قد نحلم ونحلم ولاكن يشاء الله ان يجعل واقعنا اجمل
ليث: صحيت اني بالمستشفى وامي دمعتها على خدها واخواني الخوف بعيونهم هنا جانت نقطت تحول بحياتي الى متى اني اركض وره نصيب غيري وجم مره خليت الخوف يسكن كلوب الي يحبوني ليش هيج اتصرف بطيش وغباء الحب حلو لو جان الطرفين محبين لبعض بس مو حلو من يكون من طرف واحد يكون مهلك ومميت جانت هاي ليلة وهاي الساعه الي تغير بيها ليث وكلب ليث منا بدت قصه جديده والتفتت لشخص جنت احسبه ثكيل واحسبه ما مرغوب بيه بحياتي بس طلعت غلطان من باوعت وشفتها شلون عيونها عمر وجواهن اسود وجها الاصفر والخوف الي بعيونه ما يختلف عن خوف امي بشعره هنا عرفت منو الشخص الصح الي لازم اكمل حياتي وياه بس مو هس لان اني مو اناني اشافي جروحي على حساب مشاعر غيري
طلعت من المستشفى وجان سندي حسان مرت الايام وليالي واني اشوف نفس اسلوبها ولطفها وحبها وما نطفه ابد شكله الطبيعي ونظافتها وترتيبها بكلشي بديت انتبه على هواي اشياء ما جنت اشوفهم. ومنا بدت حياتي الجديدة وي سهام .....
في مكان اخر
:: اكلك باجر نروح
: يا ستار وين
:: لبيت العشق
: جعفر عوف السالفه بزعت يوميه رايحين وهي نفسه حجاره ما تحركت
:: لا راح نبلش بغير شي
: الله يستر
حسين : بليل رجعت من يم جعفر مر على سالفت طلاكي اسبوع طبعا ادري نور ما عدها رقمي بس اني اخذته من ابوها بدون ما يدري وبمساعدت جعفر طبعا
دزتله وجانت دكات كلبي سريعه ورجفه سرت بجسمي واني اكتب
💌: اما آن ان تنيري حياتي
نور :: عفوا منو وياي
💌: عاشقا غدا بعد هجر الاحبه رماد
حسين : اكتفيت بهذني وعفتنا دز رسائل منو انت وراح احظرك ومن هذا الحجي اني مغلس
نور : استغربت من اجني الرسائل اجو بالي اثنين لو ليث لو حسين سئلت ما جاوبني طفيت تلفوني ونمت كعدت لصبح هم لكيت رساله
💌 اشرق الصباح عند البشر وما زالت ايامي بدونكي يسودها ظلام
نور : ظليت صافنه شلون بامراء القيس هي مالت فصحه عفته وكمت غسلت ومر اليوم عادي للعصر كال ابوي عازم جعفر الصراحة اني مستغربه من علاقت اخواني القويه الصارت فجئه وي جعفر وحسين الي جاي يصير اشيك واحلا وعطره يترس البيت من يجي مر الوكت وجو رجليه اخذني للشباك ابوع عليه طب من الباب لابس قميص اسود وياه بنطرون بيجي وحذاء اسود جنه طالع من مجله صافنه بتفاصيله ما حسيت غير نجريت من اذني
:: ولج ما تستحين
: والله مو قصدي بس كلت اشوف منو اجه
:: انجبي طالعه عينج تصفنين بالولد
: لا والله بس كلت اشوف منو اجه
:: خلي يروحون اذا ما افظحج حتى جلاب المنطقه اكلهم
: لا حباب فدوه والله بعد ما اسويها
:: اني رايح يم الولد اذا لكفتج مره ثانيه تباوعين افكس عيونج
: اي هايهي ما اباوع
حيدر :: عفيه يله حظري الظيافه بين ما اسلم واجي
نور : بلعت العافيه هذا تنكه صدك يفظحني فسكتت ما حجيت بعدهي الخوفه بعظامي واجتني رساله
💌 حلقي بعيدا ولاكن المهبط عندي
