نور وسط الظلمات

البلرت الخامس

حسين . رحت الها : اطمني لا تخافين احنه القوات الامنية ما ناذيچ بس ممكن تجاوبيني على كم سوال
نور : تقدم عليه وبده يحچي بس شكد حاولت احچي بس ما اگدر ظليت أشر بانو ما اگدر احچي واريد قلم ورقه
حسين : اباوع بس تاشر ما تحچي تاكدت بانو هي خرسه من اشارته فهمت انو هي تريد قلم جبت الها قلم وبدت تكتب واني اقره ...
نور : بديت اكتبله 📝 عطشانه
حسين : لحظه .. جبت ماي وبدت تشرب عبالك صار سنه ما شاربه كملت . الف عافيه بس ممكن  تجاوبيني على اسئلتي
نور 📝 تفظل
حسين : من وين وشنو اسمچ وليش چنتي بالخرابه
نور 📝اسمي نور ..... حچتله كلشي
حسين :انتي خرسه
نور 📝: لا بس ما اعرف ليش ما احچي هس وظليت ابچي
حسين : مشكلتچ بسيطه لا تبچين ولا تخافين عندچ اعتلال الصوت النفسي يستمر اما ايام او اشهر او من تتعرضين لصدمه ثانيه تنطقين واحتمال باچر تنامين وتگعدين تحچين
نور 📝: اريد موبايل اطمن اهلي
حسين : هاچ هذا تلفوني اتصلي عليهم اذا حافظه الرقم
نور 📝: اي  ... اخذته منه ودگيت الرقم بس تذكرت اني ما احچي نزلت دمعتي وانطيته اله هو ستغرب واردف .هاا بطلتي ..كتبتله لا بس ما اگدر احچي انت طمنهم
حسين : بعد ما اخذت التلفون بچت وكتبتلي اني اجاوبهم لان ما تگدر تحچي اخذت التلفون دگ التلفون مره وثنين يله جاوبو
ابو احمد بصوت تعبان   : الو منو وياي
حسين : السلام عليكم
ابو احمد : عليكم السلام ورحمه منو وياي
حسين : عمي اني جندي بتكريت اليوم لگينه بنتك وراح تبقى ويانه لحد ما ينفتح الطريق واوصلها لبابكم سالمه
ابو احمد : ولدي فدوه رحتلك شلونه خوما اذوها گالولي سبيناها فدوه ولدي خلي احچي وياها
حسن : عمي مابيه شي بس صوته تعبان ما تگدر تحچي بس چم يوم وتجيكم 
ابو احمد : اشكرك ابني فدوه هاي امانتك
حسين : صدك جذب عمي بطن عيني هاي عرضنه اطمن ولا تفكر
ابو احمد : مشكور يابه اودعناكم
حسين : حياك الله عمي هذا رقمي يمته ما تريد اتصل
ابو احمد : الله يحفظك ابني بالسلامه
حسين : الله يسلمك هلا بيك .... قفلت الجهاز اباوع الها ما لابسه الحجاب عدل وشعرها مبين  وتبچي وجه احمر صاير وشفته كلها دم . جبت گطنه وماي مقطر بللته وتقربت منها هي طفرت
حسين : اسم الله شبيج فززتيني اريد اعقم وچهچ بيه جروح وشفتچ كلها چروح  .. شفته سكتت وهزت راسه برظى بديت اداوي جروح وجها ومسحت الدم الي على شفته جنت مركز بتفاصيل وجه بدون ادراك صفنت بتقاسيم. وجها وشلون بشرته عبالك طفل فزيت من صفنتي على صوت الباب يندگ گمت افتحه التفتت عليه
حسين : غطي شعرچ زين
نور : بعد ما تصل بابوي وطمنه عليه ظليت ابچي على وظعي شفته جاب گطنه وتقرب مني فزيت وخوفته وراها عقم وجهي وسمعنه الباب يندگ گام وذكرني بشالي عدلته طلع  ظليت صافنه وين راح يصفه بيه الزمن شوكت ارجع شنو راح يگولون الناس عني وشلون راح اتحمل نظرتهم هواي حچي اجه بالي زاد تفكيري لحد ما نمت ما ادري
حسين :طلعت لكيته شيخ محمد ( شيخ محمد رجال معمم عمره ب٦٠ وجه نوراني وهو الامر مالت القاطع مالتنه وكلنا نحبه يعاملنه مثل ولده ) هلا شيخنه
شيخ محمد : هلا بيك سيد ها بشر شلون صارت البت وشعرفت عنها
حسين : شيخ وظعه شبه مستقر بس خرست ما اعرف اذا يرجع النطق الها لو لا هي طالبة ... وحجيته قصتها كله 
