
عبدالله: لا ولك جمعت راسين بالحلال
جعفر :والله خطيه هلحمزه صدك فطير شلون صدك بحجيك وقنعته ما يروح يسئلها
عبدالله: ههههههه ولك كتله هي كالتلي ومستحيه اذا تريدها اخطبه رئسن وره العقد هي تگلك مو تحرجه هس وتروح تگله انتي تحبيني عيب البت امنت بيه وحچتلي
جعفر وحسين :ههههههههه لا بربك ولك خطيه
عبد الله :عليمن خطيه يلكه احسن من زنيبه
: جا ما خذته كونك هيج وماكو احسن منها
: لا يخوي جنه حمزه بس محجب
: دعوف سوالفك ومشي ورانه واجب
عبدالله: اذا هذا اخر واجب الي وياكم ادعولي اصير حتى لو چلب بالجنه .وخلي حمزه يبريني الذمه على هاي عملتي هههههه
حسين : اسم الله لا تكول هيج انشاء الله ترجع سالم لهلك وتحظر خطبته وتكمل عملتك خوما تخليها على النص
عبدالله: الله كريم .يالله توكلنا
حسين : بده الواجب وتقدمنه عليهم شويه نركض ليگدام وگمت اشوف ربعي يطيحون ظليت اصيح ارجعو انسحبو جعفر انسحب انسحب عبدالله انسحب احمد محمد ارجعو عمر شباب ارجعووو .فتحت جهاز النداء وناديت .سيدي دعم محتاجين دعم عدنه جرحى سيدي الووو
: حالا يوصل الدعم انسحبو ابطال
::سيدي باسرع وقت محتاجين دعم
:عولم
حسين : الظرب صار من كل الجهات ونريد نطلع العوائل ما نگدر تسترنه بيت وسمعنه مره تصرخ من بعيد واجت تركض وبيده رايه بيضه وصار الرمي ما شفت غير عبدالله ركض عليه جاباها وصل شويه عني وشفته طاح على وجه ركضت اريد احركه شفته مظروب بظهره شلته وخليته يمنه
حسين : عبود خويه ابقى وياي لا تفقد عبود لا تفقد ظل وياي ولك خويه نكسر ظهري لا تفقد فدوه
عبدالله: هه ها حسون راح اصير قرد بالجنه انت ظل
حسين :عبود فدوه لا تكول هيچ هس يجي الدعم بس ظل وياي
عبدالله بصوت متقطع : حسين وصل سلامي لحمزه وكله السالفه سيد ابريني الذمه وكل الامي ابنچ راح فدوه لوطنه وراح اشفع الها يم الله
حسين : فدوه عبود ابقى وياي عبود اسمعني .. ظليت اهز براسه علمود ما يفقد شفته يغمض ويفتح عيونه هنا خلصت روحي وياه واني اشوف صديقي كدامي يموت هنا حسيت كلبي بعد ما يتحمل صرخت بصوت عالي عبووووود لا تروح متفقين سوه نروح لا تعوفني جعفر ولك عبوووود راح يروح
عبدالله:اشهد ان لا اله الا الله واشهد أن محمد رسول الله
حسين :سمعته يتشاهد ويتبسم ..ربي اخذني بمكانه ما اتحمل غيابه عبود خويه عبوددددددد اااااااخخخخخخ ..اجه الدعم وتقدم عليهم واحنه رجعنه بالجرحه ومن ظمنهم عبود عبود كسر ظهري وصلنا للمقر وكالو ما نكدر نودي للنجف صعب لازم نامنه بالكاع جم يوم ونقله للنجف حفرو كبر لعبود ودفنو ودفنو روحي وياه موقف صعب تشوف شخص تحبه يندفن جوه الكاع وانت گاعد تباوع تشوفهم يهيلون عليه التراب وتتلاشه ملامحه جواه كملو دفن واني اشهك من البچي وكل الولد يبچون عبود جان ظحگت المكان ونستنه. المهموم ينسه همه من يجي عبود .كعدت يم الكبر وبديت اعاتب بيه
