يمه سبوها خابرو ابوها كالوله سبيناها يمه شلون بيه يمه راحت راحت ما اعرف ميته عدله ما ادري يمه شسوي وين اروح هدت حيلي يمه
:: يمه كول يالله بلكي عرف هناك احد نشوفه
: يمه يا عرف فهميني ياعرف هس اذا ما كاتلينه مغ..... ومخلينه من واحد لواحد
:: لا تكول هيج انشاء الله شارده وما يمه شي
: يمه راح اموت نار بكلبي ما تهيد وتطفه يمه راح اموت
:: اسم لله عليك يمه فدوه رحتلك على كيفك وي روحك انشاء الله ترد واخطبه الك واخليها بيتك يمه لا تسوي هيج بروحك
ليث بجي :: ااااخ يمه يمه حلمي جانت ليش نباك مني امنيتي جانت ليش هيج راحت مني امس من رحت لغروب رحت الهم سئلت وكالولي حتى ما شايفينه مؤدبه وحبابه وعينه ما ترفعه شلون تصير بيد هذوله ما يرحموها والله ما يرحموها يمه اني ما ابقى اروح
حمدية : وين تروح تريد تموتني وراك
ليث بشهكه : يمه اني ميت بس جسد بدون روح روحي راحت وياها وما اهيد لحد ما الكاها
حمدية : ارتاح هس وباجر يحلها حلال
ليث : شرتاح شرتاح ااااخ كلبي
حمدية : ظل يبجي بحظني لحد ما رخت اديه وثكل نفسه عرفته نام رجعت راسه على المخده وطلعت لكيت الولد ملتمين
: ها يمه شلون صار
حمدية : نام وكلش تعبان الولد متخبل وكاعد
حسان : غمزت الها بلكي تسكت فظحتنه ...وردفت يله روحو انتم اني ابقى يمه
ابو حسان : غير نعرف سالفته يله نروح
حسان : يابه من يصير زين يحجيلنا ما تشوفو تعبان
ابو خالد ( الجد ) : يله امشونه للصاله متنه من الهبطه
حسان : طلعو كلهم للصاله واني بقيت باب الغرفه اجت سهام
:: اكلك هو شبيه
حسان بنتر : مابي شي بس عوفو يرتاح
سهام : على كيفك كول عمتي احترم شويه
حسان : تروحين من خلقتي لو شلون
سهام : رايحه لكبر حتى لكبر
حسان : الج انشاء الله واربط بصفه جلب علمود حتى محد يزورج
سهام : امداك
حسان : والعباس اجيج ... راحت نرفزتني فوك ظيم هذا هاي لزكه اجتني
رحت نمت ... لصبح كعدت طبيت لغرفته مالكيته طلعت اركض
حبوبه حبوبه
حمديه : ها شبيك تصيح
حسان : ليث وين
حمدية : بغرفته نايم
حسان : يا غرفته ما بيها احد
... بس كلت هيج وهي فرت تدور عليه بالبيت وهرجتنه هرج اخذت تلفوني ادك عليه ماكو ليل وهو ماكو ظلينه ندور ما خلينه مستشفى ولا طب عدلي ما دورناه اخر شي ركبت سيارتي وطلعت للناصريه لل١ وصلت حرت ادك لباب لا شكلهم حتى استحي تجرئة ودكيت الباب طلعلي ولد شاب
احمد : تفظل منو رايد
حسان : ها شسمه والله مدري شكلك بس ابوك موجود
احمد : اي موجود
حسان : فدوه خويه صيح الي حتى لو تنده رايده ظروري ولو زعجتكم
احمد : وين تعرف ابوي
حسان : بس كعده هو يعرفني مالك غرض
احمد : تفظل طب جوه
حسان : لا خويه مستعجل بس شوفلي الحجي بسرعه