شيخ محمد : لا حول ولاقوة الا بالله العلي العظيم.والحل شنو احنه محاصرين حتى ما نگدر نوصلها لهلها
حسين : تدبر شيخنه قابل شنسوي نشوف وين تصفه واذا كلش تبقى ويانه  لحد ما نرجع لهلنا
شيخ محمد : تواصلت وي اهلها
حسين :اي وابوه مبين تعبان كلش عليه
شيخ محمد : الله يساعده حقه بته وهس بس حچي الناس كافي
حسين : هو احنه شدهرنا غير الناس
شيخ محمد : يله وليدي ديربالك عليه اني اروح اشوف الولد
حسين : الله وياك شيخنه
شيخ محمد : بعد ما وصيك
حسين : اطمن .. راح شيخ محمد ظليت بره افتر وفكر شلون راح ندبرها منا الوظع وعلى ياساعه نموت ومنا الحكومه ما توديلنا دعم ومنا هاي البت الي اجت تدرس وتورطت لزمت جهازي وتصلت باهلي طمنتهم عليه .سمعت صوت الاذان توضيت وصليت رحت اشوفها
لكيته نايمه قربت تحسست حرارته اشو هذي طفرت وطفرتني وياها
حسين : شبيچ ما تگليلي گظيتها خوفات من وراچ اردت اعقم وجهچ طفرتي لردت اشوف حرارتچ طفرتي تره مو وحش اني والله طبيب حتى بالشرع حلال اتقرب منچ ..گعدت على الكرسي من الهبطه گلبي رجف اشو هذي گامت تظحك باوعتلها ورفعت الها حاجب ها تظحكين واني گطعت الخلفه من وراچ بس تطفرين گلت نتلت . اشو هاي صفنت الصراحة عبالي زعلت بس شويه وظلت تظحك ودموعها يجرن
حسين : جبرتني اظحك گعدت اظحك على ظحگته كلش حلوه
نور :نايمه وحسيت شي على وجهي يمشي عبالي حشره  وطفرت اشو هذا طفر ازيد مني وعاط بيه وبين على وجه الخوف من شفته حاولت اگظ روحي ما اظحك بس من حجه وگعد على الكرسي ومبين عليه خاف متت ظحك وزدت من حچه وكال گطعت الخلفه لزمت روحي ما اظحك بس من باوعت بشكله ظحكت لا اراديا لحد ما دمعت عيوني وهذا يظحك وياي .
حسين :سكتنه اثنينه من نوبت الظحك اردفت .. انتي لازم تبقين هنا هاي الفتره بين ما نشوف طريقه نوصلچ لاهلچ اتحملي الوظع چم يوم
نور : هزيت راسي بحزن
حسين : لا تظوجين بس هاي الفتره وكلشي يرجع لمكانه واهلچ اني اتفق وياهم
نور : هزيت راسي واشرتله اريد ماي
حسين : صار يابه هس اجيبلچ ماي واكل .. رحت جبت الها ريوگ من الولد وماي انطيته اكلت شويه وعافت الباقي اني اكلته .اردفت اني راح انام هنا اي شي تحتاجي گعديني  وممنوع طلعين برا
نور : بعد ما اكلت هو اكل وكال يريد ينام اخذت الورقه وكتبت 📝اريد لحمام اغسل
حسين : تعالي
نور : كمت بعدني هستوني واگفه اختل توازني وگعت على وجهي هو اجه رگض
حسين :الله الله شجاچ بله كومي
نور : سحب ايدي يرد يگومني بعدني دايخه هستوني وگفت ملت عليه صرت بحظنه ولازمه اديه منا ومنا اريد بس شي يثبتني احس الگاع ما مستقره جواي
حسين : شبيچ نور شنو تحسين بله باوعيلي
نور : بعدني بين اديه ويسولف واني احس ما مركزه كلش
حسين : نور تسمعيني . من شفت ماكو استجابه رفعتها بحظني شلته ورجعتها لفراشه .. اشو هاي فقدت
جبت اجهزت القياس لكيت ظغطها هابط شكلت مغذي الها انتظرته يخلص شلته من ايدها هي بعد نامت واني نمت على السرير الي يمها ... نفس الرجال النوراني گدامي گاعد حاجيته.. انت منو
: يجي يوم وتعرفني . . احتفض بيه هي امانك
: شني هي حاچيني ... تلاشه نوره وكعدت من النوم على صوت الانفجار هس المكان . طلعت ركض ... شصار ياولد
:: هاي انتحاري فجرنا ههههههه
: كعدت  صافن من الهبطه
