Part - 10 ( Unicode)
💛 ( Kiss ) 💛
"ကျွတ် . .မင်းခ ရာ ဖုန်းကိုင်စမ်းပါ ဘာလို့
အခုထိ မလာသေးတာလဲ "
အဆောင်ကို မင်းခ ပြန်လိုက်ပို့မယ်ဟု
ပြောသောကြောင့် Ruka ဟာ လက်ထဲမှာလည်း
ဆံပင်တုကြီးကိုင်လျက် မိန်းကလေးအဝတ်အစားတွေ မလဲရသေးပဲ နားနေခန်း ထဲမှာ ဖုန်းခေါ်ရင်း
စောင့်နေတာဖြစ်သည် ။
မိတ်ကပ်တွေလည်း မဖျက်ရသေးသောကြောင့်
စိတ်တွေလည်း ကျဉ်းကျပ်လှပြီ ။
" Ruka . .ကိုယ် ဝင်ခဲ့မယ်နော် "
အခန်းတံခါးကို ခပ်တိုးတိုး ဖွင့်လာရင်း
လရောင် ဖြေးဖြေးချင်းဝင်လာသည်။
"အစ်ကို. .အရက်တွေ သောက်လာတာလား "
အနားကပ်လာတဲ့ လရောင်နားကနေ အရက်နံ့
သင်းသင်းရနေသောကြောင့် Ruka က
နှာခေါင်းရှုံ့လျက် မေးလိုက်သည်ဓ
"ဟုတ်တယ် ကိုယ်စိတ်ညစ်လို့ ဘီယာသောက်လာတာ Ruka အိမ်ပြန်မှာမလား ကိုယ်လိုက်ပို့မယ် "
"ရတယ် ကျွန်တော့ကို မင်းခ လာကြိုမှာ "
"လမ်းမှာ မင်းခနဲ့ တွေ့လို့ ကိုယ် သူ့ကို ပြန်ခိုင်း
လိုက်ပြီ ကိုယ်လိုက်ပို့မယ် "
လရောင်ဟာ မူးနေပုံရတာကြောင့် Ruka က
လရောင်ကို ထိန်းလျက် ဆိုင်ကယ်ကို ဖြေးဖြေးချင်း
မောင်းလာရသည်။အဆောင်ကိုရောက်တော့
လရောင်ဟာ မပြန်သေးပဲ Ruka ရဲ့ အခန်းရှေ့ထိ
လိုက်လာသည်။
" အကို ပြန်တော့ "
Ruka က အခန်းတံခါးပိတ်လိုက်သည်ကို
လရောင်က အပိတ်မခံပဲ တွန်းဖွင့်လိုက်ပြီး Ruka ကို
တွန်းလိုက်ပြီးမှနံရံနားထိ တိုးကပ်လိုက်ကာ
Rukaတစ်ကိုယ်လုံးကို အပေါ်စီးမှ သိမ်းကျုံးကြည့်လျက်
"Ruka ဒီနေ့အရမ်းလှတယ် မိန်းကလေး အစစ်
တစ်ယောက်အတိုင်းပဲ Ruka ဘဲလေးကတာကို
ကြည့်ပြီး ကိုယ်ရင်တွေ တဒိတ်ဒိတ်ခုန်နေတာ
ကိုယ့်ခံစားချက်တွေကို ဘယ်လိုမှထိန်းမရတော့ဖူး "
လရောင်ဟာ Ruka ကို ရီဝေဝေကြည့်လျက်
ပြောလိုက်ရင်း လရောင်ရဲ့ နှုတ်ခမ်းအစုံဟာလည်း
Ruka နှုတ်ဖျားဆီသို့ ခပ်ကြမ်းကြမ်းပင် ကျရောက်လာခဲ့သည်။
YOU ARE READING
Today ( Completed)
Romanceယောကျ်ားလေးဖြစ်စေ မိန်းကလေးဖြစ်စေ နှလုံးသားရှိသူတိုင်း ချစ်တတ်ကြတာ သဘာဝပါ ဒီဇာတ်လမ်းလေးကတော့ အရမ်းချစ်တတ်တဲ့ ကောင်လေးတစ်ယောက် အကြောင်းပေါ့❤️ my own creation 😊✌