نور : تاففت من هذا الكاظيها فصحه
حطيت الظيافه اجه حيدر اخذهن وراح طلعت للصاله اكعد بيها وشميت العطر ياربي هذا منين يجيب هاي العطور تجنن كعدت على القنفات وغمضت واني استنشق العطر الي صدك راحه نفسيه اتنفس ومغمظه ما حسيت غير راشدي فر وجهي من الظربه والخوفه ماعت روحي مااسمع بس امي تظرب على وجهي وتصرخ يمه بتي الله لا يطيك حيدر فتحت عيوني على كيف وشوف ابوي واخواني عد راسي وياهم حسين لازم ايدي يقيس ظغطي واني على القنفه نايمه شصاير ما ادري فتحتت اجت عيني بعينه ظل صافن دقايق بعدين تجاهلني جني ما موجوده بس حجه
:: عمي ماكو شي لا تخافون من الهبطه نزل ظغطها وهس رجع طبيعي بس اتمنى ما تتكرر هاي السالفه لتن مثل ما تعرفون هي نفسيته بعدهي متاثره وتخاف من اقل شي
نور : هو يحجي واني اتنفس اريد اشبع من العطر شكد طيب اردفت بصوت واهن شصار
ام احمد : هذا الجلب الله لا ينطي لكاج مغمظه وظربج انتي فزيتي وماعت روحج
حيدر : شدعوه هو راشدي
ابو احمد : انجب ولي من خلقتي وطلعه من خشمك هاي الهبطه
حيدر : ما ينعاش وياكم اروح اشوف واحد اشاقه وياه احس
جعفر: بعد اخوك امشي بس اني اتحمل زكاطك
حيدر : خلفله عليك
حسين : بعد ما سمعنا العياط ركظتا كلنا شفت نور متمدده وامه تظرب بيها راشيديات تقربت عليها وقست نبظها هبوط صاير رشيت ماي على وجها ورفعنا رجليها شويه يله صحت من صحت باوعت بعيونها شتاقيت لونهن ولمعتهن ولكلشي بيها بس مجبور ابتعد عنها خصوصا جعفر من ظربني برجله بظهري بدون ما احد يدري انسحبت ورجعنه للديوانية وكملنا يومنه وي اخوانها ورجعنه
نور : طلع وستفزني بحركته تجاهلت الموظوع ورحت نمت بغرفتي بعد الخوفه الخفتها مر الوكت وتالت الايام والرسائل نفسهن يجني صار يومي ما يخلص بدون هذا الشخص المجهول تعلقت بصاحب الرسائل لدرجة اول ما اكعد من النوم لازم اشوف رساله منه
💌هل اشرقتي يا شمسي الثانيه
حسين يروح ويرجع علينه وجماله يزيد واناقته صح من يلتحق يتاخر يله يجينه بس ما كطع خلصت سنه كامله واني تخرجة استاذ ليث ما اعرف اخباره والبنات صديقاتي دوم اتواصل وياهن بيوم كعدت الصبح ما لكيت رساله من شخصي المجهول ظليت عبالك مفتقده شي مر يومين واتلاثه واسبوع واني انتظر ما اعرف شي عن شخصي المجهول صار عندي كائبه وكل اهلي لاحظو هذا الشي وكلهم يكلولي شصاير وياج محد يعرف ولا احد توقع بانو اني حبيت وحبيت منو شخص مجهول ما اعرف منو هو شخص اعتاديت عليه يذكرني باكلي بنومي حتى بتفريش اسناني كمت اتمنى يدز رساله ودعي هواي اي اني صرت ادعي يدز رساله لاعتياد صعب كلش صعب من تفقد شي معتاد عليه خلصن عشرة ايام واني نفس القلق بدون ادراك ولا وعي دزيت رساله وكلشي بجسمي ينتفض خوف توتر حماس ما اعرف بس شي اول مره بحياتي اجربه وكتبت
💌 يا مجهول وين ختفيت
انتظرت دقايق واجتني رساله
💌 ان وجدت لا اعد وان فقد لا احسب
