شذرة الشاهين

البارت ٣٣

حياكم الله 🩵
الكاتبة // ميــس آل صـلاح

...

اجت عينك بعيني وطالت السكته
وجزيت وعفت واحد ناسي سالفته
چنت احچيلهم
بالماضي وشمحلاه
وعرفت الجاي احلى من الحچي القلته
وعرفت القلب يوقف
والبشر ميموت
ثواني بنقِل جدمك عطلت دقته
منين انت؟؟
من يا غصن جاي.. اهلك بيا بستان
نوع من الورد؟؟ كائن جديد انت؟؟
.

يوسف
جبت الكراسي اللي وصتني عليها أمي علمود المعازيم و تلگتني شذره ...

يوسف : هاا وين الجماعه بعدهم ما رجعوا من الصالون ؟

شذر : لا بعدهم يمكن بعد شويه يوصلون ... أگلك حباب تگدر تجيب مرت عمي و البنات لهنا خطية ما أريد يجون بتكسي !

يوسف: لا يا تكسي هسه رايح اجيبهم !

شذر : عاشت أيدك علمود هسه انطيهم خبر ..

يوسف: عدهم خبر ههههههه لا يظل بالج

شذر: هااا اويلي منكم واني حايره بيهم بسيطة شروق اني إلها

يوسف : ههههه يلا رايح باي

وصلت لباب بيتهم و خابرتها ردت بصوتها اللي يرد الروح ..

يوسف : ها حبيبي جاهزين ؟

شروق : اي جاهزين دننتظرك أصلًا

يوسف : أروح فدوه أني يلا اني بباب البيت اطلعوا

شروق : تمام حبيبي

...
شروق

خبصتها لأمي يلا و يلا من وصل يوسف راحت
جابت جنطتها واني طلعت قبلها ابتسمت من شفته گاعد بالسياره لازم موبايله يتصفح بيه

من طلعت رفع راسه صارت عينه عليه أبتسم وذب الموبايل من ايده

توجهت للسياره وصلت يم الباب مالته دا افتح الباب الوراه فتح الجامه طابگ حواجبه

يوسف : معرفتي تلبسين جبه فوگ ملابسچ؟

ابتسمت عرفت بيه ما راح يعبرها ..
صعدت ليوره باوعلي بالمراية وقفل السيارة

مد ايده وگرصني برجلي من ركبتي : شدعوه حاطه طن مكياج و الفستان شنو سالفته لاطش؟

شروق : اااخ ..تره الفستان مال محجبات خاف متدري ثانيا همه كلهم نسوان !

صار يحچي بعصبيه : كلشي مبين يا محجبات بعد وهذا المكياج عبالك رايحة صالون؟

شروق : أي رحت الصبح !

يوسف : و ليش ما گلتيلي ؟

ماما صارت قريبه تفتح بالباب مقفولة ..

بسرعه حچى وهو يفتح قفل السيارة : اني اعلمج بسيطة ست شروق !

صعدت ماما سلمت عليه وهو رد السلام و شغل السيارة و طلع وظل الطريق كله يخزر بيه واني مبتسمه على سوالفه ...