شذرة الشاهين

الشذرة الواحد والثلاثون والاخيرة🩵

حيـــاكم الله 🩵

...

"إذا هَجَرتَ فَمَن لي
‏وَمَن يُجَمِّلُ كُلّي
‏وَمَن لِروحي وَراحي
‏يا أكثَري وَأَقَلّي
‏أحَبَّكَ البَعضُ مِنّي
‏وَقَد ذَهَبتَ بِكُلّي
‏يا كُلَّ كُلّي فَكُن لي
‏إن لم تَكُن لي فَمَن لي
‏يا كُلَّ كُلّي وأهلي
‏عند اِنقِطاعي وَذُلّي
‏ما لي سِوى الروحِ خُذها
‏وَالروحُ جُهدُ المُقِل"

...

شذر

بلشنا الامتحانات چانت حالتي النفسيه جدا تعبانه و التوتر بقمة عطاءه بسبب الحمل .. چنت ادرس و إدعي ربي انه يوفقني للنجاح ما اريد أكثر .. لا معدل و لا إختصاص معين المهم عندي انجح وخلص ...

كرهت شاهين بهاي الفترة كلش بسبب ضغطه الزايد عليه بموضوع الدراسه كل ما اريد أنام وأرتاح يظل يحچي عليه ويگول هذا مستقبلچ ولا تضيعيه من ايدچ تره محد يفيدچ غير شهادتچ !

ومن جهة ثانية هرمونات الحمل و الثقل و التعب وكل هاي الامور هبطت من عزيمتي و إرادتي..

بس اريد الامتحانات تخلص لان تعبت من الحمل و الدراسه بوقت واحد لكن سمره شدت حيلها كلش بالدراسه وجانت أجوبتها افضل مني بهواي ...

...
فهد

رغم رفض الأهل لموضوع ارتباطي بمريم بس ما بلغتها بهذا الشي لان ما ردت يأثر على مستواها بالامتحانات بالعكس ظليت متواصل وياها وأشجعها على الدراسه ...

موضوع زواجها من ذاك الرجل اللي رادته أمها انتهى بعد كلام شاهين ويه والدتها نوعاً ما ارتاحيت من هاي الناحية چنت شايل هم تروح لشخص غيري ...

وتقريباً أختفت المشاكل بينها وبين والدتها بعد ما تأكدت من رأيها بالحجاب و الالتزام بالصلاة و تغير حياتها من الناحية الدينيه...

فرحتي بيها چانت ما تنوصف ... تغييرها چان للأفضل من كل النواحي اهتمامها بدراستها و مستقبلها .. وحبها للعبادات چان خالص لله تعالى مو لأجل شخص او غاية معينه ...

خلصت الامتحانات وقررت ابلغها بقراري بخصوصنا اني وياها لكن ما أريد هذا الشي يكون عن طريق الإتصال حبيت أكون بجانبها بهذا الموقف وما اتركها تعيش مشاعرها وحيدة ...

وأيضا كان من الضروري ان أشوفها لآخر مرة حتى احفظ ملامحها اللي تمعن بيها الخالق لأقصى درجة وأبدع بكل تفاصيلها ...

لكن كيف الطريقة للقاءها من دون مواعيد لان ما أگدر أناقض مبادئي و ديني بهذا النوع من اللقاءات فتركت الموضوع لربي مدبر الامور و الصُدف...

أنتهت امتحاناتها وانقطع التواصل بيني وبينها لمدة ستة ايام متواصله حسيت بنار الشوق تلسع بواطن قلبي و تملىء زوايا صدري..