:: يمعود شبيك كلبك رهيف وتخاف
: مو اكوملك . ما خايف على روحي خايف اخسر واحد بيكم تعبت واني يوميه اشيع چم واحد منكم
: لا تخاف . خاف على روحك خاف نترس الجنه وانت تبقى بالباب
:: اي مو هي بيت ابوك الجنه وتترسه . ما تنچب غير هي عرضها السماوات والارض
: اسكت اني افكر بحور العين ولا زنيبه بت عمي لازكينه الي . اكلهم يابه تشبه حمزه اخوي بس محجب ما يقبلون الا تزوجه
:: ههههه عوفك من التنمر على الناس  وشبي حمزه شو يخبل
: اكلك اسكت يخبل هو غير اذ شد حيله يكلب عگروك اول مره اشوفلي بشر حلگه من الاذن للاذن
:: هههههههههههههه ولك حرام عليك تتنمر هيج هذا اخوك الا اخابره واكله
: خابره وبله اسئله ما الله يهدي يزوج زنيبه
:: ههههه عوف زنيبه عود صدك انت طب الجنه وتعوفني
: الحچي بينه قرد بالجنه ما يخلوني بس اصبر روحي على هذا التعب وهيچ اكول
:: هههههههههه ولك هي الجنه بيه قروده
: انشاء الله اني . شوف اذا متت ولكيتلك قرد هناك اشگر كول هذا عبدالله 
:: عود ليش قرد اشگر
: جا تريد هم قرد وهم اسود ما صايره
::ههههههه . اكلك عبدو جعفر ماكو اليوم
: هناك يم شيخ محمد يگله قنع حسين يطيني اخته شهرك وخزاك بين العربان
:: ياچلب فظحني اني اعلمه
: عود صدك انطي اختك بس تره هو سمعته مزينه اني اكلك وساقط واحتمال الحبوب الكبسله الي نلگاهن عد الدواعش هو ياخذهن يشربهن لان هو الوحيد يكتل روحه كتل اردهن اريدهن واني اتلفهن . شبيك عينك شكلت بس تغمز قابل مجذب اصلا لا تنطي اختك ..بعدني احجي ما حسيت غير الدفره ا... اخخخخ يمه نكتلت
: ها ولك هيچ الصحبه تسود وجهي گدام اخو مرتي
:اصلا چنت امدح بيك اكول ما تلگه مثل جعفر بس انت :من شوكت هنا
:من شيخ محمد يدعيلي
: وانت سيد ما تگلي هي هاي الشهامه هاي الاخوه
حسين : ههههههههههههه ولك غير اغمزلك صار ساعه بعدني ما كتلك جعفر ماكو هو اجه
عبدالله : ممطول من وره دفرت جعفر . اكلك جعفر تعال گومني علمود ادعي الله يخليك قرد وياي بالجنه
جعفر : ما تستاهل مو اني مكبسلچي ودايح ومومالت زواج
عبدالله: يخوي نشاقه گومني خلي اروح ارتاح وراي واجب
حسين : گمت . انطيني ايدك اني اگومك
عبدالله: هاي الصحبه مو جعفر الچلب
كمت ورحت انام وراي واجب يبدي ب١٢
جعفر : ها سيد اليوم مختفي
حسين : غير عندي مريضه
جعفر : اممم .دباوع وراك
حسين : وحمس . التفتت وشوف ...

مشهد من المستقبل :
:حسن صار فتره مو على بعضه
:: ليش ولج خاف مزعلته
: لا والله بس دوم يباوع للتلفون وجه مخطوف وحتى مو ذاك الاكل
: والله ما ادري شكلج اكعدي وياه وشوفي شبي
:سئلته يكلي عوفيني بظيمي
: شجاه خاف ظغط لشغل
:والله ما ادري امشينه نطيهم الجاي
: رحن كعدنه بالصاله ملتمين
: دك التلفون على حسن وكلنا نسمع ونباوع لحسن الي ظل يرجف وهو يحجي بالتلفون 
: اي اني
مجهول : تعال للمستشفى ....... لكينا
حسن : ها وين لكيتو بس طمني خوما  بيه شي
مجهول : للاسف لكينه جثه نفس الصفات بس تعال تعرف عليه   .  
حسن : طاح من ايده التلفون ودموعه جرت وعاط بعلوو صوته وظل يحجي وي روحه ويركض ما فهمنه شبي وشنو صاير  ..... ياربي مو هو يارب مو هو هو ااااخ ربي لا تفجعني .كلنا نصدمنه ما نعرف شنو التلفون الي اجاه ومنو الي مات والخوف صار بكلوبنه من المجهول 
::