نور وسط الظلمات

البارت ١٧

التفت عليه
: نورر. !
نور : تقدم يمشي وصل الي واردف والحزن بعيونه غريب
ليث: الحمد لله على سلامتج
نور : الله يسلمك شلون صرت استاذ
ليث : اااه مهدوم الحيل
نور : عرفت قصده دنكت واردفت.. شجابك هنا استاذ
ليث : انتي وانتي طلعتي ملك غيري
نور : استاذ الظروف تجبرنا على هواي اشياء انت ما تعرف الي مريت بيه
ليث : ولا انتي تعرفين المريت بيه
نور : شلون وصلت لهنا
ليث : الصدفه جابتني لهذا المكان وقراري اعوف اهلي وناسي علمود الكه السكنت كلبي
نور : استاذ مو وكت هذا الحجي
ليث بصياح : شوكت وكته شوكت شوكتتتتتت من تنزفين اله واني اباوع من اني اتعب اشهر واسهر وليل ما انامه علمود اوصلج ومن اوصل الكاج لغيري صايره والله ظلم الي يصير واحد يتعب واحد على الحاظر ياخذ
نور : استاذ صوتك فظحتنه
ليث : انتي نفظحتي واني العشيره كلها تدري بيه ادور عليج الي يكول مراهق والي يكول غبي والي يكون طايش شايفه النظره الصارت عني واني استاذ جامعي مو بس هاي ونضرت الشفقه من اهلي والي يكطعون حديثهم من اوصل يمهم ما يعرفون اني سمعت محتواه الي هو خطيه ليث انكسر ليث بجه ليث .. زين ارجع هس الهم شكلهم متزوجه شكلهم هاااااا
نور : لا تعيط مو ذنبي  يطبون داعش ولا ذنبي ابقى افتر بالخرايب ولا ذنبي اشوفهم يذبحون شخص كدامي ولا ذنبي افقد الوعي والكه روحي بين الحشد ولا ذنبي ينكطع الطريق وما اكدر اوصل لهلي ولا ذنبي اتزوج شخص مجبور عليه وبدون حلقه ولافرحت اهل اذا انت نكسرت مره اني الف مره واخر مره اسمحلك هيج تحج...بعدني ما مكمله الحجايه وسمعت صوته الي خلاني كلي ارجف خوف فشله  ما اعرف مشاعر مختلطه
:: نوووووووور
نور : التفتت اله شفت عيونه حمر وشراينه مشبطه مبين عليه العصبيه اول مره اشوفه بهاي الحاله اتقدم عليه بهدوء عكس العصبيه الي بعيونه ولزم ايدي حسيت عظامي طكت من قوت الزمه واردف
حسين : كواك الله بطل اجت سيارت الاسعاف تكدر تاخذ حسان وتروحون لهلكم بالسلامه  ..  ..
نور : دنك وشاورني ... بسيطه ...هذي الكلمه جانن كفيله ترجفني
ليث  ابتسم بانكسار وعينه على اديهم المتحاظنه وردف
... الله يسلمك ديربالك عليه
حسين : هاي روحي ماكو داعي توصيني يله توكل
-ليث انسحب لان عرف المكان مو مناسب اله رجع وهو منكسر مهموم نقل حسان للاسعاف ورجعو لاهلهم
نور : جانت لحظات صعبه كلش واني اشوف ليث مكسور بسببي وحسين قابض على ايدي بقوى كائنه يكلي انتي ملكي مو لغيري واني بنص بدون اي مشاعر
راح ليث وحسين بده بعقابه .. سحبني بدون اي انذار بقوه يرجعني للكرفان جان يمشي بس بالنسبه الي يركض وعاصر ايدي
اردفت ... حسين اوكف راح اطيح شبيك حسين
حسين : خلي نوصل واكلج البيه
نور : تصرفك هذا غلط شنو تسحبني هيج اذيت ايدي
-حسين بصمت ومستمر يسحب بيها بدون ان يهتم لحجيها لحد ما وصل دفر الباب ودفعه بداخل الكرفان لحد ما طاحت على ركبها
نور بوجع : اااخ رجلي
حسين دنك.عليها للكاع :: وجعتج مو ووو
نور : انت منو وهيج تعاملني
حسين : اني الي محسوب زوجج اني الي حبيتج من كلبي وانتي ما هتميتي ولا يوم بينتي الي اصلا اي عتبار بحياتج او مكانه وبالاخير تختميها.واكفه وي واحد تدرين بيه يحبج وتكعدون تتناقشون عن حبه الج ولج انتي شنو من بشرررررررر شنو من بشررررر ما وكفت بعينج ...كام يظرب على جهت كلبه ويصيح ... مو بيج الصوج بهذا الي حبج بهذا الي ما شاف غيرج 
نور : رعبني بصياحه وعنده حق بكلشي يكوله سكتت وظليت بس ابجي لزمني من شعري حيل رافع راسي وجه بوجهي ويحجي بقهر وصاك على سنونه
حسين : تبجين مو من الحجي بجيتي بس من تسوين فعلتج ما تبجين من تكسرين كلبي ما تبجين من دوسين على غيرتي ما تهتمين همج الوحيد الي يجي بالج تسوي مو و و
نور بشهكه : اوجعتني حسين
حسين : اوجعتج مو .. شدد على شعرها اكثر .. هذا وجع حاسبته وجع كلبي طززز بيه شنو حسين اصلا بالنسبه الج
نور : مو هيج بس ردت ...