... راح الولد وره شويه اجاني ابو احمد من شافني عرفني رحب بيه ورادني اطب بس ما قبلت
ابو احمد : طب ليش بالباب
حسان : لا حجي بس اسئلك وروح
ابو احمد : كول ابني
حسان : هم اجاكم اليوم ليث
ابو احمد : اي بويه اجاني الصبح كالي رايح ادورها بتكريت بس ما قبلت وحلفته بعزازه ما يروح كالي راح اروح وي الجيش مدري يسوي انتساب للقواة مدري شسمه ويروح جندي وياهم هذا العرفته منه
حسان : صدمني بحجيه ... مشكور حجي اترخص واسف قلقت نومكم
ابو احمد : لا بويه احنه الاسفين خبصناكم ويانه ويبويه منين تغمض عيني كل ما انام اتذكرها وابجي وما اعرف شصاير بحاله
حسان: الله يساعدك حجي انشاء الله ترجعلك باقرب وكت اترخص ... سلمت عليهم ورجعت لسيارتي هس شكل الاهلي شكل لحبوبتي هي من غير كلشي خبصتنه انوب تدري بيه رايح للموت غير تكلبها عزا ولطم علينه سحبت جهازي ودزتله رساله
..💌ليث ارجع امك راح تموت من وراك ادري بيك رحت لتكريت بس ليث لا تخسر روحك وتموت امك وراك ارجع واني وياك نطوع بالجيش ونجيبها حتى لو نصير جواسيس ونروح وي داعش لحد ما نلكاها
دزت الرساله اله وخابرت ابوي ...الو يابه
خالد : وين وليت انت الثاني تردون تجلطوني اذا ما ربتكم من جديد ما تسمه بسمي
حسان : يابه اوصل واسولفلك بس ليث رايح تكريت
خالد : شيسوي هذا تخبل العراق ساقط نصه وهذا موالي لتكريت
حسان : يابه اوصل وافهمك بس لا تخلي حبوبتي تدري
خالد : خوش لا تتاخر
حسان : صار ... قفلته منه وظليت فكره تجبني وفكره توديني هذا شسوه بروحه وين وله اااخ والله تعبني بتصرفاته .... ليث صح عمي بس اني اكبر منه باشهر كظينه عمرنه سوه واني اركعله شنو يسوي صار استاذ جامعي وبعده بسوالفه الغير مسؤله تعبني كلش وياه
.. وصلت طبيت للبيت لكيت ابوي كاعد ...السلام عليكم
خالد : وعليكم وين جنت عود كتلك لاتتاخر
حسان : يابه خلي اسولفلك من البدايه واخليك بالصوره خاف تكول ظميتو عليه تره ليث . ...... وسولفتله من البدايه لحد ما رايح الابوها وشنو كايله
كام خالد وصفك ايد بايد
خالد : لا ياصكط ولك تمرر بينه صارلك يومين والله شنو عاشك
حسان : يابه عوف هاي السالفه وخلي نرجعه
خالد : هس ارجعه ... اخذ تلفونه ودك ... الو هلا بالعزيز هلا بعد روحي
سلامتك والله بس ليث طالع لتكريت ورايد منك خدمه ...ما يامر عليك ظالم بس ردت تعمم اسمه يمنعونه يطلع من اي سيطره ...الف شكر حبيبي
حسان: جنت اسمع المكالمه بس اسمع ردود ابوي ما اعرف الطرف الثاني شيكله كمل اتصال باوعتله واردفت .... ها حجي بشر
خالد : عممت ما يعبر اي سيطره
حسان : بس هو من الصبح ماكو معقوله ما واصل
خالد : الطريق مكطوع حده لبغداد وهس يرجعونه
حسان : خوش
في مكان اخر
ليث : هاي هويتي
:: ليث سلطان ...
