حياكم الله 🩵
الكاتبة // ميــس آل صـلاحمساء الخير يا احلى قُرّاء
بداية احب اشكر كل البنات اللي يتفاعلون على كل بارت حرفياً على كل بارت من تصويت او تعليقات
وبالاخص إللي اسماءهم تتكرر عندي بحيث من ميعلقون على البارت افتقدهم جداً صدقاً (حفظت اسمائكم ابوسكم )
بديت أحسهم مثل خوات بالنسبة الي يدعمون و يقدرون التعب والمجهود
واللي يقرون بدون تصويت او تعليق حتى لو بكلمه تم احب أكلكم أريد أتعرف عليكم و اشوف اسمائكم تنورني ...كل الود والمحبة لعيونكم الحلوة 🩵
...
إحرگني گتــله حطب
بيا ادفىء وأنا احتمل
وكيف حرگني و دفى
وطفاني بعد الحرگ ...
گتــله ضميرك صحى ؟
لااا گال أريدك فحم
مرتين راد اشتعل...
قسور
التقيت بشاهين و سولفتله
الضامهن بگلبي
شكيت له همي
ولو يگولون الجرح ما يوجع غير صاحبهبعدها توجهت حتى اجيب نجلاء و علاوي
لبيتنا يم أمي وميضلون وحدهم
هاي اول مره الحجية تبات
كل مره تروح تزور و ترجع بنفس اليومبس حظي المصخم بعد
شسوي رحتلهم وامري للهقسور : الو ها يابه جاهزين اني بالطريق صرت قريب عليكم ؟
نجلاء : اي كملت كلشي بس ألبس حجابي ما عندي شي !
قسور : ديلا باي
خمس دقايق ووصلت
فتحت الباب ودخلت
طلع علاوي يركض بس بالقميص
ماكو لا بنطرون ولا شيقسور : ها بابا ليش مصلخ وين بنطرونك ؟
يضحك و ميجاوبنياسمعها من جوه
تصيح بأسمه عبالك تدور عليه
ضجت لان راح نتأخر
هسه گالت جاهزين ليش ما لابس الطفل
اخذته من أيده ودخلت جوهبس طبيت صارت بوجهي
هاي چانت اول مره
أشوفها بدون حجاب
شعرها طويل واصل لركبها
ولونه بيه شگار
بسرعه نزلت عيني منهاتعصبت وگوه لازم روحي : هاي ليش مو گلتي جاهزين ؟
نجلاء : شسوي راد يدخل للحمام وبين ما كمل و غسلتله أنهزم مني ... هاي شوفت عينك بس أركض وراه خبلني!
صحت طلعت عصبيتي بيه : امشي رووح ألبس يلااا
علاوي گام يبچي
و ظل واگف بمكانه يم رجلي
تقربت هيه وگعدت بمستواه تريد تسكته
رحت وين اودي عيونينترت البنطرون من أيديها
وگتلها : لبسي حجابچ يلااا آني ألبسه بنطرونه!جريته من أيده وگعدته على الكرسي
وبديت ألبسه بنطرونه وانطيتها ظهري
هيه ظلت واگفه بمكانهاعطت بيها : ليش بعدچ هنااااا روووحي البسي حجاب ورانا طريق اتأخرنا!
نجلاء : ليش تصيح؟
YOU ARE READING
شذرة الشاهين
Romanceهلي و زتتنا الضفاير و الضماير و الخناجر و الدفو الغطه الچفوف وچانت الهلهولة خرسة تضيع بالشفه وتطوف