شذرة الشاهين

الشذرة الرابعة والعشرون🩵

حيــاكم الله 🩵

بهيــده أبــوس عيونــها برمشـة عيونـي

چـانت تگلــي السهــر ويـاك يحلــى

ومـا تهـمـنـي النــاس اذا يمــك نسـونــي

ولا اريــد الدنيــا لو جــيت علـه بالــي

و هـاك أخـذ بيـدك من شعـري و صوغـه ليالي

هــاك إخـذ شـامـات نحــري

و صـوغ من كل شــامه نجــمـة

و أخـذ كل شــذره گـلاده

ضـوي بيها اللـيل اذا يزداد ظلمــة

چنت أشوفنــها قصيــدة

وأحـس بـاقي النـاس كلـمــة ...

...

شاهين
بعد مرور أيام چان دوامي بالجامعه اتصل عليه أكثر من مره عمي ابو علي ما گدرت اجاوبه بنفس الوكت لانشغالي بالمحاضرات ..
اثناء الاستراحة اتصلت بيه جاوبني بخجل وارتباك واضح

شاهين: ها عمي گول محتاج شي؟

ابو علي: والله ي بعد عمك اني خجلان منك وكلش مستحي الله شاهد عليه !

شاهين: على بختك عمي ليش ادگول هيچ ؟

ابو علي: أبوك اتصل عليه البارحة وعاتبني على سواية حنين فشلتني بالله الكريم والله تعال شوف حالها كسرتها تكسر ما خليت بيها وعلي هم حطها وكتلها حبسناها بغرفتها وگلت اي چلب يجي يخطبها انطيها وانعل يومها ...

شاهين: عمي هيه مو اول مره تتصرف تصرف مو حلو ومره من المرات شفتها بعيني و تجاوزت الموضوع لخاطرك والله .. بس شگول غير الله يهديها

ابو علي: امسحها بشيباتي عمي

شاهين : حشاك عمي انت على راسي وانسى ليظل ببالك ابداً شغله وراحت لحال سبيلها

ابو علي: اني راح اروح بنفسي لخوال مرتك وأعتذر منهم بالنيابه عن بنتي واللي سوته وياها واجيبها وياي وأرجعها لبيتها..

شاهين: تسلم ما تقصر يا حبيبي بس صدگني الموضوع ما يستاهل وخالها الچبير ما عنده علم بالشغله كلها عباله مجرد زياره رايحة يمهم بس خالها الصغير وهذا صديقي وخويي وفاهم الامور كلها ومدرك لحيثيات الموضوع ..

ابو علي : خلص لعد يمر أسبوع زمان واروح أجيبها بنفسي و ما توصل الحچايه لابو سردار ليظل ببالك عوفها عليه ..

شاهين: رحمة الله على والديك حجي ربي يحفظك و يطول النا بعمرك ..

ابو علي : حبيبي ابو صگر والف مبروك گالو راح يجيك وليد يتربى بعزك ودلالك ي بعد عمك

شاهين: الله يحفظك يا غالي بعدنا ما نعرف ولد لو بنية شيجي خير وبركة

انتهى إتصالي وياه ما أنكر انه كلامه برد گلبي شويه وحسيت انه ذهابه الها ورقة ضغط عليها حتى ترجع لحضني وما يطول الفراگ ... بهالاثناء سمعت باب غرفتي اندگت ودخلت ..