ALL-TIME FAVORITE: Forbidden Love

NINE

ANG ika-apat na araw nina Adrian at Vincent sa Hacienda Ramona ay ginugol ng mga ito sa paglilibot sa buong plantasyon.

Si Vincent ay hindi makapaniwala sa lawak ng
lupain. "Why, Adrian, these are worth millions!"

"Mag-iikot tayo sa buong mundo, Vince. We can go to the Tramp casino, sa Monte Carlo..." Nilingon nito ang binata. Nakita ang lungkot sa mga mata nito. "May problema ba?"

"I'm woried about Mariel, Adrian. I know she
will hate me for this. At hindi ka tumutupad sa usapan," akusa nito.

"Humingi na ako ng paumanhin. Nabigla ako and you can't really blame me. Mariel is a very pretty woman," depensa nito. “Anyway, she will live in comfort, Vincent. Divorce is in order, soon," mariing wika nito.

"I hope it will be done bago niya matuklasan ang lahat. At bago pa muling kumawala ang pagpipigil mo," nag-aalalang tumingin ito sa mga berdeng dahon ng mais. “Ayokong masaktan si Mariel, Adrian. Gusto kong pagsisibang pumayag ako sa mungkahi mo, "

"Rubbish! Tinupad ko ang usapan natin. I never
laid a finger on her, Vincent. Maliban sa pangyayari noong isang araw at ilang beses ba akong hihingi ng dispensa? I was tired and tense."

"Would you have consummated your marriage
kung hindi kita binalaang huwag pakialaman si Mariel?"

Ngumisi si Adrian. "She's a pretty little thing."

"Huwag mong susubukan, Adrian, tinitiyak ko sa iyong papatayin kita."

"She's my wife," walang anumang wika nito.
Pumitas ng isang bunga ng mais.

"Sa pangalan lang, tandaan mo. Hindi iyan ang
usapan natin," may galit na sa tinig ni Vincent.

Nagtaas ng dalawang kamay si Adrian. “Alright, alright. Pero, Vince, paano kung hindi pumalag si Mariel? Paano kung payag naman siyang mangyari ang dapat mangyari. Mag-asawa kaming legal. Baka nga mamaya ay nagtataka na iyon kung bakit hangga ngayon ay virgin pa rin siya," giit pa rin ni Adrian. Natanim sa isip ang ginawang paghalik sa asawa.

"Sa nakita kong anyo niya nang lumabas ng silid ninyo ay lhindi mangyayari ang iniisip mo, Adrian. She was shocked. And many times I've seen her cringed sa tuwing madidikit siya sa iyo."

"Iniinsulto mo ako, Vincent," tim-bagang nitong sinabi.

"Wala siyang pag-ibig sa iyo, sinunod lang niya ang utos ko sa pagnanais na tulungan ako. Palabasin mo siya sa gulong ito, Adrian, ng intact pa rin. And let her find happiness with somebody else na mahal niya at mahal din siya. Anyway, napakinabangan mo na ang pagpapakasal niya sa iyo. Malilipat sa pangalan mo ang kalahati ng plantasyon. Pagkatapos ng bilihan, release her."

"Paano kung ayoko, Vincent? Paano kung gusto ko palang manatiling asawa si Mariel? Wala kang magagawa."

Tinitigan nito si Adrian ng matiim. "Don't push your luck, lover boy. Hindi mo kailangan ang kapatid ko."

Huminga nang malalim si Adrian. Nagbaba ng tingin na tila maamong tupa. "You're right."

"Hindi ba niya napupuna na lumalabas ka ng silid ninyo sa gabi?"

"I don't think so. Lagi siyang pagod sa plantasyon," pagkasabi noo'y nagdilim ang mga mata nito. Pumasok sa isip ang lihim na sulyapan ng asawa at ni Brad.

May lihim bang relasyon ang dalawa? Nagtagis
ang mga bagang nito. Knowing Brad, posible. Hindi iilang babae ang naaakit dito, Gaano man kainosente at kamasunurin si Mariel ay hindi ito mai-immune sa charm ng stepbrother.

Maliban na lang marahil kay Faye. But she was foolish. He only took her dahil din kay Brad. Wala kahit katiting na interest sa babaeng iyon si Adrian.

Hindi tulad ni Mariel, her innocence thrilled and excite her. At kung hindi kay Vincent ay noon pa niya inangkin ang asawa.