.. ها عبود سويته ورحت ها عبود عفتني منو يخليني احمل هذا المكان بعدك منو يصبرني عبود وحمزه منو يخطبله زنيبه زين انت رحت ليش خليتلي هيج امانه تكسر الظهر شلون اكل الامك عبود استشهد شلون فهمني شلون ارجع للناصريه وانت مو وياي شلون عبود هنت عيلك هيج وعفتني بنص الدرب عبود خووووووووووووووووووويه ظليت اصرخ على كبره مثل النسوان وبديت انعى
ااااه انكسر ظهري يخوية وردتك حزام
ليش تعوفني وبالمكبره تنام
يابو الهدات وينك ليش ما اجيت
منو وياي يوكف لو حتاجيت
منهد ما درت وجهك اظلم البيت
وبعد ما شوف طولك بس بالاحلام 
خويه وادعتك مابيه الفراك
ااااخ ياخويه  يا عبود
جعفر : كوم خويه صليلة وقراله قران
حسين : جعفر بعد ما نشوفه هاي اخر شي عافونا واحد وره الثاني كلهم عزاز ولك جعفر راحو مثل الورود انحصدوو بس والله ودين محمد ما ارجع لحد ما اخذ ثارهم مربع وجدي رسول الله
جعفر : شفت احسين انهار صح حالي مو احسن من حاله بس امر الله هذا كومته رحنه صلينه وظل يقره قران للصبح طلع واجب ومن هنا حسين تحول راحت ظحكته وصار همه الوحيد يكتل اكبر عدد من الدواعش مرت الايام وحسين على حاله وما نكدر ننزل الان الطريق مگطوع
حسين : من مات عبود صار همي اكتل واخذ بثاره صرت ما ارحم اي احد يطيح بايدي اجرم بيه ومن ارجع من الواجب ابقى بالطبابه اداوي الجرحه مر ٤٠يوم واحنه محاصرين ما نكدر ننزل لاهلنا وهاي البنيه بعدهي عدنه واهلها يطمنون عليه كل جم يوم
نور : من راح من يمي بليل سمعت طالعين واجب بس وراها رجعو هواي جرحى ما شفت الدكتور عبالي استشهد بس بليل سمعت صوت صريخ ونحيب طلعت اركض شفت الدكتور مدنك على جنازه عرفته لصديقه ظل يصرخ مثل الام الفاقده ابنه ويحجي وي الجنازه ويعاتبه جانو كل الشباب حالهم تعبان مو احسن من حاله بس هو انهار اخر شي دفنو الجنازه وظل ينعه بصوته جان صوته كلش حلو وبيه رهبه خلانه كلنا فقدنه من البجي على نعاويه وراها كوموه الولد اني تسحبت رجعت لمكاني مرت الايام وهو قليل يجي يطمن عليه ويروح تغير وشكله تعبان مر ٤٠يوم واهلي اطمن عليهم من عنده صوتي بده يرجع بس ما احجي عدل عرفت بانو بمرور الايام يرجع . بيوم جنت ظايجه كلش وحايره شلون ارجع سمعت شيخ محمد يحجي وياه
شيخ محمد :حسين لازم تعقد على البنيه لان ما نكدر نرجعن وظلته بدون محرم صعبه تعقد عليه وبرظات اهلها لحد ما ترجع لاهلها وطلكه
حسين : شلون اعقد اكيد ما راح تقبل ولا اهلها يقبلون
شيخ محمد :ابني اني احاجي اهلها بس جم يوم لحد ما نرجعه لان البنيه ما يصير تبقى هيج ولازم تعلمه على السلاح علمود تحمي نفسه اذا صار شي
حسين : شيخ انت بلغ اهلها واني راح احاجيها ...
جانت الدنيا طالعه من عيني عكب موت عبود
كلت اروح احاجيه واشوف لان بعد مابيها مجال يوميه نتحاصر بالزايد دكيت الباب مره اثنين ما جاوبت خفت بيها شي  فتحت الباب و طبيت نصدمت بالي كدامي .. ....