ظليت حايره كلبي يحبه بس ما اكدر اخذل اهلي وسوي علاقه ما اكدر صراع صعب بين كلبي وعقلي اخر شي قررت ادز رساله اخيره
💌 خوفا من الله والحرام ومن خذلان الاهل
صح جان كلامنه ما مترابط والي يقرا ما يفهمه او يكول خربطه بس احنه الثنين جنه نفهم بعضنه بشكل مو طبيعي دزي رساله
💌 حرام قتل النفس والفراق اشد من القتل ... يا شمسي
نور : سكتت بعد ما حجيت ولا دزيت شي رجع هو يدز مثل قبل بس اني تعبت نفسيتي لان احس روحي مرتبطه بشي مجهول بيوم ناشره حزين على برنامج الفيس فجئة اجتني رساله
💌 قريبا اللقاء
جانت هاي صدمه خلتني بين الخوف والفرح بين واخيرا راح اعرفه وبين شلون التقي بيه رجفه سرت بعروگي مر اسبوع كالو اجه خطار واحنه متعلمين على خطار اخواني لو جعفر لو حسين لو ولد المنطقه جاي احظر الظياف واجت رساله
💌 البعد بيننا الابواب الموصده فقط
رجف كلبي يعني هو الخطار ظليت ما اعرف شسوي كعدت وصافنه وره شويه اجت رساله وجانت هذي كفيله تكشفلي الشخص المجهول
💌 اشرقي يا شمسي فقط طال ليلي ..... الحديقه
رجليه يرجفن بالكوه وصل لباب المطبخ بس علمود اشوف منو هذا الشخص الاخذ كلبي وعقلي الي فعلا عشقته وكفت شفته منيطني ظهره بينه الباب المظلل الي يخليني اشوفه بس ما يشوفني اجتني رساله
💌 بينه دورت وجه ولهفت سنين
قريتها وباوعتله التفت اي هو نفسه الي فرطت بيه بوكت شاريني نفسه الي عفته حسيت جاي يباوعلي ابتسم وخله كلشي بيه رجف نزلت دموعي شي غريب شخص جان حلالك ما تحس اي شي تجاها تبيعه وبالاخير تحاول بكل الطرق تشتري شخص شاريك بس انت تخسره بدون اي اهتمام فجئه تحب ويطلع نفس الشخص من فرط الضغط الي صار على راسي والتفكير والمقارنه بين اول لقاء لحد هاي لحظه وشكد جنت متلهفه اله بعد ما شفت شي
حسين : ظليت اهتم ودز الها رسائل ساعه اغنيه ساعه شعر وطبعا الي يدزهن الي جعفر وهو يذكرني وحتى لو نايم يتصل ويكلي يله دز استمريت على هاي الحاله لحد ما بيوم جعفر كالي هس تختفي وفعلا اختفيت ما دزيت شي لحد ما هي دزت وعرفت من خلال رسائله انو تعلقت بيه بس سالفت ثقت اهلها والحرام واكفات بطريقها عجبتني كلش بهذا تصرفها واعدتها تشوفني طبعا هي بعد ما راسلت لحد ما التفتت واني اتخيل شكلها وهي تعرف هذا الشخص المجهول سمعت طوت طبه بالكاع عبالي شي عادي ما جنت ادري بيه وكعت سمعنا امها تعيط على ابوها
ام احمد : ابو احمد الحكلي البت مدري شصار بيها يمه بنيتي راحت
حسين : ركظنا وبما انو اني ما طلكت عادي اطب لبيتهم طبيت لكيتها فاقده الوعي رشينه ماي عليه يله صحت باوعتلي ودمعت عينها اني ما جنت اكدر اسوي اي شي بس هزيت راسي اطمنه وابتسمت كومه اخوه للغرفه واحنه رجعنه للديوانيه وراه جعفر حجه بدون مقدمات
--------------------------------------------
البارت ٢٣
YOU ARE READING
نور وسط الظلمات
Romanceبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