ليث : اي
: تعال جيك الهوية
:: حاظر سيدي
ليث : شكو ليش يجيك الهوية
: هس تعرف
:: سيدي هو
: ليث سلطان ترجع لمحافظتك عليك تعميم ما تعبر بغداد
ليث : ليش شنو مسوي
: ما مسوي شي ترجع لو تريد السجن اختار
ليث : راجع بس صدكني اشتكي عليكم لان بدون سبب معمميني
: اشتكي وين ماجان يله ابو السياره تاخذ عبريتك وترجع لو تنزله
:: لا عمي انزله انزل خويه كفيني شرك
ليث : بسيطه ... نزلت رجعت لهلي وصلت لاكتني امي مفرفحه
حمدية : ليش يمه ليش هيج فرفحتني ليش يمه شلعت كلبي
ليث : يمه عوفيني بحالي مالي خلك
حمدية : هيج ترفع صوتك بوجهي هيج هاي جزاتي
ليث دنك باس اديها
ليث : لا يمه لعفو بس تعبان وين ما اروح ظلمه الدنيا بعيني تعبت ما اعرف اطير احط ما اعرف شسوي
حمدية : كتلك اصبر اخوتك تحلها ما سمعتني طب ارتاح العصر نحاجي اخوتك
ليث : هزيت راسي بيئس ما اعرف المظموم الي شنو رحت لغرفتي تمددت كعدت على صوته وازعاجه .....اووو اكعد رحمه الاهلك
حسان : كوم المسموط شبعت نعل من وراك
ليث : طبك مرض شسويلك
حسان : كوم بلكي يحلونها اخوتك
ليث : رفعتله حاجبي .. اتوقع عمامك ولازم تحترمهم
حسان : دكوم وتالي دور حترام وهس اني شكلت اخوتك قابل مجذب
ليث : اطلع ابدل واجي
حسان : كمت وكفت بالباب نتانيك لا تتاخر
ليث : اي فهمنه .... كمت بدلت طلعت كلهم كاعدين بالطارمه اردفت.. السلام عليكم
خالد : هلا وميت هلا انت ما تستحي مركضنه وراك صار يومين مراهق انت حتى عيب احجي سالفتك
ليث : اي مراهق واذا ما لكيتها. اكتل روحي شلي بحياتي بدونه
خالد : هذا انت الاستاذ الجامعي هيج تحجي جا شخليت للجهله شخليت
ليث : تعبتت محد يحس بيه محد يحس بيه يمه انتي كليلهم انتي حاجيهم
خالد : احنه ما نكرهك وكلنا وياك بس حاجينه فهمنه مو تصرف من راسك .
ليث : هاي كتلكم يله حلوها
خالد : وصيت جماعه يحاربون هناك يجبولي خبرها بس يعرفون شي
ليث : اني راح اطوع
حسان : اني هم
خالد : انجبو اثنينكم
ليث : والله اروح بليلة ظلمه محد يدري
خالد : شلون طركاعه هاي ...
ليث : اني باجر رايح اسجل
حسان : يابه اني وي عمي ما اعوفه ة
خالد : يابه احجي شي
حجي سلطان : بويه استهدو بالرحمن وانطونه مهله موصين ناس تجيب خبرها ليش تشلعون كلبنه عليكم
ليث : يابه اخر حجي عندي باجر اروح اسجل اني اريد ادافع عن وطني
حجي سلطان بحسره :: توكل بويه جابعد شكلك
ليث : قررت اسجل تطوعي بالجيش ورحت ثاني يوم تطوعت اني وحسان الي ما قبل يعوفني وطلب اجازه من دوامه
جهزنه غراضنه وره يومين وانطلقنه لان جانو محتاجين جيش بسرعه قبلونه انطلقنه وجانت ليلة صعبه على امي اي ظلت للصبح سهرانه وكل شويه تجي تبوسني من كصتي وتروح جنت امثل النوم بس اني ما نمت ولا غمضتلي عين للصبح طلعت اني وحسان ودعت امي وبلشت مسيرت الدفاع عن الوطن وتدريب دربونه وخلال تدريبنه وصلي خبر هي عايشه وعد الحشد جنت دائما على تواصل وي ابوها وبيوم خابرته
ليث : شلونك عمي احوالك
ابو احمد : بخير بخير ردت غالتي ردت ظوه عيوني
ليث بلهفه : شنو ردت منو ردت
ابو احمد : نور لكوها الحشد ما بيها شي وهس هي وياهم لحد ما ينفتح الطريق وترجعلي
ليث : الحمد لله على سلامته عمي .. حجيت هذني على اعصابي قفلت التلفون وسجدت ابجي لرب العالمين... ربي احمدك وشكرك ربي ما قصرت ربي
حسان : شفت ليث يخابر وظحك فجئه وكف على حيله ورجفن اديه نها الاتصال وسجد وظل يبجي بصوت عالي ويحمد الله كلنا ركظنا اله نريد نعرف شبي
شبيك ليث
ليث : ولك لكوها ولك حسان مابيها شي مابيه ربي رحمتك
حسان : حظنني كل قوته ويظحك ويبجي بجانه كلنا على موقفه وفرحته .. بالخير
ليث : ياسندي انت يابعد عمري والك احبكككككك
حسان : تره اشتبهت ههههههه
आप पढ़ रहे हैं
نور وسط الظلمات
रोमांसبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
