ارتدت الفستان التي قامت بشراءه مع يحيى وذهبت للخارج لتريه
" ايه رأيك؟ "
نظر اليها بذهول وابتسم " ايه القمر ده!..هتاكلي الجو من العروسة "
" مش للدرجادي يعني! " تحدثت وهى تضحك
" انتِ مش مقدرة قيمة نفسك والله..انا حبيبتي اجمل واشيك بنت في مصر..مصر ايه لا ده بالنسبالي في الدنيا كلها "
" ربنا يخليك ليا يا حبيبي..كلامك بيفرحني على طول "
" ويخليكي ليا يا قمري..يلا؟ "
" يلا "
امسك بيدها وتوجها لقاعة الزفاف ودلفا للداخل وهما ممسكان بأيدي بعضهما
" ضياء ضياء..صاحبك جه ومعاه الزفتة بتاعته! " تحدثت دينا بغيظ
" متقوليش عليها زفتة لمي نفسك "
" ماشي يا عم الحبيب! "
توجه يحيى لدينا ونظر اليها بثقة وابتسم
" الف مبروك يا عروسة ربنا يسعدك "
ابتسمت ابتسامة صفراء ونظرت اليه بغل " الله يبارك فيك..عقبالك "
" قريب اوي..وطبعا هتكوني اول واحدة معزومة "
شعرت بنبضات قلبها تتسارع بعنف من شدة الغضب وحاولت السيطرة على دموعها وابتسمت ببرود حتى اقتربت منها رحمة واعطتها هدية
" الف مبروك يا دينا ربنا يسعدكوا "
" الله يبارك فيكي يا حبيبتي " تحدثت ولازالت الابتسامة الصفراء تملأ وجهها بينما اقترب ضياء من رحمة وتحدث باقتضاب بعدما رحل يحيى ليقوم بتجهيز معداته
" ازيك يا رحمة "
تسارعت نبضات قلبها ونظرت اليه بحرج
" انا كويسة..ازيك انت؟ "
" انا تمام..عايزك في كلمتين "
" اتفضل"
" انا مش عايز يكون فيه حاجز بينا..انا مش فارق معايا حاجة غير انك تكوني مبسوطة..انا فرحان لفرحك ولفرح صاحبي بردو "
" بجد يا ضياء؟..انت شخص محترم ومتفهم..انا والله ما قصدت اجرحك خالص غصب عني "
" انا متفهم ده..المهم انتِ مبسوطة مع يحيى؟..بيعاملك كويس؟..لو فيه اي حاجة انا اخوكي وفي ضهرك "
ابتسمت ونظرت اليه بامتنان " شكرا اوي يا ضياء..يحيى انسان جميل انا مبسوطة اني عرفته من يوم ما عرفته وهو بيفرحني وبيراعيني "
" ده انتِ هبلة..بكرة تندمي يا قطتي " حدث نفسه بسخرية
" اه هو بيحبك..ناويين تعملوا الخطوبة امتى؟ "
" لسة متكلمناش في الموضوع ده..بس اكيد قريب "
" خلاص ماشي..عن اذنك "
YOU ARE READING
Fake Love
Romanceأن يطعنك أحدهم في ظهرك، فهذا أمر طبيعي، ولكن أن تلتفت وتجده أقرب الناس إليك فهذه هي الكارثة.