حسين : اششششش ولا اسمع صوتج وكلها للخميس ورجعج لهلج تعبت منج تعبتتت تعبتتتت انعل ابو الحب اذا هيج كرهته وكرهت روحي يوميه سالفه يوميه مصيبه كافي كافي
نور : بعد ما حجيت هد شعري رجعت زحف ليوره وكورت روحي وظليت ابجي على وظعي وعليه شلون يمد ايده عليه وشلون هيج يعاملني وعلى ليث شلون راح مكسور كلب هو دفر الحايط وطلع يسب بروحه .ظليت ابجي ما اعرف شكد مر الوكت بس عيني بدت تثكل وتغلق بوحدهن  واني كاعده وحاطه راسي على ركبي  ..كعدت كانوليه بايدي وراسي يفتر كلبي يوجعني وحسين يمي كاعد يكلب بتلفونه بعدني مقهوره منه درت وجهي هو من حس اتحركت اجه يمي واردف
حسين : شلون صرتي
نور :ما جاوبته اتقرب اكثر تحسس كصتي وسحب ايدي جيك الظغط والسكر. وبتعد
حسين : وره ما طلعت منها جنت منهار رحت. يم جعفر حجيتله كلشي ظل يانب بيه خلاني احس بالذنب لان عاملتها هيج واني دخيل على حياته ولازم اتحمل كل هذا الشي اذا احبه واذا ابقى اتصرف هيج راح تنفر مني هواي حجي حجه مر الوكت وكلت اروح اشوفها ما يطيني كلبي اخليها زعلانه وتبجي طبيت لكيتها طايحه بالكاع وجها احمر تقربت منها ... نور نور تسمعيني ... شفت ما كو استجابه تحسست كصته حاره ونبظه ظعيف ركضت جبت اجهزت القياس لكيت هابط ظغطها وسكرها انطيتها مغذي وظليت يمها لحد ما حسيتها كلبت لغير جه حاجيته ما جاوبتني جيكت وظعه مابيه شي عفته ورجعت لمكاني .....سمعتها حجت بصوت مبحوح من البجي
نور : شوكت ارجع لهلي
حسين : الخميس انزل واخذج وياي
نور : طلكني هنا لو يم اهلي
حسين : من حجت هاي الجمله رجف كلشي بيه حسيت خسرتها وللابد صح هاي الحقيقه ولازم اتقبلها بس ما اكدر كلش حبيته وما تخيل حياتي بدونه .. اردفت
بعدين نحجي بهذا الموظوع
نور : ليش تاجل الحجي بيه . راح اطلع من حياتك وترتاح مني مو تعبتت
حسين : نور بعدين نحجي انتي تعبانه ارتاحي
نور :ما ارتاح لحد ما ارجع لحياتي القديمه
حسين : يجرالج بس ارتاحي هس
نور : صح حجيت هيج بس نقهرت من ردت فعله وشلون ما متمسك بيه رغم ما اعرف مشاعري شنو اتجاه بس انقهرت حيل منه رجعت ابجي بسكوت غمضت عيوني مر وكت وحسيته تقرب مني حيل نمطل بصفي وخله ايده على كصتي ويحجي بهمس عباله نايمه اني هم سويت روحي من الميتين مو بس نايمه مرر ايده على وجناتي واردف
حسين : ااخ ياروحي تبجين بسببي وتنامين زعلانه  من وراي ولج تردين تعوفيني وتطلكين ما تكولين شلون يعيش بدوني شلون يكمل حياته
نور :كام يمرر اديه على شفايفي وحنجي وخدودي ويحجي بحسره ..... شلون اكمل حياتي بدون هذا الوجه واني كل لحظه تمر عليه تخيلج بحظني وام بيتي شلون اكمل حياتي بدون عنادج وفهاوتج منو من تعصب يكلي كلشي ينحل بالتفاهم ويغير عصبيتي لظحك  تردين تطلكين وتصيرين لغيري ولج اموت والله اموت
-حسيت نكط ماي نزلت على وجهي وصوته صار ابح وهو يحجي عرفت جاي يبجي اردف.... تدرين دموعي ما نزلت بس من ماتو ربعي وعليج تدرين اول مره بحياتي ابجي على بنيه او على شخص احبه نور شلون ينطيج كلبج تعوفيني ... حسيته تقرب وباسني بخدودي وبكصتي وبطرف شفتي حط راسه بركبتي وظل يسحب هواه حيلل وما يرجع النفس وهمس ..  اخ يا ريحتج شلون افاركه ... ما ردت امنعه لان اني جنت محتاجه اودعه واحجي وياه بس موقفه الاخير حل ظوجني بس لحظه جنت فاقده السيطره والاراده جنت محتاجه حظنه رفعت اديه وحظنته هو من حس عليه حظنته سحبني لحظنه اكثر وخله راسه بركبتي اكثر واديه حاوطن خصري وما حجه شي اني حظنت راسه ونمت
.نور.... كعدت الصبح على صوت طكطكه يمي فتحت عيوني بالكوه لكيته يخبط ابره حجيت بهمس .... شنو هاي
حسين : ابره
نور : المن
حسين : الج يله خلي اظربج
نور : وين تظربني
حسين : كلت خلي العب بعصابه ... غمزت الها وكتله بالعظل
نور :: يعععععع عزااا والله لو تموت
حسين سحب الكرسي كعد ورجع ظهره براحه وحجه..  اني ما اموت بس انتي اذا طور الامر تموتين
نور : عادي اموت ولا هيج اسوي
حسين : ليش شمسويه قابل
نور : ما اظرب الابره
حسين : رجلج اني تره عادي حلال
نور : انت ما تستحي
حسين : شمسوي اريد اعالجج وغمزت
نور : لا تغمز والله انت ما تستحي اعرف سوالفك مو راحه
حسين : شمسوي موراحه
نور : اهووو انت مو مزاعلني ومزاعلتك يله روح
حسين : مزاعلج كزوجج بس مهنتي وانسانيتي ما تسمحلي اخلي مريض يتوجع وما اقدمله المساعده
نور : اني مستغنيه عن مساعدتك مشكور عوفني وروح
حسين : تدرين شنو من امكانيات عندي
نور بفهواه : هاا شنو
حسين : انزعج بلمح البصر وظربج الابره
نور غطت وجها بالجرجف :: انت ما تخجل والله عيب عليك كوم اطلع
حسين : من سوت هيج صدك ظحكت كمت يمها وابره بيدي جريت الجرجف من وجها وهي عاطت
نور : لا الله عليك لافدوه
حسين : شبيج بالوريد اريد اظربج
نور وهي متمسكه حيل بالجرجف : صدك والله
حسين : هههههههه اي والله انطيني ايدج الكانوله راح تاوت من الحركه
نور : انطيته ايدي ظربني ابره بيها وظل يمرر اصابعه عليها بحجت يمشي الدوه
حسين : ظربتها ومرر ايدي على ايدها من النعومه ما ينشبع منها مالت اكل اخر شي بستها بايدها وكتله افيش مو ايد لعابه
نور : ياا شبيك ايدي هدها
حسين : خلي اعظه بس شويه
نور : لا فدوه لالاا
حسين : عظيت ايدها وهي تعيط عفتها وظحكت واردفت... سويتلج ساعه
نور بخزره : ولي عني يله اطلع بره مزاعلتك
حسين : اصاحبج بطريقتي وغمزت الها
نور : تبقى ما تستحي يله اطلع